Page:Bali-lontar-gaguritan-cokoratu-04-300ppi.pdf/34

From Wikisource
Jump to navigation Jump to search
This page has been proofread.

[᭓᭓ 33B]
᭓᭓
ᬲ᭄‌ᬓᬧᬢᬶᬄᬦᬄᬤᬩ᭄ᬤᬩᬂᬳᬶᬜ᭄ᬚᭀᬃᬢ᭄ᬓᬢᬸᬦ᭄ᬤᬾᬦᬂᬜᬯᬶᬲᬂᬫᬮᬸᬄᬦᬜᬫᬦᬾᬕᬜ᭄ᬘᬂᬕᬜ᭄ᬘᬂᬫᬚᬮᬦ᭄‌ᬓ᭄ᬫᬫᬧᬕᬶᬦ᭄᭟ᬳᬶᬤᬵᬕ᭄ᬟᬾᬲᬫ᭄ᬧᬸᬦ᭄ᬮᬸᬗᭂᬭᬶᬂᬩᬜ᭄ᬢᬶᬗᬄᬳᭂᬦ᭄ᬢᭀᬲᬋᬂᬲᬫᬶᬧᬤᬦ᭄ᬟᬵᬫᬲᬳᬸᬃᬫᬦᬸᬓ᭄‌ᬫ
ᬢᬸᬃᬭᬢᬸᬲᬮᬾᬤ᭄ᬟᬵᬂᬳᬶᬤᬾᬯᬕᬸᬂᬳᬚᬶᬓ᭄ᬜᭂᬫ᭄ᬫᬢ᭄ᬭᬸᬄᬫᬥᬸᬮᬾᬤᬂᬓᬬᬸᬦᬾᬓᬮᬶᬦ᭄ᬢᬂᬧᬤᬦ᭄ᬟᬵᬲᬫᬶᬫᬧᬫᬶᬢ᭄᭟ᬢᬦ᭄ᬓᭀᬘᬧ᭄ᬳᬶᬤᬵᬧᬤᬵᬦ᭄ᬟᬵᬘᭀᬓᭀᬃᬭᬢᬸᬲᭂᬤᭂᬓ᭄ᬤᬶᬫᬬᬰᬺᬗ᭄ᬕᬶᬫᬶᬋᬂᬲᬸᬗᬸᬳᭀᬃᬢ᭄ᬣᬮᬸᬩᬸᬓ᭄᭠
ᬓᭀᬘᬧ᭄‌ᬳᬶᬤ᭄ᬯᬕᬸᬂᬧᬸᬢᬺᬲᬸᬩᬭᬳᬸᬄᬕ᭄ᬮᬶᬲ᭄ᬫᬬᬲ᭄᭟ᬘᭀᬓᭀᬃᬭᬢᬸᬦ᭄ᬤᬯᬸᬳᬂᬫ᭄ᬱᬸᬯᬂᬚᬭᬦ᭄‌ᬗ᭄ᬮᬶᬗ᭄ᬕᬶᬳᬶᬦ᭄‌ᬳᬶᬬᬦ᭄ᬟᬵᬯᭂᬲᬶ᭟ᬳᬲᬓ᭄ᬱᬡ᭄ᬦᬤᬶᬦᬕᬭᬚ᭄ᬭᭀᬦᬶᬂᬓᬸᬝᬳᭀᬋᬕ᭄ᬳᬯᬭᬯᬶᬭᬶᬢ᭄ᬩᭂᬂᬤᬶᬩᬜ᭄ᬘᬶᬗᬄᬳ
ᬕᬸᬂᬓᭀᬭᬢᬸᬗᬧᬸᬭᬶᬬᬂᬓᬲᬸᬫ᭄ᬦᭂᬧ᭄‌ᬳᬶᬤ᭄ᬯᬕᬸᬂᬳᬚᬶᬫᬮᬸᬗ᭄ᬕᬸᬄᬤᬶᬩᬮᬾᬩᬸᬦ᭄ᬤᭂᬃᬗᬭᬕᬵᬲᭀᬓ᭄ᬧᬋᬓᬦ᭄‌ᬘ᭄ᬭᬶᬓ᭄᭟ᬓᭀᬭᬢᬸᬫ᭄ᬧᭂᬲ᭄ᬫᬜᬸᬄᬳᬶᬤᬾᬯᬕᬸᬂᬓ᭄ᬜᭂᬫ᭄‌ᬗᬦ᭄ᬤᬶᬓᬵᬳᬭᬶᬲ᭄‌ᬫᬳᬶᬳᬾᬗ᭄ᬕᬮ᭄ᬳᬶᬤᬩᬕᬸ
