[᭒᭓ 23 B]
᭒᭓
ᬕᬸᬮᬵ᭞ᬗᬦ᭄ᬤᬶᬓᬵᬭᬸᬫᬫᬦᬶᬲ᭄ᬍᬩᬶᬄᬓᭀᬩᬓ᭄ᬢ᭄ᬬᬂ᭞ᬫᬗ᭄ᬭᬲᬬᬂᬤᬶᬫᬦᬄᬳᭀᬮᬲ᭄ᬩᬧᬦᬾᬦᬓᭀᬦᬶᬦ᭄᭞ᬢ᭄ᬬᬂᬓ᭠ᬩᬩᬲ᭄ᬧᬮᬶᬂᬢ᭄ᬓᭂᬤ᭄ᬫᬭᬶᬓᬶ᭟ᬳᬶᬯᭀᬂᬤᬾᬱᬵᬮᬶᬬᬸᬧᬤᬵᬫᬦ᭄ᬤᭂᬲᭂᬓ᭄ᬓᬂ᭞ᬦ᭄ᬕᬓ᭄ᬢ᭄ᬯᬭᬫᬫᬸᬜᬶᬲᭀᬓ᭄ᬧᬤᬵᬫ᭄ᬳᭂᬓᬂ᭞ᬢ᭄ᬯᬭᬩᬶᬱᬵ᭠
ᬫᬜᬧᬵᬲ᭄ᬩᭂᬂᬜᬦᬾ ᬧᬤᬵᬳᬰᬶᬄ᭞ᬢᬸᬃᬓᬕᬳᭀᬓᬦ᭄ᬩᬦᬾᬢᬸᬫ᭄ᬩᬾᬦ᭄ᬧᬸᬓᬶᬦ᭄᭟ᬳᬶᬩᬦ᭄ᬤᬾᬱᬵᬫ᭄ᬧᭂᬲᬗ᭄ᬕᬵᬫᬢᬸᬃᬕ᭄ᬢᬃ᭞ᬦᬸᬦᬲ᭄ᬭᬢᬸᬦᬾᬫᬗ᭄ᬓᬶᬦ᭄ᬫᬗ᭄ᬭᬭᬶᬲ᭄ᬫᬦ᭄ᬢᬸᬓᬦ᭄᭞ᬭᬶᬂᬘᬘᬗ᭄ᬕᬳᬦ᭄ᬢᬶᬢ᭄ᬬᬂᬓᭀᬭᬢᬸᬢ᭄ᬤᬸᬦ᭄ᬫᬫᬃᬕ᭄ᬕᬶ᭞ᬲᬓ᭄ᬱᬡᬲᬸᬩᬵᬤᬶᬯᬗᬦ᭄ᬜᬦᬾ
ᬕ᭄ᬮᬶᬲ᭄᭟ᬫᬩᬜ᭄ᬘᬶᬗᬄᬫᬶᬲᬶᬩᬮᬾᬚᬚᬃᬤᬤ᭄ᬯ᭞ᬓᭀᬭᬶᬫᬩᬢ᭄ᬣᬧᬲ᭄ᬢᬶᬯᬸᬲ᭄ᬗ᭄ᬭᬜ᭄ᬚᬶᬂᬫᬦ᭄ᬢᬸᬓᬦ᭄᭞ᬓᭀᬘᬧ᭄ᬩᬦ᭄ᬤᬾᬱᬵᬧᬦᬓ᭄ᬫᬘᬦ᭄ᬤᭂᬫᬳᬸᬩᭂᬢ᭄ᬓᭀᬭᬶ᭞ᬳᬚᬓ᭄ᬫᬶᬲᬜᬩᬧᬦᬾᬫᬗ᭄ᬯᬸᬓᬶᬦ᭄᭟ᬳᬾᬗ᭄ᬕᬮ᭄ᬧᭂᬲᬸᬧᬤᬵᬬᬓᬭᭀᬮᬜ᭄ᬘᬶᬗᬦ᭄᭞ᬓᬗ᭄ᬕᭂ
ᬓ᭄ᬫᬢᬸᬮᬓ᭄ᬕᭂᬮᬶᬲ᭄ᬜ᭄ᬫᬓ᭄ᬱᬩᬸᬓ᭄ᬩᭂᬘᬢ᭄᭞ᬓᭀᬭᬢᬸᬲᬸᬩᬫᬸᬗ᭄ᬕᬄᬤᬶᬢ᭄ᬬᬂᬲᬗᬵᬫᬮᬶᬗ᭄ᬕᬶᬄ᭞ᬦᬾᬤᬤ᭄ᬯᬢ᭄ᬓᬩᬧᬜᬫᬢᬸᬃᬳᬭᬶᬲ᭄᭟ᬳᬶᬗ᭄ᬕᬶᬄᬭᬢᬸᬧᬸᬦᬶᬓᬶᬧ᭄ᬬᬦᬓ᭄ᬢᬶᬢ᭄ᬬᬂ᭞ᬫᬶᬲᬦ᭄ᬳᬶᬧᬸᬦ᭄ᬧᬸᬦᬶᬓᬶᬧ᭄ᬬᬦᬓ᭄ᬜᬫᬦ᭄ᬢᬶᬢ᭄ᬬᬂ᭞ᬓᭀᬭᬢᬸᬋᬲᭂᬧ᭄ᬜᭂᬗᬓ᭄ᬕᭀᬫᬫ᭄ᬮᬄ
[᭒᭔ 24 A]
