[᭒᭕ 25 B]
᭒᭕
ᬤ᭄ᬮᭀᬓᬶᬦ᭄ᬓᬧᬳᭀᬦ᭄ᬳᬾᬗ᭄ᬕᬮᬂ᭞ᬭᬬᬸᬦᬦᬾᬤᬩ᭄ᬤᬩᬂᬳ᭄ᬦᬾᬲᬸᬩᬢ᭄ᬥᬸᬄᬲᬶᬗᬶᬢ᭄᭞ᬳᬸᬢ᭄ᬣᬫᬚᬮᬦ᭄ᬢ᭄ᬓᭂᬤᬶᬧᬳᭀᬦ᭄ᬕᭂᬮᬶᬲ᭄᭟ᬫᬗᬫ᭄ᬩ᭄ᬭᬾᬲᬂᬫᬜᬶᬢ᭄ᬓᬾᬦ᭄ᬜᬫᬜᭂ᭞ᬳ᭄ᬮᬸᬄᬦᬾᬲᬸᬩᬮᬶᬗ᭄ᬲᬶᬃᬩᬕᭂᬤᬾᬓᬮᬶᬯᬢ᭄᭞ᬢ᭄ᬣᬭᬫᬦᬯᬂᬚ᭄ᬗᬄᬳᬶ
ᬮᬸᬄᬳᬸᬶᬮᬸᬶᬄᬚᭂᬦ᭄ᬥᬸᬜᬳᬸᬢᬶᬦ᭄᭞ᬲᬶᬗᬤᬵᬓᬾᬢᭀᬓ᭄ᬩᬸᬓᬵᬘᬳᬶᬦᬾᬭᬶᬭᬶᬄ᭟ᬦᬄᬳᬓᬾᬢᭀᬫᬋᬩᬢ᭄ᬳᬚᬓ᭄ᬜᬫᬜᬶ᭞ᬮᬯᬸᬢ᭄ᬫᬤᭀᬦᬦ᭄ᬕᭂᬮᬶᬲ᭄᭞ᬚᬸᬓᬸᬣᭀᬮᬄᬳᭀᬮᬄᬚᬚᭂᬭᬸᬓ᭄ᬮᬯᬃᬜᬯᬦ᭄᭞ᬳᬸᬤᬂᬫᬢᬫ᭄ᬩᬸᬲ᭄ᬢᬦ᭄ᬓᬤᬶᬢ
ᬩ᭄ᬯᬦ᭄ᬫᬧ᭄ᬮᬧᬄ᭞ᬩᬾᬲ᭄ᬬᬧ᭄ᬫᬧᬼᬘᬶᬂ᭟ᬢᬮᬸᬄᬫ᭄ᬜᬄᬢ᭄ᬓᬾᬦ᭄ᬧᬧᬶᬦ᭄ᬤᬗᬦ᭄ᬱ᭄ᬬᬧ᭄᭞ᬚᬳᭂᬦ᭄ᬫᬓ᭄ᬥᬸᬲᬫ᭄ᬫᬶᬲᬸᬩᬧᬤᬵᬧ᭄ᬭᬕᬢ᭄᭞ᬘᭂᬘᭂᬧᬦ᭄ᬧᬯᬚᬶᬓᬦ᭄ᬭᬾᬜ᭄ᬘᬗᬾᬗᬢᬸᬭᬂᬓᬗᬶᬦ᭄᭞ᬩᬦ᭄ᬤᬾᬱᬵᬧᬦᬓ᭄ᬚ᭄ᬜ᭄ᬕᬄᬢ᭄ᬓᭂᬫᬸᬗ᭄ᬓᬸᬭᬶᬦ᭄᭟ᬧᬂ᭟ᬳᬶᬩᬦ᭄ᬤᬾ
ᬱᬫ᭄ᬧᭂᬲ᭄ᬜᬸᬫ᭄ᬩᬄᬫᬢᬸᬃᬳᬭᬶᬲ᭄ᬭᬢᬸᬲᬫ᭄ᬧᬸᬭᬬᬂᬳᬸᬕᬶ᭞ᬳᬢᬸᬭᬦ᭄ᬢᬶᬢ᭄ᬬᬗᬾᬭᬢᬸᬤᬳᬢ᭄ᬢᬦ᭄ᬲᬸᬫᬧᬮᬵ᭞ᬲᬓᬾ᭠ᬯᬦ᭄ᬓᭂᬦ᭄ᬳᬦ᭄ᬢᬸᬓ᭄ᬱᬸᬩᬓ᭄ᬢᬶᬫᬦᭂᬭᬸᬲ᭄᭞ᬓᭀᬭᬢᬸᬳᬭᬶᬲ᭄ᬫᬦᬶᬫ᭄ᬩᬮ᭄᭞ᬤᬢ᭄ᬣᬓᬾᬮᬦ᭄ᬢᬗᬂᬩ᭄ᬯᬶᬦ᭄᭟ᬢᬦ᭄ᬓᭀᬘᬧ᭄ᬳᬶᬤᬵᬗᬚᭂᬗᬂ᭞ᬲᬸ
[᭒᭖ 26 A]
