[᭑᭘ 18 B]
᭑᭘
ᬲᬮᬶᬦ᭄ᬲᬸᬩᬘᬸᬫᬤᬂᬳᬲᬓ᭄ᬱᬦᬵᬲᬕᬾᬢ᭄ᬧ᭄ᬭᬧ᭄ᬝᬶ᭞ᬧᬗ᭄ᬯᬾᬤᬗᬦ᭄ᬫᬓᬤᬶᬋᬦ᭄ᬤᬂᬲᬓᬯᬦ᭄ᬫᬤᬸᬮᬸᬃ᭞ᬢᬦ᭄ᬓᭀᬘᬧ᭄ᬯᬸᬲ᭄ᬗᬯᬾᬤᬂ᭞ᬓᬮᬶᬄᬧᬗᬶᬭᬶᬗᬾᬲᬫᬶ᭞ᬧᬶᬦᬲᬸᬕᬸᬄᬤᬸᬦᬸᬗᬦ᭄ᬳᬢᬢ᭄ᬣᬢᬢ᭄ᬣ᭟ᬢᬦ᭄ᬓᭀᬘᬧ᭄ᬳᬶᬤᬵᬢᬸᬗᬸᬭᬄᬜᬫ᭄ᬩ᭄ᬭᬫᬵᬢᬫ᭄ᬬᬸᬦᬾᬓ᭠
ᬮᬶᬄ᭞ᬢᬸᬤᬾᬅ᭄ᬭᬳᬶᬢᬸᬤᬾᬅ᭄ᬳᭀᬓᬵ᭞ᬓᬕ᭄ᬥᭀᬂᬘᭂᬃᬫᬶᬫᬗ᭄ᬭᬜ᭄ᬚᬶᬂ᭞ᬧᬫᬺᬫᬦ᭄ᬳᬩ᭄ᬬᬦ᭄ᬳ᭄ᬬᬸᬦᬶᬦ᭄᭞ᬫᬋᬋᬗ᭄ᬕᬵᬳᬶᬦ᭄ᬤᬶᬄᬫᬸᬭᬸᬩ᭄᭞ᬲᭀᬭᭀᬄᬧᬓᬓᬲ᭄ᬚᬯ᭄ᬯ᭞ᬳᬦᬸᬢ᭄ᬓᬾᬦᬾᬫᭂᬋᬫᬶᬦ᭄᭞ᬳᬦᬓ᭄ᬩᬕᬸᬲ᭄ᬲᬗ᭄ᬳ᭄ᬬᬂᬫᬦᭀᬩᬯ᭄ᬯ᭟ᬧ᭄ᬢᭂᬂᬚᬗ᭄ᬕᭂᬮᬂᬗᬸᬘᬧᬂᬲᬯᬾᬢ᭄ᬦᬶᬂᬯᬶ
ᬕᬸᬡ᭄ᬦᭀᬂᬳᬢᬶ᭞ᬫᬋᬍᬫᬄᬫᬤᬩ᭄ᬥᬩᬦ᭄ᬳᬦ᭄ᬓᬾᬧᬘᬂᬫᬗᬶᬭᬶᬂ᭞ᬍᬓᬾᬢᬫᬦ᭄ᬲᬭᬶᬭᬢᬸᬗᬸᬭᬄᬲᬸᬩᭂᬫᬸᬗᬸ᭞ᬩᬋᬂᬢᬫ᭄ᬬᬸᬦᬾᬤᬤ᭄ᬬᬢᬸᬤᬾᬅ᭄ᬳᭀᬓᬵᬢᬸᬤᬾᬅ᭄ᬭᬳᬶ᭞ᬧᬤᬳᬦᬸᬢ᭄ᬤᬶᬳᬫ᭄ᬩᬾᬦ᭄ᬮᭀᬚᬶᬫᬳ᭄ᬬᬲ᭄᭟ᬭᬚᬾᬂᬫᬥᬸᬭᬵᬳᬸᬘᬧᬂᬫᬳ᭄ᬬᬲ᭄ᬱᬸᬩᬤᬶᬧᬸᬭᬶ᭞
ᬫᬯᬲ᭄ᬢ᭄ᬭᬤᬾᬯᬗ᭄ᬕᬵᬗ᭄ᬭᬭᬲ᭄᭞ᬫᬓᬫ᭄ᬧᬸᬄᬕᬕᬸᬮᬸᬂᬢᬗᬶ᭞ᬳᬸᬫ᭄ᬧᬮᬾᬫᬗᬾᬤᬦᬶᬦ᭄᭞ᬲᬸᬢᬺᬫᬭᬾᬦ᭄ᬤᬄᬫᬸᬭᬸᬩ᭄᭞ᬫᬤᬲ᭄ᬢᬃᬲᬸᬢᬺᬧ᭄ᬝᬓ᭄ᬳᬗᬯᬾᬭᬗ᭄ᬕᬓᬸᬗ᭄ᬓᬶᬂᬗ᭄ᬓᬶᬂ᭞ᬲ᭄ᬓᬃᬳᬦᬸᬢ᭄ᬘᬫ᭄ᬧᬓᭂᬯᬶᬦᬮᬓ᭄ᬓᬤ᭄ᬕᬵ᭟ᬜᬸᬗ᭄ᬓᭂᬮᬶᬢ᭄ᬓ᭄ᬭᬶᬲ᭄ᬫᬢᬢᬄᬳ᭄ᬫᬲ᭄ᬫᬮᬦ᭄ᬤᬾᬬᬦ᭄ᬳᬸᬭᬸᬩ᭄ᬗᭂᬦ᭄ᬤᬶᬄ
[᭑᭙ 19 A]
