Page:Bali-lontar-gaguritan-cokoratu-02-250ppi.pdf/5

From Wikisource
Jump to navigation Jump to search
This page has been proofread.

[᭔ 4 B]

ᬧ᭄ᬮᬶᬦᬸᬄ᭞ᬕᬸᬫᬶᬦ᭄ᬤᬸᬯᬸᬄᬳᬭᬩ᭄ᬳᬭᬩ᭄᭟ᬳ᭄ᬦᭂᬂᬓᬂᬧ᭄ᬭᬩᬯ᭄ᬯᬳᬶᬓᬶ᭞ᬓᬍᬲᬸᬤᬸᬢ᭄ᬣᬓᭀᬘᬧᬵ᭞ᬫᬶᬩᭂᬭᬶᬂᬕᬕᬦᬵᬳᬮᭀᬦ᭄᭞ᬳᬸᬲ᭄ᬳᬫᬵᬭᬶᬂᬕᬸᬍᬫ᭄ᬱᬯᬢ᭄᭞ᬗᬯᬲ᭄ᬦᬾᬲᬤ᭄ᬬᬬᬂ᭞ᬲᬕᬾᬢ᭄ᬗᭂᬦᬄᬘᬬᬵᬫᬸᬭᬸᬩ᭄᭞ᬯᬮᬸᬬᬵᬭᬶᬂᬳᬶᬤᬸᬮᬬᬵ᭟ᬩ᭄ᬦᭂᬄᬢᬓᭂᬳᬾᬧᬢᬶᬄ᭞
ᬦ᭄ᬕᬭᬵᬤᬳᬦᬾᬚᬶᬫ᭄ᬩᬃ᭞ᬮᬳᬸᬢ᭄ᬣᬫᬗᬼᬓᬲ᭄ᬳᬕᬾ᭞ᬳᬧᬦ᭄ᬢᬶᬗ᭄ᬓᬄᬳᬶᬂᬭᬓ᭄ᬱᬲᬵ᭞ᬲᬓ᭄ᬢᬶᬓᬩᬶᬦᬵᬩᬶᬦᬵ᭞ᬤᬤᬶᬕ᭄ᬭᬸᬤᬵᬳ᭄ᬫᬲ᭄‌ᬫᬸ᭠ᬭᬸᬩ᭄᭞ᬫᬲᭀᬘᬭᬢ᭄ᬦᬵᬧᬗ᭄ᬓᬚᬵ᭟ᬫᬯᬦᬾᬩᬸᬓᬵᬘᬯᬶᬭᬶ᭞ᬩᬦ᭄ᬯᬶᬦ᭄ᬢᭂᬦ᭄‌ᬫᬸᬮ᭄ᬬᬧᬓ᭄ᬭᬜᬩ᭄᭞ᬳᬦᬸᬓᬦ᭄ᬢᭂᬦ᭄ᬤᬶᬓᬫ᭄ᬧᬶᬤᬾ᭞ᬧᬤᬵᬫ