ᬩᬳᬸᬲᬦ᭄ᬳᬶᬩᬦ᭄ᬤᬾᬱᬵᬫᬧᬫᬶᬢ᭄᭞ᬧᬦᬓ᭄ᬜᬦᬾᬳ᭄ᬦᬸᬤᬶᬢᬸᬩᬋᬂᬳᬚᬓ᭄ᬫᬶᬲᬜᭂ᭞ᬘᭀᬓᭀᬃᬭᬢᬸᬗᬦ᭄ᬤᬶᬓᬵᬩᬶᬄᬚᬮᬄᬫᬦ᭄ᬤᬸᬲ᭄ᬳᬭᬄᬳᭀᬧᭂᬓ᭄ᬧᬶᬲᬦ᭄ᬧᬶᬲᬦ᭄᭞ᬳ᭄ᬬᬂᬢᬓᬸᬢ᭄ᬧᬤᬶᬤᬶᬳᬶ᭟ᬮᭀᬳᬤᬾᬅ᭄ᬫᬢᬸᬃᬗ᭄ᬮᬾᬦᬂᬦᬧᬶᬜᬧ᭄ᬮᭀᬓ᭄ᬦᬾ
ᬦ᭄ᬢᭂᬦ᭄ᬫᬫ᭄ᬥᬶ᭞ᬓᭀᬭᬢᬸᬓ᭄ᬜᭂᬫ᭄ᬫᬢ᭄ᬭᬸᬄᬳᬭᬄᬢᬾᬢᬾᬄᬧᬲᬚᬵ᭞ᬤᬶᬚᬵᬫ᭄ᬮᬚᬄᬳ᭄ᬜᬾᬦ᭄ᬲᬶᬗᬸᬭᬸᬓᬂᬩᬳᬸᬅ᭄᭞ᬳᬶᬧᬲᭂᬓ᭄ᬧ᭄ᬭᬬᬫᬓᬳᬤ᭄᭞ᬓᭀᬭᬢᬸᬘᭂᬧᭂᬢ᭄ᬫᬗᬶᬲᬶ᭟ᬫᬓᭂᬤᬤ᭄ᬯᬬᬫᬤᬦ᭄ᬤᬦ᭄᭞ᬳᬶᬘᬫ᭄ᬘ᭄ᬬᭀᬗᬩᭂᬧᬲᬢᬦ᭄ᬧᬸᬢᬶᬄ᭞ᬧᬢᬼ
ᬲᬦ᭄ᬳᬶᬤᭀᬓ᭄ᬦᬸᬢᬸᬕ᭄ᬗᬩᬘᭀᬮᭀᬓ᭄ᬮᬦ᭄ᬚᬭᬦ᭄᭞ᬲᬸᬩᭂᬢ᭄ᬓᭂᬤᬶᬓᬬᭂᬳᬦ᭄ᬮᬯᬸᬢ᭄ᬫᬦ᭄ᬤᬸᬲ᭄᭞ᬲᬸᬓᬵᬫᬘᬦ᭄ᬤᭂᬘᬦ᭄ᬤᬬᬦ᭄᭞ᬲᭀᬢᬦᬶᬂᬧᬺᬢᬫᬾᬂᬕᬢᬶ᭟ᬩᬸᬤᬓ᭄ᬳᬸᬮᬶᬤᬶᬓᬬᭂᬳᬦ᭄᭞ᬗ᭄ᬮᬯᬸᬢ᭄ᬫᬸᬮᬶᬄᬭᬲᬩᬸᬓᬵᬗ᭄ᬯᬂᬗ᭄ᬲᬶᬢᬶᬦ᭄᭞ᬓᬓ᭄ᬭᬸᬬᬸᬓ᭄ᬱ᭄ᬬᬧᬾᬫᬸᬳᬸᬕ᭄
ᬫᬶᬭᬶᬩ᭄ᬩᬸᬓᬗᬾᬦᬵᬕ᭄ᬕᬮᬂ᭞ᬮᬾᬦ᭄ᬢᭀᬩ᭄ᬯᬦ᭄ᬓᭂᬫᭀᬚᬗᬶᬄᬦᬭᬸᬓ᭄ᬢᬸᬓ᭄ᬩᬩᭀᬢᭀᬳᬾᬧᬤᬵᬩᬶᬦ᭄ᬤᬃᬧ᭄ᬱᬸᬬᭂᬲᬮᬶᬂᬮᬗ᭄ᬓᬸᬗᬶᬦ᭄᭟ᬓᭀᬭᬢᬸᬚᬦᬶᬳᬸᬘᬧᬂ᭞ᬲᬸᬩᬫᬳ᭄ᬬᬲ᭄ᬯᬲ᭄ᬢ᭄ᬭᬕᬕᬸᬮᬸᬂᬢᬗᬶ᭞ᬓᬫ᭄ᬧᬸᬄᬳᬾᬕᬸᬫᬶᬮᬂᬤᬥᬸᬫ᭄ᬧᬮ᭄ᬱᬸᬢᬺᬱᬫᬃ᭞ᬫᬓᬯᬘ
Page:Bali-lontar-gaguritan-cokoratu-02-250ppi.pdf/26
Jump to navigation
Jump to search
This page has been proofread.
