Page:Bali-lontar-gaguritan-cokoratu-02-250ppi.pdf/79

From Wikisource
Jump to navigation Jump to search
This page has been proofread.

[᭗᭘ 78 B]
᭗᭘
ᬢ᭄ᬯᬭᬤᬤᬶᬓᭂᬮᬶᬤᬂᬲᬾᬗᭂᬄᬦᬾᬧᬘᬂᬧᬭᬦᬶᬦ᭄‌ᬫᬗᬮᬶᬄᬢᬤᬄᬫᬧᬶᬫᬧᬶᬢᬦ᭄ᬳᬸᬦᬶᬂ᭟ᬧᬤᬦ᭄ᬕᬓ᭄ᬤᬶᬩᬢᬦ᭄ᬧᬸᬤᬓ᭄ᬫᬲᬤᬄᬳᬤᬫᬧᬶᬗᭂᬢᬶᬲ᭄‌ᬩ᭄ᬗᭀᬂᬫᬧᬗᭂᬦᬦ᭄‌ᬳᬤᬜᭂᬍᬕ᭄ᬫᬮᬶᬗᬦ᭄‌ᬤᬶᬧᬸᬜᬦ᭄ᬳᬗ᭄ᬰᭀᬓᬵᬳᬲ᭄ᬣᬶᬳᬶᬚᬶ
ᬯ᭄ᬯᬭᬕᬵᬓ᭄ᬜᭂᬫ᭄ᬫᬫᬸᬜᬶᬳᬶᬗ᭄ᬕ᭄ᬭᬶᬲ᭄᭟ᬳᬭᬄᬳ᭄ᬜᬾᬦ᭄ᬗᬾᬢᬓ᭄‌ᬫᬗᭂᬘᭀᬭᬂᬳᬫ᭄ᬩᬸᬶᬫ᭄ᬩᬃᬗ᭄ᬕᬳᬾᬲᬦ᭄‌ᬓ᭄ᬦᭂᬄᬧᬮᬶᬂᬲᬂᬓᬲᭂᬗ᭄ᬕᬸᬄᬗᬾᬢᬓ᭄‌ᬓ᭄ᬜᭂᬫ᭄ᬧᬤᬗᬯᬲᬂᬳᬶᬢᬫᬾᬂᬯᬶᬱ᭄ᬝᬶᬗᭂᬧ᭄ᬮᬕᬶᬦ᭄‌ᬳᬶᬕᬸᬦ᭄ᬢᬂᬗᬓᬓ᭄‌ᬓᭀᬭᬢᬸᬗ᭄ᬱᬶ
ᬓ᭄ᬜᬶᬂ᭟ᬧᬤᬍᬕ᭄ᬕᬲᬶᬓᬫᬘᬦ᭄ᬤᬘᬦ᭄ᬤᬬᬦ᭄‌ᬲᭀᬢ᭄ᬣᬦᬶᬂᬧᬤᬳᬲᬶᬄᬍᬜᭂᬄᬧᬤᬧ᭄ᬭᬢᬫᬾᬂᬭᬭᬲ᭄‌ᬓᬢᬸᬯᬵᬦ᭄ᬧᬤᬫᬜᬧᬶᬄᬓᬧᬸᬶᬮᬗᬦ᭄‌ᬮ᭄ᬫᬄᬩᬸᬤᬮ᭄ᬫᬲᬗᬸᬲ᭄ᬤᬶᬄ᭟ᬤᬤᬾᬅ᭄‌ᬗᬦ᭄ᬢ᭄ᬬᬂᬮᬸᬯᬲ᭄ᬧᬤᬫᬤᬩ᭄ᬥᬩᬦ᭄‌ᬢᬦ᭄ᬓᭀᬘ