ᬲᭀᬘᬫᬓ᭄ᬚᬂ᭞ᬕᬮᬂᬘᬬᬦᬾᬫᬸᬜ᭄ᬘᬃ᭞ᬫᬶᬩᭂᬃᬓᬧᬸᬭᬶᬬᬦ᭄ᬜᬸᬚᬸᬃ᭞ᬲᬸᬩᬢ᭄ᬓᭂᬤᬶᬚ᭄ᬭᭀᬧᬶᬲᬦ᭄᭟ᬗᬲᬩ᭄ᬧᬓ᭄ᬩᬸᬃᬭᬾᬳᬭᬶᬲ᭄᭞ᬲᬶᬗᬢᭀᬦᬂᬧᬤᬵᬩ᭄ᬗᬓ᭄᭞ᬓ᭄ᬥᬶᬲᬾᬓ᭄ᬭᬸᬭᬭᬸᬧᬦᬾ᭞ᬕ᭄ᬭᬸᬤ᭄ᬥᬵᬳ᭄ᬫᬲ᭄ᬫᬸᬭᬸᬩ᭄ᬫᬸᬜ᭄ᬘᬃ᭞ᬲᬂᬧ᭄ᬭᬪᬸᬓᬧ᭄ᬦᭂᬢᬦ᭄᭞ᬓᬾᬯᬮᬵᬗᬦ᭄ᬤᬶᬓᬵᬳᬮᬸᬲ᭄᭞ᬘ᭄ᬭᬶᬓ᭄ᬘ᭄ᬭᬶ
ᬓᬾᬧᬸᬦ᭄ᬤᬸᬳᬂ᭟ᬧᬗᭂᬫ᭄ᬩᬦ᭄ᬧᬤᬵᬗᬾᬮᬶᬗᬶᬦ᭄᭞ᬕᬸᬲ᭄ᬢᬶᬗᬸᬮᬸᬦ᭄ᬓᬓᬂ᭞ᬓᬮᬶᬯᬢ᭄ᬚᭂᬚᭂᬄᬓ᭄ᬦᬄᬳᬾ᭞ᬗ᭄ᬢᭀᬃᬬᬤᬤᬶᬗᬢᬸᬕ᭄ᬢᬕ᭄᭞ᬳᬶᬤ᭄ᬯᬕᬸᬂᬳᬚᬶᬓᭀᬘᬧ᭄᭞ᬧᬸᬢ᭄ᬭᬦᬾᬮᬦᬂᬓᬕ᭄ᬮᬸᬢ᭄᭞ᬲᬕᬾᬢ᭄‌ᬧ᭄ᬢᭂᬂᬢᬗ᭄ᬓᭂᬩ᭄ᬚᬕᬢ᭄᭟ᬳᬸᬚᬦ᭄ᬳᬗᬶᬦ᭄ᬫᬫ᭄ᬩᬋᬗᬶᬦ᭄᭞ᬓ᭄ᬭᬸᬕ᭄ᬓ᭄ᬭᬾᬧᬾᬕ᭄ᬱᬳᬕ᭄ᬮᬧ᭄
[᭕ 5 A]
ᬮᬶᬦᬸᬄᬫᬗ᭄ᬚᭂᬭᬂᬚᬕᬢ᭄᭞ᬚᬼᬫᬦᬾᬫᬩ᭄ᬬᬬᬸᬯᬦ᭄᭞ᬳᭂᬗ᭄ᬲᬧ᭄ᬝᭂᬓᬾᬦ᭄ᬧᬯᬶᬮᬗᬦ᭄᭞ᬳᬶᬓᬮᬵᬲᬸᬤᬸᬢ᭄ᬣᬦ᭄ᬤᬸᬮᬸ᭞ᬕ᭄ᬮᬶᬲ᭄‌ᬢ᭄ᬥᬓ᭄ᬜᬦ᭄ᬤᬓ᭄ᬱ᭠ᬫ᭄ᬬᬦ᭄᭟ᬢ᭄ᬯᬭᬳᬤᬵᬓ᭄ᬚᬕ᭄ᬳᬤᬶᬭᬶ᭞ᬮᬸᬫᬸᬫ᭄ᬧᬢ᭄‌ᬩ᭄ᬯᬶᬦ᭄ᬗᬕᬦᬵ᭞ᬧ᭄ᬭᬬᬗᬸᬗ᭄ᬲᬶᬕᬕ᭄ᬮᬗᬾ᭞ᬲᬶᬗᭂᬲᬭᬶᬮᬦ᭄ᬓᭀᬭᬶᬧᬦ᭄᭞ᬲᬶᬤᬵᬧᬤᬵᬜᬶᬤᬬᬂ
