[᭘᭑ 81 B]
᭘᭑
ᬲ᭄ᬧᬶᬂᬦ᭄ᬕᬓ᭄ᬱᬫᬶᬬᬦ᭄ᬓ᭄ᬜᭂᬫ᭄ᬫᭂᬓᭂᬮ᭄ᬫᬫ᭄ᬮᬶᬂ᭟ᬮᬸᬢ᭄ᬫᬫᬸᬜᬶᬕ᭄ᬥᬾᬢ᭄ᬬᬂᬫᬦ᭄ᬤᬯᭂᬕᬂᬋᬋᬧᬶᬦ᭄ᬢ᭄ᬬᬂᬤᬶᬦᬶᬫᬦᬶᬲ᭄ᬫᭂᬗᬦ᭄ᬩᬸᬤᬮ᭄ᬳᬶᬧᬢᬶᬄᬭᬢ᭄ᬣᬦᬶᬫ᭄ᬩᬮ᭄ᬫᬩ᭄ᬭᬶᬬᬸᬓ᭄ᬳᬚᬓᬵᬲᬫᬶᬢ᭄ᬬᬂᬫᬫᬶᬦ᭄ᬤᬄᬧᬸᬗ᭄ᬓᬸᬭᬦ᭄ᬢ᭄ᬬᬂᬗᬶᬭᬶᬂ᭟ᬳᬶᬩᬦ᭄ᬤᬾᬲᬵᬫᬫ᭄ᬮᬶᬂᬕ᭄ᬢᬃᬫᬦᬶᬫ᭄ᬩᬮ᭄ᬳ
ᬦ᭄ᬢᭀᬲ᭄ᬩᬶᬦ᭄ᬳᬓ᭄ᬚᭂᬧ᭄ᬕᬢᬶᬲᬸᬳᬸᬤᬾᬫᬤᬳᬃᬩᬸᬤᬮᬶᬦ᭄ᬚᬓ᭄ᬫᭂᬓ᭄ᬚᬂᬳᬧᬦ᭄ᬫᬸᬂᬧᬸᬂᬕᬮᬂᬰᬰᬶᬄᬦᬾᬤᬤ᭄ᬯᬦᬶᬫ᭄ᬩᬮ᭄ᬫᬫᬸᬜᬶᬭᬸᬫᬫᬦᬶᬲ᭄᭟ᬳᬶᬗ᭄ᬕᬶᬄᬯ᭄ᬯᬵᬢᬦ᭄ᬲᬓᬾᬂᬢᬶᬢ᭄ᬬᬂᬮᬗ᭄ᬕᬡᬭᬾᬄᬢᬦ᭄ᬯᬾᬦ᭄ᬢᭂᬦ᭄ᬫᬧᬫᬶᬢ᭄ᬜᬶᬮᬶᬗ᭄ᬲᬋᬂᬲᬫ᭄ᬬᬦ᭄
ᬧ᭄ᬭᬬᬫᬦ᭄ᬤᬸᬲ᭄ᬓᬢᬸᬓᬤ᭄ᬓᬢ᭄ᬮᬜ᭄ᬚᬸᬃᬭᬳᬸᬄᬫᭂᬭᬶᬓᬶᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬧᬫᬶᬢ᭄ᬲᬋᬂᬲᬫᬶ᭟ᬧᬢᬶᬄᬭᬢ᭄ᬣᬫᬩ᭄ᬭᬶᬬᬸᬓ᭄ᬧᬢᬸᬄᬫᬸᬜᬶᬜᬧᬤ᭄ᬥᬵᬬᬩᬸᬤᬮ᭄ᬲᬫᬶᬮᬸᬢ᭄ᬫᬗ᭄ᬮᬜ᭄ᬘᬢ᭄ᬚᬭᬦ᭄ᬗᬭᭀᬂᬫᬩᬩ᭄ᬥᬮᬦ᭄ᬳᬲᬓ᭄ᬱᬡ᭄ᬦᬫᬗ᭄ᬮᬶᬯᬢᬶᬦ᭄
ᬳᬭᭀᬂᬳᬭᭀᬂᬗᬦ᭄ᬢ᭄ᬓᭂᬤᬶᬫᬬᬸᬭᬵᬕ᭄ᬮᬶᬲ᭄᭟ᬧᬤᬫᬦ᭄ᬤᭂᬕ᭄ᬫᬭᬾᬭᬾᬦ᭄ᬕᬓ᭄ᬫᬓ᭄ᬚᬂᬢᬸᬳᬸᬦ᭄ᬫᬩ᭄ᬭᬶᬬᬸᬓ᭄ᬱᬫᬶᬦ᭄ᬕᬓ᭄ᬧᬤᬵᬫᬗᬫ᭄ᬩ᭄ᬬᬃᬳᬶᬫᬃᬬ᭄ᬬᬸᬦ᭄ᬫᬦᬓᬾᬦᬂᬓ᭄ᬜᭂᬫ᭄ᬮᬳᬸᬢ᭄ᬣᬫᬫᬸᬜᬶᬮᭀᬅ᭄ᬳᬤᬾᬳᬧᬳᬤᬜᬤᬾᬲᬦᬾᬦᬶᬓᬶ᭟
[᭘᭒ 82 A]