ᬕᬸᬩᬕᬸᬲ᭄ᬕᭂᬜ᭄ᬚᬶᬂ᭞ᬧᬦ᭄ᬢᭂᬲᬬᬗᬂᬧ᭄ᬤᬲ᭄ᬩᬂᬲᬵᬗᬼᬕ᭄ᬕᬦᬶᬦ᭄᭟ᬳᬶᬩᬦ᭄ᬤᬾᬱᬵᬕᬾᬯᬃᬦᬸᬦ᭄ᬤᬾᬦ᭄ᬫᬭᬢᭂᬗᬦ᭄᭞ᬦᬫ᭄ᬧᬄᬩᬾᬓ᭄ᬧᬺᬚᬦᬶᬳᬤᬵᬫᬓᬃᬲᬶᬬᬧ᭄᭞ᬮᬾᬦᬵᬩᬳᬾᬧᬧᬶᬦ᭄ᬤᬗᬦ᭄ᬗᬮᬶᬄᬚᬗᬦ᭄ᬚᬗᬦ᭄ᬕᭂᬮᬶᬲ᭄᭞ᬳᬶᬚᭂᬓ᭄ᬫᬾᬓᭀᬓᬦ᭄ᬳᬤᬵᬫᬗ᭄ᬚᬸ
ᬓ᭄ᬩ᭄ᬭᬫᬶ᭟ᬳᬧᬦ᭄ᬮᬶᬯᬢ᭄ᬢᭂᬍᬩ᭄ᬫᬦᬄᬜᬦᬾᬧ᭄ᬭᬕᬢ᭄᭞ᬢᬺᬲ᭄ᬡᬳᬯᭀᬭᬶᬦ᭄ᬩᬓ᭄ᬢᬶᬧᬺᬦᬫ᭄ᬬᬲᬬᬕ᭄ᬕᭂ᭞ᬩᬸᬲᬦ᭄ᬩᬸᬲᬦ᭄ᬫᬜᬸᬫ᭄ᬩᬄᬢᬫ᭄ᬫᬵᬧᭂᬧᭂᬲ᭄ᬓᬦᭂᬕᬭᬶ᭞ᬢᬸᬃᬕᭀᬫᬾᬦᬓ᭄ᬕ᭄ᬢᬃᬢᬩᬸᬳᬾᬓᬮᬶᬲ᭄᭟ᬢᬦ᭄ᬘᬭᬶᬢ᭄ᬣᬳᬶᬗᬦ᭄ᬱᬸᬩᭂᬫᬓᭂᬧ᭄ᬯᬦ᭄᭞ᬳᬶ
ᬤᭀᬓ᭄ᬗᬮᬶᬄᬧᬶᬲᬮᬶᬦ᭄ᬮᬾᬦ᭄ᬳᬶᬦᬸᬫ᭄ᬳᬶᬦᬸᬫᬦ᭄᭞ᬫᬰᬶᬮᬓᬃᬧᬳᬶᬘᬧᬬᬄᬳᬬᬳᬦ᭄ᬫᬓᬤᬶ᭞ᬲᬸᬩᭂᬬ᭄ᬬᬢ᭄ᬓᬵᬗᬩᭂᬦᬾᬩ᭄ᬘᬶᬓ᭄ᬩᭂᬘᬶᬓ᭄᭟ᬘᭀᬓᭀᬃᬭᬢᬸᬮᬾᬤᬂᬓᬬᬸᬦ᭄ᬳᬾᬓᬮᬶᬦ᭄ᬢᬂ᭞ᬫ᭄ᬩᬳᬦ᭄ᬤᬸᬦᬸᬗᬦ᭄ᬩᭂᬘᬶᬓ᭄᭞ᬧᬶᬢᬸᬤᬸᬳᬶᬂᬤᬾᬯ᭄ᬯᬧ᭄ᬝᭂᬂᬳᬤᬵᬦᬸ
ᬗ᭄ᬓᬸᬮᬂᬦᬾᬤᬤ᭄ᬯᬤᬸᬯᭂᬕ᭄ᬗ᭄ᬮᬾᬤᬗᬶᬦ᭄᭞ᬍᬫᬄᬯᭀᬂᬤᬾᬱᬵᬢ᭄ᬩᭂᬂᬮᬶᬬᬸᬫᬦᬗ᭄ᬓᬶᬮ᭄᭟ᬲᬕᬾᬢ᭄ᬓᭂᬦᬂᬕᬸᬭᬦ᭄ᬤᬸᬢ᭄ᬗᬚᬓ᭄ᬧᬦᬓ᭄᭞ᬩᬭᬓ᭄ᬩᬭᬓ᭄ᬓᭂᬓᬮᬶᬄᬫᬢᬦ᭄ᬜᬦᬾᬲᬯᬢ᭄᭞ᬩᬦᬾᬓᬧᬄᬫᬗᬫᬄᬮᬸᬤᬶᬦ᭄ᬓᬫ᭄ᬩᭂᬦ᭄ᬱᬶᬢ᭄ᬲᬶᬢ᭄ᬭᬸᬦ᭄ᬢᬶᬂ᭞ᬫᬫᬸᬜᬶ
Page:Bali-lontar-gaguritan-cokoratu-02-250ppi.pdf/24
Jump to navigation
Jump to search
This page has been proofread.
