Page:Bali-lontar-gaguritan-dharmma-sasana-350ppi.pdf/57

From Wikisource
Jump to navigation Jump to search
This page has been proofread.

[ ᭕᭖ 56B]
᭕᭖᭞
ᬮᬄᬩ᭄ᬭᬳ᭄ᬫᬢ᭄ᬬ᭞ᬓᭀᬘᬧ᭄ᬭᬶᬂᬳᬗ᭄ᬕᬲ᭄ᬢᬶᬧ᭄ᬭᬯ᭞ᬩᬯᭀᬲ᭄ᬪᬕᬯᬦ᭄ᬳᬗ᭄ᬕᬶᬭ᭟᭐᭟ᬧᬸᬧᬸᬄᬤᬸᬃᬫ᭄ᬫ᭟ᬧᬲᬮᬶᬦᬾᬫᬲᬶᬄᬚᬯᬶᬢᭂᬫ᭄ᬩᬂᬤᬸᬃᬫ᭄ᬫ᭞ᬗ᭄ᬮᬦ᭄ᬢᬸᬭᬂᬢᬸᬢᬸᬃᬮᬶ
ᬗᬶᬂ᭞ᬩᬭᬢᬶᬲᬲᬦ᭞ᬢᬶᬗ᭄ᬓᬳᬾᬲᬮᬄᬩ᭄ᬯᬢ᭄᭞ᬦᬾᬧᬤᬦ᭄‌ᬲᬤ᭄ᬢᬢᬬᬶ᭞ᬦᭂᬦᭂᬫ᭄ᬓᬯᬶᬮᬂ᭞ᬳᬸᬮᬳᬾᬭᬗ᭄ᬓᬸᬂᬲᬶᬲᬶᬧ᭄᭞ᬓᬧᬶᬲᬦᬾᬢᬶᬗ᭄ᬓᬳᬾᬦ᭄ᬮᬸᬄᬫ
ᬗ᭄ᬮᬾᬬᬓ᭄᭞ᬫᬗ᭄ᬕᬯᬾᬲᬭᬂᬕᬸᬫᬶ᭞ᬭᬶᬂᬓᬧᬶᬂᬓᬮᬶᬄᬜ᭞ᬢᬶᬗ᭄ᬓᬄᬜᭂᬢᬶᬓ᭄ᬫᬗᬸᬧᬲ᭄᭞ᬓᬧᬶᬂᬢᬶᬕᬦᬾᬲᬫᬶᬄ᭞ᬦᬾᬗᬫᬸᬓ᭄ᬗᬯᬕ᭄᭞ᬫᬓ᭄ᬭᬡᬲᬄ
ᬧᬢᬶ᭟ᬓᬧᬶᬂᬧᬢᬾᬦᬾᬫᬸᬭᬸᬕᬸᬮ᭄ᬕᬸᬭᬕᬸᬤ᭞ᬍᬩᬶᬄᬍᬩᬶᬳᬶᬂᬲᬶᬲᬶᬧ᭄᭞ᬲᬦᬾᬓᬧᬶᬂᬮᬶᬫ᭞ᬚᬤ᭄ᬫᬦᬾᬦᬸᬜ᭄ᬚᭂᬮ᭄ᬳᬸᬫᬄ᭞ᬲᬓᬶᬂᬮᬓ᭄ᬱᬡᬢᬦ᭄
[ ᭕᭗ 57A]
ᬬᬸᬓ᭄ᬢᬶ᭞ᬫᬓ᭄ᬭᬡᬘᭀᬭᬄᬫᬶᬯᬄᬫᬓ᭄ᬭᬡᬫᬮᬶᬂ᭟ᬧᬶᬂᬓᬦᭂᬫᬾᬫᬶᬲᬸᬦᬓ᭄ᬦᬧ᭄ᬭᬪᬸᬳᬶᬓ᭞ᬫᬯᬲ᭄ᬢᬲᬤ᭄ᬢᬢᬬᬶ᭞ᬤᭀᬲᬮᬶᬦ᭄ᬢᬂᬲᬭᬢ᭄᭞ᬭᬶᬂᬲᬓ
ᬮᬦᬶᬲ᭄ᬓᬮ᭞ᬧᬸᬦᬶᬓᬋᬕᭂᬤᬶᬂᬕᬸᬫᬶ᭞ᬓᬯᬄᬫᬚᬮᬦ᭄᭞ᬳᬶᬤᬸᬧ᭄ᬲᬫᬶᬭᬶᬂᬳᬜ᭄ᬚᬶᬂ᭟ᬯᬾᬦ᭄ᬢᭂᬦ᭄ᬫᬮᬶᬄᬳᬸᬮᬄᬓᬯᬲ᭄ᬢᬦᬦ᭄‌ᬲ᭄ᬢᬾᬬ᭞ᬫᬲᬶᬄᬘᬘᬓ
ᬦ᭄ᬲᬶᬲᬶᬧ᭄᭞ᬳᬸᬮᬳᬶᬂᬲᬚᬤ᭄ᬫ᭞ᬢᬦ᭄ᬯᬾᬦ᭄ᬢᭂᬦ᭄ᬧᬢᬸᬢ᭄ᬢᬸᬮᬤ᭄‌᭞ᬫᬗ᭄ᬤᬾᬦ᭄ᬢᭀᬄᬭᬶᬂᬓᬳ᭄ᬬᬸᬦ᭄ᬲᬫᬶ᭞ᬳᬸᬮᬄᬧᬸᬦᬶᬓ᭞ᬬᬾᬦ᭄‌ᬫ᭄ᬭᬶᬳᬂᬫᬦᬄᬲᬸᬘᬶ
᭟᭐᭟ᬧᬸᬧᬸᬄᬚᬸᬭᬸᬤ᭄ᬫᬸᬂ᭟ᬲᬫ᭄ᬧᬸᬦ᭄ᬜᬦ᭄ᬤᬂᬧᬲᬮᬶᬦᬂ᭞ᬳᬫ᭄ᬩᬶᬮᬂᬓᬚᬸᬭᬸᬤᭂᬫᬸᬂ᭞ᬢᬢᭂᬫ᭄ᬩᬗᬦ᭄ᬚᬯᬗᭂᬮᬦ᭄ᬢᬸᬃ᭞ᬫᬦᬸᬢᬸᬭᬂᬢᬶᬗ᭄ᬓᬄᬲ᭄ᬢᬾᬬ᭞ᬳᬸᬮᬄᬚᬦ᭄ᬫ