[᭓ 3 B]
ᬦ᭄᭟ᬤᬤᬶᬳᭂᬗ᭄ᬲᬧ᭄ᬢ᭄ᬯᬭᬫᬾᬮᬶᬂᬓᬾᬦ᭄ᬲᬲᬗᬶ᭞ᬦᬗᬶᬂᬓᬮᬯᬲᬦ᭄᭞ᬢ᭄ᬯᬄᬓᬢᬸᬤᬸᬄᬩᬳᬦ᭄ᬯᬶᬤᬶ᭞ᬳᬧᬂᬫᬗ᭄ᬕᬶᬄᬮᬭᬵᬯᬶᬭᬂ᭟ᬢ᭄ᬯᬭᬲᬾᬗᭂᬄᬓᬢ᭄ᬓᬦᬶᬂᬩᬳᬦ᭄ᬯᬶᬲ᭄ᬝᬶ᭞ᬲᭀᬓ᭄ᬫᬲᬸᬓᬦ᭄ᬱᬸᬓᬦ᭄᭞ᬲᬫ᭄ᬧᬸᬦ᭄ᬳᬧᬸᬧᬸᬢᬺᬱᬫᬶ᭞ᬳᬶᬲ᭄ᬢ᭄ᬭᬶᬮᬦᬂᬫᬓᬵᬧᬢ᭄ᬧᬢ᭄᭟ᬤᬶᬓᭀᬭᬶᬧᬦ᭄ᬫ
ᬧᬸᬢᬺᬮᬦᬂᬓᬓᬮᬶᬄ᭞ᬓᬤᬶᬲᬂᬳ᭄ᬬᬂᬲ᭄ᬫᬭᬵ᭞ᬯᬃᬡ᭄ᬦᬦᬾᬲᬦᬸᬤᬸᬢ᭄ᬳᬢᬶ᭞ᬫᬧᭂᬲᬾᬗᬦ᭄ᬤ᭄ᬯᬕᬸᬂᬧᬸᬢᬺ᭟ᬫᬧᬧᬰᬶᬄᬳᬶᬜ᭄ᬚᭀᬃᬫᬗᭂᬜ᭄ᬚᭀᬃᬭᬂᬕᬸᬫᬶ᭞ᬤᬸᬓᬾᬩᬳᬸᬳᭂᬫ᭄ᬩᬲ᭄᭞ᬦᬾᬳᬮᬶᬢᬦ᭄ᬫᬧᬧᬰᬶᬄ᭞ᬕ᭄ᬚᭀᬃᬫᬗ᭄ᬚᭂᬭᬂᬚᬕᬢ᭄᭟ᬦᬾᬦᬾᬳᬶᬲ᭄ᬢ᭄ᬭᬶᬳᬶᬤ᭄ᬯᬕᬸᬂᬫᬤᬾᬧᬧᬰᬶᬄ
᭞ᬫᬸᬢᭂᬃᬦᬾ ᬳᬮᬶᬢᬦ᭄᭞ᬫᬶᬭᬳᬾᬧᬦ᭄ᬧᬶᬦᬶᬄᬳᬮᬶᬢ᭄᭞ᬩ᭄ᬯᬶᬦ᭄ᬮᬶᬬᬸᬭᬚᬵᬧᬸᬢᬺ᭟ᬭᬤᬾᬦ᭄ᬳᬬ᭄ᬬᬃᬫᬤᬸᬯᬾᬧᬸᬢ᭄ᬭᬓᬓᬮᬶᬄ᭞ᬮᬂᬦᬂᬦᬾᬳᬮᬶᬢᬦ᭄᭞ᬳᬶᬓᭂᬰ᭄ᬬᭂᬕ᭄ᬋᬓᬾᬧᬧᬰᬶᬄ᭞ᬫᬮᬶᬄᬲᬓᬾᬦᬵᬕ᭄ᬚᬕᭂᬭᬕ᭄ᬕᬵ᭟ᬓᭂᬫ᭄ᬩᬂᬚᭂᬦᬃᬫᬓᭂᬫᬶᬯᬄᬘᬭᬂᬲᬭᬶ᭞ᬲᬓᬶᬂᬧᬦ᭄ᬤᬦ᭄ᬱ᭠
ᬮᬲ᭄᭞ᬫ᭄ᬓᬤᬶᬭᬶᬂᬲ᭄ᬫᬭᬵᬧᬸᬭᬶ᭞ᬧᬸᬦᬶᬓᬲᬫᬶᬫᬋᬓᬦ᭄᭟ᬲᬬᬂᬧᬶᬲᬦ᭄ᬳᬦ᭄ᬢᬸᬓ᭄ᬳᬶᬤᬾᬯᬕᬸᬂᬲᬫᬶ᭞ᬢᬦ᭄ᬱᬄᬫᬩᬭᬗᬦ᭄᭞ᬦᬗᬶᬂᬓᬭᬶᬳᬮᬶᬢ᭄ᬳᬮᬶᬢ᭄᭞ᬫᬶᬭᬶᬩ᭄ᬳᬦᬓᬲ᭄ᬫᬭᬦ᭄᭟ᬲᭂ᭟ᬤᬳᬦᬾᬳᬸᬘᬧᬂᬚ᭄ᬜᬳᬶ᭞ᬲᬫ᭄ᬧᬸᬦ᭄ᬫᬧᬸᬢᬺᬢᬢᬶᬕ᭄ᬕᬵ᭞ᬦᬾᬧᬮᬶᬂᬤᬸᬳᬸᬃᬓᭀᬘᬧᬾ
[᭔ 4 A]
