Page:Bali-lontar-gaguritan-cokoratu-02-250ppi.pdf/18

From Wikisource
Jump to navigation Jump to search
This page has been proofread.

[᭑᭗ 17 B]
᭑᭗
ᬘᬧ᭄ᬭᬚᬧᬸᬢᬺ᭞ᬓᬓᬮᬶᬄᬓᬤᬶᬲᬶᬧᬢ᭄᭞ᬫᬦ᭄ᬤᭂᬲᬫ᭄ᬧᬸᬦ᭄ᬥᬤᭀᬲ᭄ᬳᬶᬭᬶᬓᬶ᭞ᬗᬶᬭᬶᬂᬳᬕᬾᬬᬂᬭᬢᬸᬫᬦ᭄ᬢᬸᬓ᭄ᬓᬧᬸᬭᬶ᭟ᬧᬫ᭄ᬓᬲ᭄ᬳᬶᬚᬬᬳᬸᬲ᭄ᬫᬢᬦ᭄ᬘᬭᬶᬢ᭞ᬘᭀᬓᭀᬃᬭᬢᬸᬕᬦ᭄ᬤᬶᬓᬦᬳᬾᬧᬤᬵᬭᬲᬦᬶᬦ᭄‌ᬢᬫ᭄ᬬᬸᬳᬸᬮᬶᬤᬶᬚ᭞ᬲᭀᬢ᭄ᬫᬳᬦ᭄ᬳᬾᬜ᭄ᬘᭀᬂᬢᬶᬫ᭄ᬧ
ᬮ᭄ᬜ᭞ᬦᬾ ᬫᬗ᭄ᬥᬾᬓᬶᬦ᭄᭞ᬳᬶᬲᬤᬍᬲᬄᬳᬢᬸᬃᬫᬮᬶᬄ᭟ᬭᬢᬸᬤ᭄ᬯᬕᬸᬂᬓᭀᬘᬧ᭄ᬲᬓᬶᬂᬲ᭄ᬫᬭᬧᬸᬭᬵ᭞ᬲᬋᬂᬓᬺᬢ᭄ᬣᬦ᭄ᬕᬭᬶᬫᬮᬶᬄᬳᬦᬾᬫ᭄ᬧᬶᬲᬦ᭄᭞ᬓᭀᬭᬢᬸᬓ᭄ᬜᭂᬫ᭄ᬦᬶᬫ᭄ᬩᬮ᭄‌ᬦᬄᬓ᭄ᬫᭂᬳᬶᬩᬜ᭄ᬚᬕ᭄ᬚᬕᬶᬦ᭄᭞ᬲᬶᬜᬫᬓᬢᬂᬕᬕ᭄ᬕᬧᬦ᭄ᬳᬩᬫᬳᬶ᭟ᬲᬕᬾᬢ᭄ᬓᬳᬸᬲ
ᬦᬓᬕᬸᬂᬗᬸᬭᬄ᭞ᬫ᭄ᬧᭂᬲ᭄ᬫᬳᬢᬸᬃᬳᬭᬶᬲ᭄‌ᬭᬢᬸᬤ᭄ᬯᬕᬸᬂᬢᬶᬢ᭄ᬬᬂ᭞ᬓᬳᬸᬢᬸᬲ᭄ᬗᬸᬦᬶᬗᬬᬂᬤᬢ᭄ᬗᬦ᭄ᬓᬭᬶᬭᬶᬂᬫᬃᬕᬶ᭞ᬘᭀᬓᭀᬃᬳᬶᬤᬾᬯ᭄ᬯᬲ᭄ᬯᬾᬘᬵᬫᬦ᭄ᬢᬸᬓ᭄ᬓᬧᬸᬭᬶ᭟ᬘᭀᬓᭀᬃᬭᬢᬸᬓ᭄ᬜᭂᬫ᭄ᬳᬭᬶᬲ᭄ᬫᬗᬦ᭄ᬤᬶᬓᬵ᭞ᬕᬸᬲ᭄ᬢᬶᬦ᭄ᬳᬶᬩᭂᬧᬶᬢ᭄ᬮᬲᬶᬦ᭄ᬚᬸᬫᬄᬫᬦ᭄ᬤᬩ᭄ᬤᬩᬦ᭄᭞ᬓᬳᬶᬦᬸᬭᬶᬚᭂ᭠
