[᭔᭗ 47 B]
᭔᭗
ᬢᬸᬓ᭄ᬜᭂᬫ᭄ᬫᬗᬦ᭄ᬤᬶᬓᬵᬮᬳᬸᬢ᭄᭞ᬳᬦᬓ᭄ᬗᬸᬤ᭄ᬬᬂᬫᬗ᭄ᬮᬮᬦᬵ᭞ᬩᬸᬮᬦᬦ᭄ᬫᬗᬸᬢᬂᬕᬸᬫ᭄ᬫᬶ᭟ᬳᬶᬢ᭄ᬭᬸᬧ᭄ᬕ᭄ᬢᬃᬫᬶᬤᬃᬢᬵ᭞ᬬᬦ᭄ᬢᬵᬓᭀᬘᬧ᭄ᬧᬶᬭᬕᬶᬦ᭄ᬢᬶᬢ᭄ᬬᬂᬯ᭄ᬬᬓ᭄ᬝᬶ᭞ᬲᬤ᭄ᬬᬯᬦ᭄ᬢᬄᬚᬕᭂᬫᬸᬭᬸᬓ᭄ᬯᬶᬭᬾᬄᬦ᭄ᬭᬯᭀᬲᬸᬦ᭄ᬚᬕᬢ᭄᭞ᬫᬦ᭄ᬤᬾᬳᬦᬸᬢ᭄ᬭᬳᭀᬲᬾᬗᬫᭂᬮ᭄ᬦ᭄ᬕᬦ᭄ᬢᬸ
ᬦ᭄᭞ᬓᭀᬭᬢᬸᬓ᭄ᬤᬾᬓ᭄ᬫᬦᬶᬫ᭄ᬩᬮ᭄ᬓᬾᬢᭀᬓᬾᬳᬗ᭄ᬕᭀᬦ᭄ᬧᬶᬮᬩᬶ᭟ᬤᬸᬫᬤᬓ᭄ᬳᬾᬗ᭄ᬕᬮ᭄ᬫᬖᬸᬦᬵ᭞ᬢ᭄ᬬᬂᬫᬲᬗ᭄ᬕᬸᬧ᭄ᬓ᭄ᬫᬵᬧᬘᬂᬗ᭄ᬭᬜ᭄ᬚᬶᬂᬗᬶᬦ᭄᭞ᬤᬤᬾᬅ᭄ᬳᬶᬤᬵᬦᬓᭂᬄᬫᬮᬸᬓᬾᬦ᭄ᬓᬾᬦ᭄ᬚ᭄ᬦᭂᬂᬜᬶᬤᬬᬂ᭞ᬬᬦᬶᬂᬢ᭄ᬬᬂᬲᬦ᭄ᬳᬾᬳᬦ᭄ᬧ᭄ᬤᬲ᭄ᬫᬢᬸᬦ᭄ᬤᬸᬂ᭞ᬳᬶᬩᬸᬂᬫ᭄ᬩᬂᬘᬸᬫ᭄ᬧᬸᬗᬾᬓᬂ᭠
ᬢᭀᬂᬦ᭄ᬤᬸᬕᬵᬧᬘᬂᬫᬯᬮᬶ᭟ᬳᬶᬢ᭄ᬭᬸᬧ᭄ᬗᬸᬫ᭄ᬩᬸᬮ᭄ᬳᬸᬫ᭄ᬩᬸᬮᬂ᭞ᬩᬦᬶᬫ᭄ᬢᭀᬄᬢᭀᬂᬤᬸᬕᬵᬧᬘᬂᬗᬸᬜ᭄ᬘᬶᬃ᭞ᬳᬸᬮᬶᬤᬶᬲ᭄ᬩᭂᬂᬧᬧᬥᬹᬢᬫᬵᬢᭀᬂᬧᬦ᭄ᬢᭂᬲ᭄ᬓᬮᬄ᭞ᬢᬦ᭄ᬤᬶᬂᬤᬗ᭄ᬲᬄᬕᬕ᭄ᬘᭂᬮ᭄ᬧᬤᬵᬲ᭄ᬧᬳᬸ᭞ᬩᬦᬶᬗᬧᬶᬢ᭄ᬲᬶᬬᬸᬮᬾᬬᬃ᭞ᬲᬮᬘᬸᬃᬮᬘᬸᬭᬾᬲᬧᬶᬄ᭟ᬳᬶ
ᬕᬸᬦ᭄ᬢᬂᬓ᭄ᬤᬾᬓ᭄ᬫᬗᬓᬓ᭄ᬢᭀᬚᬵᬓᬗ᭄ᬕᭀᬢᬓᭂᬳᬾᬩ᭄ᬦᭂᬄᬕᬢᬶᬢ᭄ᬬᬂᬓᬾᬢᭀᬫᬰᬶᬄᬧᬢᬸᬄᬩᬦᬶᬫᬢᬶᬓᬭᬜ᭄ᬘᬩ᭄᭞ᬬᬦ᭄ᬓᬢᬸᬮᬓ᭄ᬓᭀᬭᬢᬸᬓᬾᬦ᭄ᬳᬶᬤᬾᬯᬕᬸᬂ᭞ᬓᭀᬃᬭᬢᬸᬓ᭄ᬤᬾᬓ᭄ᬢᬸᬃᬜᬫ᭄ᬧ᭄ᬭᬓ᭄᭞ᬳᬄᬩᬚᬶᬕᬃᬕᬢᬶᬕᬢᬶ᭟ᬢᬦ᭄ᬳᬸᬘᬧᭂᬦ᭄ᬳᬸᬲ᭄ᬫᬲᬶᬭᬫ᭄᭞
[᭔᭘ 48 A]