[᭓᭔ 34A]
ᬲ᭄‌ᬜᬫᬦ᭄ᬘᬳᬶᬦᬾᬢ᭄ᬓᭂᬘᬸᬤᬶᬢᬸᬩᬦ᭄‌ᬓᭀᬭᬢᬸᬫ᭄ᬧᭂᬲ᭄ᬫᬢᬸᬃᬭᬢᬸᬢᬶᬢ᭄ᬬᬂᬫᬺᬲᬗ᭄ᬕᬵᬬᬂᬫᬧᬫᬶᬢ᭄ᬚᬕᬵᬫᭂᬦ᭄ᬤᬓᬶᬦ᭄᭟ᬳᬶᬤ᭄ᬯᬕᬸᬂᬳᬚᬶᬫᬦᬶᬫ᭄ᬩᬮ᭄‌ᬳᬄᬤᬮᬸᬯᬲ᭄‌ᬯ᭄ᬯᬓᬾᬦᬾᬧᬤᬶᬤᬶᬫᬧᬕᬶᬦ᭄ᬲᬸᬩᬚᬓ᭄ᬮᬶᬬᬸᬩᬶᬄᬜᬾᬦ᭄ᬧᬜ᭄ᬚ
ᬓ᭄‌ᬩ᭄ᬢᬾᬦᬦ᭄‌ᬓ᭄ᬫᬳᬾᬗ᭄ᬕᬮ᭄ᬳᬶᬩᬓᬧᬲᬭᬾᬦ᭄ᬳᬕᬸᬂᬳᬸᬦᬶᬗᬬᬂᬳᬶᬜ᭄ᬚᭀᬃᬦᬸᬤᬂᬢᬸᬩᬦ᭄ᬲᬦᬾᬚᬦᬶ᭟ᬳᬶᬧᬭᭀᬲ᭄‌ᬫ᭄ᬧᭂᬲ᭄ᬫᬜᬸᬫ᭄ᬩᬄᬮᬸᬢ᭄ᬫᬚᬮᬦ᭄‌ᬕ᭄ᬮᬶᬲ᭄‌ᬢ᭄ᬓᭂᬤᬶᬧᬸᬭᬶᬳᬶᬤ᭄ᬯᬕᬸᬂᬩ᭄ᬬᬂᬫᬮᬸᬗ᭄ᬕᬸᬄᬭᬶᬂᬗᬫ᭄ᬩᬾᬦ᭄‌ᬮᬸᬢ᭄ᬗᬦ᭄ᬤᬶᬓᬵᬳᬧᬳᬶᬩ᭠
ᬳᬶᬧᬭᭀᬲ᭄ᬫᬜᬸᬫ᭄ᬩᬄᬫᬢᬸᬃᬳᬶᬤᬵᬦᬓ᭄ᬘᭀᬓᭀᬃᬳᬶᬤᬾᬯ᭄ᬯᬵᬚᬕᬭᬳᬸᬄᬲᬦᬾᬫᬗ᭄ᬓᬶᬦ᭄᭟ᬳᬶᬤᬾᬯᬕᬸᬂᬩ᭄ᬬᬂᬮᬾᬤᬂᬫᬗᭂᬲᬾᬗᬾᬦ᭄ᬳᬦᬓ᭄ᬤᬲᬫᬶᬲᬚ᭄ᬭᭀᬧᬸᬭᬵᬳᭀᬋᬕ᭄ᬳᬸᬫᬸᬂᬍᬕᬵᬮᬾᬤᬂᬗᬾᬮᬶᬦ᭄ᬢᬂᬕᬸᬲ᭄ᬢᬶᬗᬶᬦ᭄ᬢᬾᬕᬾᬯᬃᬫᬤᬩ᭄ᬤᬩ
ᬦ᭄ᬲᬫ᭄ᬧᬸᬦ᭄ᬦᭂᬂᬗᬂᬦᬾᬤᬶᬦᭂᬕᬭᬳᬶᬤ᭄ᬯᬕᬸᬂᬧᬸᬢᬺᬩᬮᬶᬓᬶᬦ᭄᭟ᬧᬫᭂᬦ᭄ᬤᬓ᭄ᬫᬧᬗ᭄ᬓᬧᬗ᭄ᬓᬕᬭᬯᬮᬦ᭄‌ᬗᬺᬤᭂ᭠ᬕ᭄ᬲᬮᬶᬂᬮᬗ᭄ᬓᬸᬗᬶᬦ᭄‌ᬭᬯᬸᬄᬭᬶᬢᬩᬦ᭄ᬕᬸᬫᬸᬭᬸᬄᬗ᭄ᬭᬾᬕᬾᬳᬶᬫᬾᬕᬵᬮᬫᭂᬳᬶᬤᬾᬯᬕᬸᬂᬫᬤᬩ᭄ᬟᬩᬦ᭄‌ᬚᬕᬵᬫᬦ᭄ᬢᬸ