[᭕᭓ 53B]
᭕᭓
᭟ᬮᬸᬢ᭄ᬫᬮᬳᬶᬩ᭄ᬳᬶᬕᬭᬾᬂᬕᬭᬶᬢ᭄ᬗᬢᬸᬭᬂᬓᭀᬭᬢᬸᬦᬸᬫᬮᬶᬗ᭄ᬕᬶᬄᬚᬓ᭄ᬳᬶᬤᬤᬾᬕᬸᬦ᭄ᬢᬂᬳᬶᬕᬭᬶᬢ᭄ᬫᬦᭂᬲᭂᬓᬂᬓᭀᬭ᭠ᬢᬸᬓ᭄ᬜᭂᬫ᭄ᬦᬓᭀᬦᬶᬦ᭄ᬦᬾᬳᬶᬧᬵᬳᬤᬵᬮᬸᬢᬫᬢᬸᬃᬗᬚᭂᬗᬶᬢ᭄᭟ᬤ᭄ᬭᬶᬓᬵᬯᬾᬦ᭄ᬢᭂᬦ᭄ᬳᬦᬓ᭄ᬦ᭄ᬕᬓ᭄ᬳᬚᬓ᭄ᬧᬢ᭄ᬧ
ᬢ᭄ᬦᬾᬦᬾᬓᬶᬘᬾᬦᬶᬦ᭄ᬍᬗᬶᬲ᭄ᬓᭀᬭᬢᬸᬗᬦ᭄ᬤᬶᬓᬵᬲᭂᬅ᭄ᬓ᭄ᬫᬚᬵᬧ᭄ᬱᬸᬯᬦ᭄ᬜᬾᬦ᭄ᬓᭀᬦᬾᬤᬶᬢᬸᬫᬗᬦ᭄ᬢᬶᬓ᭄ᬫᬧ᭄ᬟᬲᬂᬢᬸᬦ᭄ᬤᬾᬦᬂᬗ᭄ᬮᬳᬸᬢ᭄ᬫᬳᬶ᭟ᬳᬶᬩᬦ᭄ᬤᬾᬲᬵᬫ᭄ᬧᭂᬲ᭄ᬜᬸᬫ᭄ᬩᬄᬮᬸᬢ᭄ᬫᬚᬮᬦ᭄ᬳᬶᬕᬭᬾᬂᬫᬦᬸᬢᬸᬢᬶᬦ᭄ᬩᬸᬢ᭄ᬓᭂᬤᬚ
ᬩᬵᬮᬸᬢ᭄ᬣᬫᬫᬸᬜᬶᬗᬫ᭄ᬧᬃᬲᬶᬭᬚᬫᬮᬶᬗ᭄ᬕᬶᬄᬤ᭄ᬭᬶᬓᬶᬫᬃᬕ᭄ᬕᬶᬄᬫᬦ᭄ᬢᬸᬓᬦ᭄ᬫᬗ᭄ᬭᬭᬶᬲ᭄ᬕ᭄ᬮᬶᬲ᭄ᬕᭂᬮᬶᬲ᭄᭟ᬲᬸ᭠ᬩᬧ᭄ᬤᬲ᭄ᬳᬶᬚᬶᬯᬵᬭᬕᬵᬫᬮᬶᬬᬢ᭄ᬦᬾᬳᬸᬮᬶᬧᭀᬄᬕᬤᬶᬂᬓᬧᬺᬦᬄᬫᬶᬦ᭄ᬤᭀᬜᬳᬶᬕᬕᬭᬂᬫᬦᬶᬫ᭄ᬩᬮ᭄ᬬᬾ
ᬲᬕᬾᬢ᭄ᬩ᭄ᬘᬢ᭄ᬱᬦ᭄ᬓ᭄ᬮᬶᬄᬳᬸᬮᬶᬳᬶᬧᬶᬤᬦ᭄ᬮᭀᬅ᭄ᬤᬾᬫᬓᭀᬗᭀᬲ᭄ᬤᬶᬦᬶ᭟ᬳᬶᬩᬦ᭄ᬤᬾᬲᬵᬓ᭄ᬜᭂᬫᬫᬸᬜᬶᬗᬤᬾᬗᬂᬲᬫ᭄ᬧᬸᬦ᭄ᬫᬓ᭄ᬮᭀᬕᬢᬾᬢ᭄ᬬᬂᬓᬧᬳᬶᬘᬵᬘᭀᬓᭀᬭᬢᬸᬫᬫᬶᬢᬂᬳᬶᬢᬫᬾᬂᬯᬶᬱ᭄ᬝᬶᬜᬯᬸᬢᬶᬦ᭄
[᭕᭔ 54A]