ᬮᬦᬂᬢᬸᬃᬧ᭄ᬓᬶᬓ᭄ᬓᬮᬶᬯᬢ᭄᭞ᬳᬦᬸᬢ᭄ᬓᬾᬦ᭄ᬧᭂᬲᬾᬗᬦ᭄᭞ᬳᬶᬤᬾᬯᬕᬸᬂᬧᬸᬢᬺᬳᬕᬸᬂ᭞ᬧᬧᬰᬶᬄᬳᬶᬤᬳᬶᬦᬸᬘᬧ᭄᭟ᬳᬶᬕᬶᬬᬸᬃᬓᭀᬘᬧ᭄ᬦᬳᬶᬲ᭄ᬢ᭄ᬭᬶ᭞ᬳᬶᬓᬺᬫ᭄ᬧᬧᬰᬶᬄᬳᬶᬤ᭞ᬢᬦ᭄ᬱᬫᬵᬯᬃᬡ᭄ᬦᬵᬦᬾ᭞ᬚ᭄ᬕᬾᬕ᭄ᬢ᭄ᬯᬭᬫᬦ᭄ᬤᬶᬗᬦ᭄᭞ᬲᬧᬭᬶᬧᭀᬮᬄᬫ᭄ᬮᬄ᭞ᬧᬫᬸᬧᬸᬮᬦ᭄ᬫᬤᬸᬚᬸ
ᬭᬸᬄᬩᬬᬲᬂᬳ᭄ᬬᬂᬲ᭄ᬫᬭᬵᬓᬦ᭄ᬬ᭟ᬯᬸᬭᬸᬦ᭄ᬤᬤᬶᬭᬚᬧᬸᬢ᭄ᬭᬶ᭞ᬳᬶᬦᬶᬭᬶᬗᬶᬤᬾᬯᬓᬦ᭄ᬬ᭞ᬳᭂᬦ᭄ᬢᭀᬓᬧᬺᬦᬄᬫᬶᬲᬦᬾ᭞ᬦᬾᬦᭂᬫ᭄ᬦᭂᬫ᭄ᬫᬗᬬᬂᬗᬬᬂ᭞ᬢᭀᬫᬓ᭄ᬚᬂᬫᬋᬓᬦ᭄᭞ᬩᬋᬂᬬ᭄ᬬᬲᬳᬶᬗ᭄ᬕᬄᬳᬶᬗ᭄ᬕᬸᬄ᭞ᬳᬶᬤ᭄ᬯᬕᬸᬂᬳᬦᭀᬫ᭄ᬓᭀᬘᬧᬵ᭟ᬫᬰᬶᬄᬢᭀᬂᬩᬓᬢ᭄ᬓᭂᬦᭂᬳᬶ᭠
ᬦ᭄᭞ᬢ᭄ᬯᬄᬓᬤᬤᬾᬦ᭄ᬧᬜ᭄ᬘᬵᬓᬦ᭄ᬬ᭞ᬤᬶᬕᬕ᭄ᬮᬂᬯᬺᬤᬶᬋᬓᭀ᭞ᬲᬸᬩᬫᬧᬸᬢᬺᬢᬢᬶᬕ᭄ᬕᬵ᭞ᬤᬶᬲᬶᬗᬲᬭᬶᬓᭀᬘᬧ᭄᭞ᬤᬤ᭄ᬯᬫ᭠ᬧᬸᬢᬺᬲᬂᬧ᭄ᬭᬪᬸ᭞ᬮᬦᬂᬳᬶᬲ᭄ᬢ᭄ᬭᬶᬓᬲᬸᬩ᭄ᬧᬶᬲᬦ᭄᭟ᬍᬯᬶᬄᬬᬦ᭄ᬧᬃᬡ᭄ᬦᬕᭂᬜ᭄ᬚᬳᬶᬦ᭄᭞ᬳᬮᬶᬬᬂᬲᬳᬶᬫ᭄ᬩᬂᬳᬶᬫ᭄ᬩᬂ᭞ᬲᬸᬲᬸᬄᬧᬭᬭᬶᬂᬳᬓᬲᬦᬾ
᭞ᬢ᭄ᬯᬭᬧᬶᬲᬦ᭄ᬳᬤᬵᬫᬤᬵ᭞ᬭᬢᬸᬘᬢᬸᬃᬦ᭄ᬕᬭᬵ᭞ᬓᬢᬸᬯᭀᬦ᭄ᬧᬦᬶᬢᬄᬢᬸᬤᬸᬄ᭞ᬩᬢᬭᬵᬭᬭᬶᬲ᭄ᬫᬜᭀᬩᬓ᭄᭟ᬦ᭄ᬥᬸᬦᬂᬧᬺᬪ᭠ᬯᬢᬶᬢᬶᬃ᭞ᬫᬲ᭄ᬮᬸᬃᬓᬩᬶᬦᬵᬩᬶᬦᬵ᭞ᬫᬰᬶᬄᬲᬶᬂᬤᭂᬢᬗᭂᬄᬋᬓᭀ᭞ᬳᬸᬚᬦ᭄ᬳᬗᬶᬦ᭄ᬢᬦ᭄ᬧᬦ᭄ᬢᬭᬵ᭞ᬧ᭄ᬝᭂᬂᬤᭂᬤᭂᬢ᭄ᬳᬲ᭄ᬮᬶᬯ᭄ᬭᬦ᭄᭞ᬓ᭄ᬭᬸᬕ᭄ᬢᬶᬢᬶᬃᬓᬶᬮ᭠
Page:Bali-lontar-gaguritan-cokoratu-02-250ppi.pdf/4
Jump to navigation
Jump to search
This page has been proofread.