᭞ᬳᬶᬗᬸᬓᬶᬃᬩᬸᬢ᭄ᬣᬓᭀᬩᬜ᭄ᬚᬵᬳᬮᬶᬫᬶᬭᬄᬳᬤᬶ᭞ᬚ᭄ᬭᬶᬚᬶᬭᬸᬭᬸᬲ᭄ᬗᬾᬤᬦᬶᬦ᭄ᬦᬓᬵᬓᬤᬶᬫᬡ᭄ᬦᬶᬓ᭄ᬩᬜᬸ᭞ᬧᬫᬃᬕ᭄ᬕᬶᬫᬕᬫ᭄ᬧᬭᬦ᭄ᬭᬱᬵᬢᬦ᭄ᬧᬦᬫ᭄ᬧᬓ᭄ᬲᬶᬢᬶ᭞ᬫᬧᬋᬓᬦ᭄ᬘ᭄ᬭᬶᬓ᭄ᬘ᭄ᬭᬶᬓ᭄ᬧ᭄ᬝᬂᬤᬱᬵ᭟ᬲᬫ᭄ᬧᬸᬦ᭄ᬳᬸᬲᬦ᭄ᬳᬶᬤᬵᬫᬳ᭄ᬬᬲ᭄᭞ᬫᬗ᭄ᬭᬭᬶᬲ᭄ᬓᬕ᭄ᬥᭀᬂᬘᬺᬫᬶᬓ᭄ᬜᭂᬫ᭄ᬩᬸ
ᬓᬵᬗ᭄ᬘᭀᬃᬕᬸᬮᬵ᭞ᬳᬦᬓᬕᬸᬂᬚᬮᬄᬚᬦᬶ᭞ᬢᬸᬗᬸᬭᬄᬓ᭄ᬜᭂᬫ᭄ᬦᭀᬮᬶᬄᬓᬦ᭄ᬤᬮ᭄ᬱᬫᬶᬫᬩ᭄ᬭᬶᬬᬸᬓ᭄᭞ᬫᬫᬃᬕᬶᬕᬕᬜ᭄ᬘᬗᬦ᭄᭞ᬫᬜᬸᬚᬸᬃᬓᬢᬫᬦ᭄ᬲᬭᬶᬲᬫ᭄ᬧᬸᬦ᭄ᬭᬯᬸᬄ᭞ᬫᬦ᭄ᬤᭂᬕ᭄ᬓᬭᬶᬫᬧᬯᬲᬦ᭄᭟ᬓᭀᬭᬢᬸᬲᬸᬩᬫᬳ᭄ᬬᬲ᭄ᬗᬤᭂᬕ᭄ᬤᬶᬩᬢᬦ᭄ᬓᬫᭀᬦᬶᬂ᭞ᬓ᭄ᬜᭂᬫ᭄ᬫᬶᬭᬶᬩ᭄ᬫᭂ
ᬫ᭄ᬩᬄᬓᬶᬮᬂᬮᬸᬢ᭄ᬫᬗᬦ᭄ᬤᬶᬓᬵᬳᬭᬶᬲ᭄᭞ᬓ᭄ᬫᭂᬧᬤᬵᬬ᭄ᬬᬳᬮᬶᬄᬚᬼᬫᬦᬾᬓ᭄ᬚᭂᬫᬗᬗ᭄ᬕᬸᬃ᭞ᬓᬳᬶᬗᬦ᭄ᬢ᭄ᬬᬂᬫᬚᬮᬦ᭄ᬜ᭄ᬚᬕ᭄ᬚᬕᬶᬦ᭄ᬢᬫ᭄ᬬᬸᬦᬫᬸᬮᬶᬄᬲᬕᬾᬢ᭄ᬓᬳᬶᬚᬫᬃᬜᭀᬗ᭄ᬓᭀᬓ᭄ᬫᬜᬸᬫ᭄ᬩᬄ᭟ᬭᬢᬸᬲᬫ᭄ᬧᬸᬦ᭄ᬭᬶᬂᬚᬩᬬᬦ᭄ᬢᬫ᭄ᬬᬸᬦᬾᬚᬕᬫᬦᬗ᭄ᬓᬶᬮ᭄᭞ᬓᭀᬭᬢᬸᬕ᭄ᬮᬶᬲ᭄ᬗᬦ᭄ᬤᬶ
ᬓᬵᬓ᭄ᬫᬓᬾᬮᬸᬢ᭄ᬮᬳᬶᬦ᭄᭞ᬤᬩ᭄ᬤᬩᬂᬳᬧᬂᬧᬲ᭄ᬢᬶᬢᭀᬦ᭄ᬤᬾᬦ᭄ᬧ᭄ᬭᬕᬢ᭄ᬲᬕᬾᬢ᭄ᬭᬯᬸᬄ᭞ᬓᭀᬭᬢᬸᬓ᭄ᬜᭂᬫ᭄ᬜᬧᬵᬩᬸᬓᬵᬗ᭄ᬘᭀᬃᬫᬥᬸᬕᭂᬦ᭄ᬤᬶᬲ᭄᭞ᬦᬸᬦᬲ᭄ᬩᭂᬮᬶᬫᬸᬗ᭄ᬕᬳᬦ᭄ᬲᬋᬂᬲᬫ᭄ᬬᬦ᭄᭟ᬳᬶᬘᬧᬳᬶᬧᬱᬵᬜᬸᬫ᭄ᬩᬄᬲᬸᬩᭂᬮᬸᬢ᭄ᬧᬤᬵᬫᬮᬶᬗ᭄ᬕᬶᬄ᭞ᬓᭀᬭᬢᬸᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬶᬧᬶ
Page:Bali-lontar-gaguritan-cokoratu-02-250ppi.pdf/19
Jump to navigation
Jump to search
This page has been proofread.