ᬤᭂᬜᭂᬦ᭄ᬫᬗᬶᬦ᭄ᬚᬮ᭄ᬮᭀᬅ᭄ᬤᬾᬫᬋᬓᬦ᭄ᬟᬶᬦᬶ᭟ᬤᬤᬶᬓ᭄ᬟᬾᬓ᭄ᬳᬶᬩᬦ᭄ᬤᬾᬲᬵᬮᬸᬢ᭄ᬫᬚᬮᬦ᭄ᬫᬩ᭄ᬭᬶᬬᬸᬓ᭄ᬱᬋᬂ᭠ᬲᬫᬶᬢ᭄ᬓᭂᬤᬶᬧᬸᬭᬶᬬᬦ᭄ᬳᬗᭀᬩ᭄ᬧᬤᬫᬮᬶᬬᬢ᭄ᬓᭀᬭᬢᬸᬜᬧᬩᬦ᭄ᬓ᭄ᬜᬶᬂᬫᬳᬶᬫ᭄ᬦᬾᬓᬦ᭄ᬳᬚᬓ᭄ᬫᬓ᭄ᬚᬂᬤᬶ᭠
ᬦᬶ᭟ᬧᬤᬵᬓ᭄ᬜᭂᬫ᭄ᬫ᭄ᬧᭂᬲ᭄ᬮᬳᬸᬢ᭄ᬬᬫ᭄ᬦᬾᬓᬦ᭄ᬳᬶᬕᬸᬦ᭄ᬢᬂᬮᬳᬸᬢ᭄ᬦᭀᬮᬶᬄᬫᬫᬸᬜᬶᬗᬤᬾᬗᬂᬬᬾᬅ᭄ᬓᬾᬦ᭄ᬓᬾᬦ᭄ᬟᬤᬶᬕᭀᬬᬂᬚ᭄ᬦᭂᬂᬦᬫ᭄ᬧᬵᬳᬶᬳᬶᬂᬕᬢᬶᬫᬭᬳᬶᬧ᭄ᬯᬦ᭄ᬩᬦᬶᬧᬘᬂᬫᬳᬶᬭᬶᬤ᭄᭟ᬤᬤᬶᬓ᭄ᬜᭂᬫ᭄ᬳᬶᬚᬶᬯᬵᬭᬕᬵᬫᬦᬶᬫ᭄ᬩᬮ᭄ᬭ
ᬢᬸᬳᬯᬦᬦ᭄ᬜᬶᬮᬶᬩ᭄ᬢᬶᬢ᭄ᬬᬂᬜᬤ᭄ᬬᬍᬄᬓᭀᬭᬢᬸᬓᭀᬘᬧ᭄ᬲᬸᬗ᭄ᬓᬦ᭄ᬓᬾᬯᬦ᭄ᬢᭂᬦ᭄ᬧᭀᬮᬶᬄᬫᬭᬶᬓᬶᬦᬾᬜᬳᬦ᭄ᬢᬶᬢ᭄ᬬᬂᬓᬭᬶᬯ᭄ᬗᬶᬫᬧᬫᬶᬢ᭄᭟ᬘᭀᬓᭀᬭᬢᬸᬓ᭄ᬜᭂᬫ᭄ᬜᬶᬗᬓᬶᬦᬾᬧᬢ᭄ᬧᬢ᭄ᬗᬦ᭄ᬤᬶᬓᬵᬭᬸᬫ᭄ᬫᬫᬦᬶ
ᬲ᭄ᬳᬄᬤ᭄ᬟᬵᬚᬵᬗᭀᬩ᭄ᬚᬂᬢ᭄ᬯᬭᬧᬦ᭄ᬢᭂᬲ᭄ᬋᬲ᭄ᬧᬂᬫᬸᬜᬶᬦ᭄ᬳᬦᬓ᭄ᬩᬸᬤᬸᬄᬢᬸᬦ᭄ᬤᬶᬓ᭄ᬳᬯᭀᬭᬶᬦ᭄ᬧᬸᬜᬄᬦᬾᬢ᭄ᬯᬭᬢ᭄ᬯᬭᬤᬮᬶᬄ᭟ᬢᬦ᭄ᬘᬭᬶᬢ᭄ᬣᬭᬳᭀᬲᬾᬧᬲᬮᬶᬂᬢᬶᬫ᭄ᬩᬮ᭄ᬧᬢᬶᬄᬭᬢ᭄ᬣᬦᬾᬲᬫᬶᬫᬩ᭄ᬭᬶᬬᬸᬓ᭄ᬫᬬᬳ
Page:Bali-lontar-gaguritan-cokoratu-04-300ppi.pdf/54
Jump to navigation
Jump to search
This page has been proofread.