ᬓᬮᬶᬄᬲᬶᬭᬦ᭄ᬤᬸᬯᬾᬦᬂᬧᬸᬭᬶᬦᬾᬚᬶᬫ᭄ᬩᬃᬩᬜ᭄ᬘᬶᬗᬄᬗᬸᬂᬗᬂᬳᬰ᭄ᬭᬶᬦᬗᬶᬂᬲᬫᬸᬦ᭄ᬧᬶᬲᬦ᭄ᬳᬶᬧᬲᭂᬓ᭄ᬜᭂᬫ᭄ᬦᬶᬫ᭄ᬩᬮ᭄ᬫᬬᬸᬭᬵᬳᬤᬦᬦᬶᬓᬶᬳᬶᬤ᭄ᬯᬕᬸᬂᬧᬸᬢ᭄ᬭᬫᬤ᭄ᬯᬾᬢᬦᬦᬾᬦᬶᬓᬶ᭟ᬫᬃᬕ᭄ᬕᬶᬫ᭄ᬭᬶᬓᬵᬤ᭄ᬮᭀᬓᬶᬦ᭄ᬳᬧᬂᬫᬦᬯᬂᬓᬳᬸᬄᬚᬮ
ᬦ᭄ᬳᬫ᭄ᬩᬄᬳᬶᬦ᭄ᬩᬶᬦ᭄ᬳᬤᬵᬩᬜ᭄ᬘᬶᬗᬄᬫᬩ᭄ᬭᬶᬬᬸᬓ᭄ᬚᬓ᭄ᬫᬓ᭄ᬚᬂᬢ᭄ᬓᭂᬤᬶᬩᬜ᭄ᬘᬶᬗᬄᬕ᭄ᬮᬶᬲ᭄ᬓᬢᬸᬚᬸᬳᬤᬵᬧᬦᬸᬗ᭄ᬕᬸᬦ᭄ᬢᬫᬦ᭄ᬗᬶᬲ᭄ᬓᬶᬲ᭄᭟ᬳᬶᬩᬦ᭄ᬤᬾᬲᬵᬓ᭄ᬜᭂᬫᬫᬸᬜᬶᬫᬗᬲᬩ᭄ᬚ᭄ᬭᭀᬕ᭄ᬥᬾᬤᬤᭀᬲ᭄ᬗ᭄ᬭᬜ᭄ᬚᬶᬂᬫᬼᬤ᭄ᬫᬦᬯᬂᬢ᭄ᬮᬕᬵᬤ᭄ᬯᬾᬦᬾᬚᬶᬫ᭄ᬩᬃ
ᬮᬶᬗ᭄ᬕᬄᬋᬓᬾᬫᬶᬭᬶᬩ᭄ᬧᬲᬶᬄᬫᬦᬸᬗ᭄ᬕᬸᬦ᭄ᬢᬫᬦ᭄ᬗᭂᬳᭂᬤ᭄ᬫᬫᬸᬜᬶᬳᬭᬶᬲ᭄᭟ᬗ᭄ᬕᬶᬄᬗ᭄ᬭᬭᬶᬲ᭄ᬫᬦ᭄ᬢᬸᬓᬦ᭄ᬱᬋᬂᬲᬫ᭄ᬬᬦ᭄ᬳᬶᬧᬲᭂᬓ᭄ᬫᬜᬯᬸᬢᬶᬦ᭄ᬫᬃᬕ᭄ᬕᬶᬚᭂᬫᬮᬸᬯᬦ᭄ᬢᬸᬢᬸᬕ᭄ᬧᬦᬸᬗ᭄ᬕᬸᬦ᭄ᬢᬫᬦ᭄ᬫᬸᬘᬸᬓᬶᬦ᭄ᬫᬩ᭄ᬭᬶᬬᬸᬓ᭄ᬲᬫᬶᬢ᭄ᬓᭂᬤᬶᬢᬫᬦ᭄
ᬩ᭄ᬗᭀᬂᬧᬤᬗ᭄ᬮᬶᬬᬢᬶᬦ᭄᭟ᬢ᭄ᬮᬕᬵᬮᬶᬗ᭄ᬕᬄᬫᬳᬶᬭᬶᬩ᭄ᬲᬕᬭᬵᬢᬦᬓ᭄ᬤᬶᬢ᭄ᬗᬄᬫᬳᬶᬲᬶᬕᬶᬮᬶᬢ᭄ᬕᭂᬄᬫᬗᬯᬂᬳᬯᬂᬫᬳᬶᬲᬶᬢᬢᬫᬦᬦ᭄ᬩᬮᬾᬕᬤᬶᬂᬗᬸᬗᬂᬗᬶᬗ᭄ᬕᬶᬮ᭄ᬫᬭᬶᬂᬭᬶᬂᬚᬗ᭄ᬕᬵᬮᬗᬵᬢᬦ᭄ᬱᬶᬧᬶᬲᬶᬧᬶ᭟
Page:Bali-lontar-gaguritan-cokoratu-02-250ppi.pdf/82
Jump to navigation
Jump to search
This page has been proofread.