ᬧᬤᬶᬫᬃᬕ᭄ᬕᬶᬧᬤ᭄ᬫᬕᬜ᭄ᬘᬗᬦ᭄‌ᬗ᭄ᬮᬳᬸᬢ᭄ᬫᭂᬦ᭄ᬓᬾᬓᬨᬮ᭄‌ᬳ᭄ᬦᭂᬂᬗᬂᬦᬾᬦᬾᬤᬶᬧᬲᬶᬄᬳᬶᬤᬤᬾᬓᭀᬘᬧ᭄‌ᬳᬚᬓ᭄ᬢᭂᬮᬸᬓᬧᬸᬭᬶ᭟ᬘᭀᬓᭀᬭᬢᬸᬫᬍᬲᬢ᭄ᬓᬫᬬᬵᬰ᭄ᬭᬗ᭄ᬕᬵᬳ᭄ᬦᭂᬂᬗᬂᬦᬸᬤᬶᬫᬃᬕ᭄ᬕᬶᬦᬾᬤᬶᬫᬬᬵᬰ᭄ᬭ
[᭗᭙ 79 A]
ᬗ᭄ᬕᬵᬚᬦᬶᬧᬘᬂᬳᬸᬘᬧᬂᬫᬧᬳ᭄ᬬᬲ᭄ᬳᬚᬓᬲᬫᬶᬫᬚᬚᬭᬦᬦ᭄‌ᬫᬮᬮᬶᬓᬧᭀᬄᬕᬤᬶᬂ᭟ᬦᬾᬦᬾᬤᬤ᭄ᬯᬗᬢᭂᬄᬗᬚᬓ᭄ᬫᬮᬗ᭄ᬯᬦ᭄‌ᬤᬾᬦᬶᬂᬲᬸᬩᬫᬯᬗ᭄ᬲᬶᬢ᭄‌ᬦᬸᬦ᭄ᬤᬾᬦ᭄ᬫᬜᬯᬶᬲᬂᬧ᭄ᬭᬬᬫᬳᬶᬫ᭄ᬬᬦᬶᬫ᭄ᬬᬦ᭄‌ᬧᬶᬮᬶᬄᬗᬶᬦᭂᬧ᭄ᬤᬶᬧᭀᬄ
ᬕᬤᬶᬂᬧ᭄ᬭᬬᬲᬶᬗ᭄ᬕᬄᬗ᭄ᬮᬳᬸᬢ᭄ᬓᬫᬫ᭄ᬮᬶᬂ᭟ᬳᬶᬬᬍᬓᬲ᭄ᬦᬸᬦ᭄ᬤᬾᬦᬂᬫ᭄ᬱᬸᬯᬂᬚᬭᬦ᭄‌ᬦᬦᬂᬧᬢᬦᬸᬕ᭄ᬮᬶᬲ᭄‌ᬫᬓᬓᬲᬶᬦ᭄ᬚᬭᬦ᭄‌ᬲᬸᬩᬧᬤ᭄ᬥᬫᬗᬫ᭄ᬩ᭄ᬬᬃᬤᬶᬩᬢᬦ᭄ᬩᬜ᭄ᬘᬶᬗᬄᬲᬫᬶᬳᬶᬧᬢᬶᬄᬭᬢ᭄ᬣᬧ᭄ᬱᬸᬗᬕᭂᬫ᭄ᬘᬫ᭄ᬢᬶ᭟ᬫᬩᬭᬶᬬᬸᬓ᭄‌ᬫᬗ᭄ᬮ
ᬜ᭄ᬘᬢ᭄ᬚᬭᬦ᭄‌ᬫᬓ᭄ᬚᬂᬳᬦᬸᬢ᭄ᬲᬮᬶᬂᬓᬶᬧᭂᬓᬶᬦ᭄‌ᬮᭀᬅ᭄ᬳᬤᬾᬗᬋᬧᬂᬕ᭄ᬮᬶᬲ᭄ᬜᬫ᭄ᬢᬶᬚᬭᬦ᭄‌ᬗᭂᬲᭂᬃᬩ᭄ᬘᬢᬦ᭄ᬓᬾᬦ᭄ᬳᬗᬶᬦ᭄‌ᬳᬲᬶᬂᬓᬧᬧᬲ᭄‌ᬓᬕᬯᭀᬓᬦ᭄ᬢᬦ᭄ᬱᬶᬧᬶ᭟ᬧᬤᬜᬫ᭄ᬧᬶᬂᬫᬫᬸᬜᬶᬗᬚᬓ᭄ᬢᬶᬫ᭄ᬧᬮᬲᬶᬜᬓᬯᬾᬬᬦ᭄ᬚᬦᬶᬳᬤᬩᬶ
ᬦ᭄ᬫᬦᬶᬫ᭄ᬩᬮ᭄‌ᬳᬭᬄᬓᬯᬾᬬᬦ᭄‌ᬗᬸᬤ᭄ᬬᬂᬧᬫ᭄ᬓᭂᬮᬾᬓᭀᬬᬦᬶᬓᬶᬳᬚᬓᬤᬤ᭄ᬯᬦᬾᬢᬗ᭄ᬕᬸᬫᬮᬸᬕᬢᬶ᭟ᬢᬦ᭄ᬘᬭᬶᬢ᭄ᬣᬦᬾᬫᬃᬡ᭄ᬦᬤᬶᬚᬮᬦ᭄‌ᬢ᭄ᬓᭂᬤ᭄ᬬᬤᬶᬧᭀᬄᬕᬤᬶᬂᬮᭀᬅ᭄ᬗᬄᬩ᭄ᬘᬢ᭄ᬫᬗᬦ᭄ᬤᭂᬕ᭄ᬚᬭᬦ᭄‌ᬫᬢᬾ