᭞ᬤᬶᬲᬶᬗᭂᬲᬭᬶᬳᬯᬸᬓᬸᬤ᭄᭞ᬤᬶᬕᬕ᭄ᬮᬂᬫᬳᬦ᭄ᬤᬤ᭄ᬯᬵ᭟ᬮᬦᬂᬳᬶᬲ᭄ᬢ᭄ᬭᬶᬫᬗ᭄ᬭᬭᬶᬲ᭄᭞ᬳ᭄ᬬᬢ᭄ᬓᭂᬤ᭄ᬓᬓᭀᬭᬶᬧᬦ᭄᭞ᬫᬲᬶᬄᬬᬫᬩᬳᬦ᭄ᬋᬓᭀ᭞ᬦᬾᬧᬮᬶᬂᬳᬮᬶᬢ᭄ᬳᬶᬦᬸᬘᬧ᭄᭞ᬫᬧᬧᬰᬶᬄᬫᬶᬭᬄ᭞ᬮᬳᬸᬢ᭄ᬬᬳᬾᬗ᭄ᬕᬮ᭄ᬳᬸᬫᬫ᭄ᬩᬸᬃ᭞ᬫᬗ᭄ᬕᬕᬡ᭄ᬦᬵᬗᬫ᭄ᬩᬄᬢᬯᬂ᭟ᬳ᭄ᬦᭂᬂᬫᬗ᭄ᬓᭀᬳᬶᬓᬂᬧᬓ᭄ᬱᬶ᭞ᬳᬚᬸᬃᬓᬂ᭠
ᬘᬢᬸᬃᬦ᭄ᬕᬭ᭞ᬲᬢᬶᬮᬭᬶᬂᬧᬸᬢᬺᬓᬩᬾᬄ᭞ᬕᬾᬕᬾᬃᬲᬫᬶᬳᬳᬸᬭᬳᬦ᭄᭞ᬫ᭄ᬓᬤᬶᬭᬶᬂᬫᬫ᭄ᬦᬂ᭞ᬕ᭄ᬥᭀᬗᬂᬘ᭄ᬭᬶᬢᬦᬾᬲᬸᬗ᭄ᬲᬸᬢ᭄᭞ᬳ᭄ᬚᬶᬫᬾᬚᬦᬶᬳᬸᬘᬧᬂ᭟ᬫᬗᬶᬩᭂᬃᬗ᭄ᬩᭂᬓᬶᬦ᭄ᬮᬗᬶᬢ᭄᭞ᬰᬺᬕᭂᬧ᭄ᬲᬧ᭄ᬭᬪᬵᬢᬶᬗᬧ᭄ᬭᬂ᭞ᬕᬤᬵᬧᬦᬄᬮᬦ᭄ᬲᭀᬫ᭄ᬧ᭄ᬭᬾᬢ᭄᭞ᬫᬲᬮᬵᬓᬮᬯᬦ᭄ᬤᬸᬫ᭄ᬩ᭄ᬯᬦ᭄᭞ᬲᬸᬮᬶᬕᬶ᭠
ᬮᬦ᭄ᬢᭀᬫᬭᬵ᭞ᬘᬓᬺᬧᬭᬾᬲᬶᬮᬦ᭄ᬤᬸᬓ᭄ᬥᬸᬓ᭄᭞ᬲᬕᬾᬢ᭄ᬓᬧᭂᬦ᭄ᬤᬓᬬᬓ᭄ᬱᬵ᭟ᬕᬫᭀᬮ᭄ᬤᬾᬦᬶᬭᬮᬸᬫᬭᬶᬲ᭄᭞ᬤᬾᬦᬶᬂᬓᬓ᭄ᬯᬾᬳᬦ᭄ᬕᬕᬯᬦ᭄᭞ᬓᬢᭀᬦ᭄ᬤᬾᬦᬶᬂᬩᬮᬵᬚᬶᬫᬾ᭞ᬲᬤᬬᬯ᭄ᬮᬲ᭄ᬢᬸᬫᬶᬗ᭄ᬕᬮ᭄᭞ᬕᬤ᭄ᬕᬤᬵᬢ᭄ᬓᬦ᭄ᬤ᭄ᬭᬸᬫ᭄ᬧᬓ᭄᭞ᬲᬭᭀᬱᬫ᭄ᬢᬳᬗᬺᬩᬸᬢ᭄᭞ᬲᬃᬯ᭄ᬬᬫ᭄ᬭᬂᬳᬶᬓᬂ