ᬓ᭄ᬧᬶᬲᬦ᭄᭞ᬳᬶᬯᬶᬭᬫᬬᬫᬧᬫᬶᬢ᭄᭞ᬢᬦ᭄ᬓᬘᬭᬶᬢ᭄ᬝᬵᬲᬸᬩᭂᬢ᭄ᬩᭂᬂᬤᬶᬧᬸᬭᬶ᭟ᬳᬦᬓᬕᬸᬂᬗᬸᬭᬄᬕᬾᬯᬃᬫᬦ᭄ᬤᬯᬸᬳᬂ᭞ᬧᬋᬓᬦ᭄ᬭᭀᬩᬦ᭄ᬱᬫᬶᬧᬤᬵᬫᬢᬢ᭄ᬮᬄ᭞ᬢ᭄ᬓᬳᬶᬯᬶᬭᬫᬬᬫᬶᬤᬃᬢ᭄ᬣᬗᬢᬸᬭᬂᬕ᭄ᬮᬶᬲ᭄᭞ᬲᬕᬾᬢᬦ᭄ᬭᬯᬸᬄᬭᬚᬾᬂᬫᬥᬸᬭᬵᬓ᭄ᬜᬶᬂ᭟ᬳ
[᭑᭘ 18 A]
ᬦᬓᬕᬸᬂᬚᬮᬦ᭄‌ᬧ᭄ᬱᬸᬓᬩᬜ᭄ᬘᬶᬗᬄ᭞ᬳᬶᬭᬓᬵᬢᬸᬦ᭄ᬤᬾᬦ᭄ᬗᬮᬶᬄᬢᬸᬗᬸᬭᬄᬫᬦᬶᬫ᭄ᬩᬮ᭄᭞ᬲᬫ᭄ᬧᬸᬦ᭄ᬢᬶᬢ᭄ᬬᬂᬗᬾᬦ᭄ᬓᬾᬦᬂᬓᬢᬫᬦ᭄ᬫᬢᬸᬃᬳᬶᬦᬸᬦᬶ᭞ᬓᬤᬯᬸᬄᬢᬶᬢ᭄ᬬᬂᬓᬧᬶᬢ᭄ᬮᬲ᭄ᬳᬶᬭᬶᬓᬶ᭟ᬭᬭᬶᬲ᭄ᬓᭀᬤᬮ᭄ᬭᬚᬾᬂᬫᬥᬸᬭᬵᬢᬸᬗᬸᬭᬄ᭞ᬭᬶᬂᬩᬜ᭄ᬘᬶᬗᬄᬯᬸᬲ᭄ᬧ᭄ᬭᬧ᭄ᬝᬶᬲ
ᬕᬾᬢ᭄ᬱᬸᬩᬢ᭄ᬓᬤ᭄᭞ᬩᬢᬦ᭄ᬩᬜ᭄ᬘᬶᬗᬄᬗᬫ᭄ᬩ᭄ᬬᬃᬢᬸᬗᬸᬭᬄᬫᬳᬢᬸᬃᬳᬭᬶᬲ᭄‌ᬦᬸᬦᬲ᭄ᬢᬫ᭄ᬧᭂᬓᬂ᭞ᬭᬶᬂᬳᬮᬸᬦ᭄ᬳᬮᬸᬦ᭄ᬗ᭄ᬭᬭᬶᬲ᭄᭟ᬲᬕᬾᬢ᭄ᬓᬳᬶᬧᬱᬩᬋᬂᬳᬶᬘᬧᬵ᭞ᬫ᭄ᬧᭂᬲᬸᬫ᭄ᬩᬳᬾᬘ᭄ᬧᬶᬩᬕᬸᬲᬾᬫᬘᬧ᭄ᬘᬧ᭄᭞ᬧᬦ᭄ᬢᭂᬲ᭄ᬧ᭄ᬭᬢᬫᬾᬂᬭᬭᬲ᭄᭞ᬧᬧᬭᬲᬦᬾ
ᬫᬳᬶᬗᬶᬤ᭄‌ᬭᬚᬾᬂᬫᬥᬸᬭᬮᬾᬤᬂᬓᬬᬸᬦᬾᬗᬓ᭄ᬱᬶ᭟ᬮᬸᬢ᭄ᬗᬦ᭄ᬤᬶᬓᬵᬳᬶᬧᬶᬤᬦ᭄ᬜᬳᬶᬫᬚᬮᬦ᭄᭞ᬫᬢᬸᬃᬲᬂᬯᬯᬸᬧ᭄ᬭᬧ᭄ᬢᬶ᭞ᬤᬶᬓᬮᬶᬄᬭᬳᬶᬦᬵ᭞ᬢᬸᬗᬸᬭᬄᬭᬕ᭄ᬕᬭᬕᬦ᭄‌ᬜᬧᬩᬜ᭄ᬘᬘᬶᬗᬓ᭄ᬫᬦᬶᬲ᭄ᬫᬧᬧᬮᬶᬬᬢ᭄᭞ᬗᬸᬦ᭄ᬢᬸᬓ᭄ᬱᬂᬯᬶᬭᬓᬮᬶᬄ᭟ᬦ᭄ᬤᬦ᭄ᬲᬶ
ᬭᬚᬶᬂᬫᬥᬸᬭᬳᬾᬕᬃᬓᬮᬶᬦ᭄ᬢᬂ᭞ᬫᬃᬫᬫᬃᬫᬵᬰᬦ᭄ᬲᬶᬧᬶᬳᬧᬦ᭄ᬧᬳᬸᬮᬸᬦᬦ᭄᭞ᬫᬓᬤᬶᬭᬢᬸᬗᬸᬭᬄᬜᬶᬗᬓ᭄ᬢᬫ᭄ᬬᬸᬦᬾᬂᬲᬓᬮᬶᬄ᭞ᬢᬦ᭄ᬧᬾᬦ᭄ᬤᬄᬲᬶᬦ᭄ᬯᬫ᭄ᬓᬢᬶᬩᬦ᭄ᬭᬶᬭᬶᬲ᭄ᬳᬮᬶᬢ᭄᭟ᬲᬶ᭟ᬲᬫ᭄ᬧᬸᬦ᭄ᬲᬫᬶᬗᬧᬸᬭᬶᬬᬂ᭞ᬓᬮᭀᬚᬶᬓᭂᬫ᭄ᬩᬃᬫᬗ᭄ᬭᬭᬶᬲ᭄᭞ᬧᬶ