ᬲᬕᬾᬢ᭄ᬓᭂᬳᬶᬕᬭᬾᬂᬚᬓ᭄ᬳᬶᬕᬭᬶᬢ᭄᭞ᬫᬩᭂᬢᬗ᭄ᬕᬸᬮᬶᬓᬃᬳᬶᬩᬸᬂᬫ᭄ᬩᬂᬗᬢᬸᬶᬢᬭᬬᬂ᭞ᬤᬶᬚᬵᬫ᭄ᬩᬳᬦ᭄ᬮᬸᬢᬸᬗᬾᬮᬓᬃᬘᬘᬸᬦ᭄ᬤᬸᬓ᭄᭞ᬤᬾᬄᬫᬮᬸᬗᬶᬤᬶᬄᬳᬘᬭᬂ᭞ᬓ᭄ᬫᭂᬓᭀᬭᬢᬸᬳᬢᬸᬭᬶᬦ᭄᭟ᬧᬢᬸᬄᬧᬤᬵᬫᭂᬫ᭄ᬧᬃᬢᭂᬫ᭄ᬧᬃ᭞ᬗᬧᬸᬭᬶᬬᬂᬢᬦ᭄ᬘᬭᬶᬢ᭄ᬣᬤᬶᬫᬃᬕᬶ᭞ᬭᬯᬸᬄ
ᬭᬶᬂᬲᬸᬫ᭄ᬦᭂᬧ᭄ᬱᬫ᭄ᬧᬸᬦ᭄ᬗ᭄ᬮᬳᬸᬢ᭄ᬧᬤᬵᬫᬋᬓᬦ᭄᭞ᬳᬶᬤᭀᬯᬕᬸᬂᬳᬚᬶᬲᬫ᭄ᬧᬸᬦ᭄ᬚᬕ᭄ᬚᬕ᭄ᬢᭂᬤᬸᬦ᭄᭞ᬫᬭᬾᬭᭀᬤ᭄ᬳᬚᬓᬵᬧᬢ᭄ᬧᬢ᭄᭞ᬲ᭄ᬩᭂᬗᬾᬦᬶᬃᬫᬮᬵᬳ᭄ᬦᬶᬂ᭟ᬳᬶᬤᬾᬯᬕᬸᬂᬳᬚᬶᬓᭀᬘᬧ᭄᭞ᬲᬫ᭄ᬧᬸᬦ᭄ᬢᭂᬤᬸᬦ᭄ᬲᬓᬶᬂᬫᬯᬾᬲᬵᬭᬭᬶᬲ᭄᭞ᬫᬮᬶᬗ᭄ᬕᬶᬄᬭᬶᬂᬩᬮᬾ
ᬮᬗᬸ᭞ᬧᬋᬓᬦ᭄ᬭᭀᬩᬦ᭄ᬗᬫ᭄ᬩ᭄ᬬᬃ᭞ᬫ᭄ᬓᬤᬶᬜᬳᬶᬤᬵᬩᬕᬸᬲ᭄ᬗᬸᬭᬄᬤᬶᬢᬸ᭞ᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓᬵ᭞ᬚᬮᬦ᭄ᬫᬋᬓ᭄ᬳᬤᬶᬲᭀᬭᬶ᭟ᬘᭀᬓᭀᬭᬢᬸᬫ᭄ᬧᭂᬲ᭄ᬜᬸᬫ᭄ᬩᬄ᭞ᬫᬩᭂᬭᬶᬬᬸᬓ᭄ᬧᬋᬓᬦ᭄ᬘ᭄ᬭᬶᬓ᭄ᬗᬶᬭᬶᬂ᭞ᬳᬶᬤᬾᬯᬕᬸᬂᬩ᭄ᬬᬂᬫ᭄ᬮᬸᬗ᭄ᬕᬸᬄᬲᬸᬫᬦ᭄ᬤᬶᬂᬭᬶᬂᬳᬭᬶᬦ᭄ᬥᬵ᭞ᬳᬶᬤᭂᬩᬕᬸᬲ᭄ᬗᬸ
ᬭᬄᬩ᭄ᬢᬾᬦ᭄ᬲᬤᬵᬗᬸᬦ᭄ᬢᬸᬓ᭄᭞ᬳᬶᬤᬾᬯ᭄ᬯᬕᬸᬂᬳᬚᬶᬗᬦ᭄ᬤᬶᬓᬵ᭞ᬫ᭄ᬦᬾᬓᬦ᭄ᬧᬳᭂᬓᬂᬤᬶᬦᬶ᭟ᬓᭀᬭᬢᬸᬫ᭄ᬧᭂᬲ᭄ᬫᬜᬸᬫ᭄ᬩᬄ᭞ᬫᬓᬲᬾᬭᬦ᭄ᬳᬶᬗᬦ᭄ᬩᬸᬯᬶᬦ᭄ᬳᬓᬶᬓᬶᬢ᭄᭞ᬳᬧᬂᬤᬵᬓᬳᬸᬘᬧ᭄ᬱᬶᬕᬸᬕ᭄ᬩᬳᬦᬾᬤᬶᬚ᭄ᬭᭀᬧᬸᬭᬵ᭞ᬳᬶᬤᬾᬯᬕᬸᬂᬩ᭄ᬬᬂᬫᬗᬦ᭄ᬤᬶᬓᬳ
Page:Bali-lontar-gaguritan-cokoratu-02-250ppi.pdf/48
Jump to navigation
Jump to search
This page has been proofread.
