Page:Bali-lontar-gaguritan-cokoratu-02-250ppi.pdf/16

From Wikisource
Jump to navigation Jump to search
This page has been proofread.

[᭑᭕ 15 B]
᭑᭕
ᬚᬩᭂᬢ᭄ᬗᬄᬗᬦ᭄ᬤᬶᬓᬵᬢ᭄ᬓᬾᬦ᭄ᬳᬶᬚᬬᬧᬢᬶ᭞ᬲᬸᬩᬧᬤᬦᬧᬓ᭄᭞ᬳᬶᬚᬬᬧᬢᬶᬜᬸᬫ᭄ᬩᬄᬭᬢᬸᬲᬫ᭄ᬧᬸᬦ᭄‌ᬢ᭄ᬩᭂᬂᬲᬫᬶ᭞ᬧᬋᬓᬦ᭄ᬭᭀᬩᬦ᭄ᬱᬦᬾᬚᬕ᭄ᬕᬫᬗᬶᬭᬶᬂ᭟ᬢᬸᬤᬾᬅ᭄ᬳᭀᬓᬵᬓ᭄ᬜᭂᬫᬶᬭᬶᬩ᭄‌ᬫᬫ᭄ᬩᬄᬕᬸᬍ᭞ᬜᭂᬜᭂᬃᬫᬫᬸᬜᬶᬳᬭᬶᬲ᭄ᬫᬃᬕᬮᬸᬢ᭄ᬫᬚᬮ
ᬦ᭄᭞ᬢ᭄ᬓᭂᬤᬾᬤᬶᬩᬜ᭄ᬘᬶᬗᬄᬗᬫ᭄ᬩ᭄ᬬᬃᬳᬢᬧ᭄ᬗᬕᭂᬫ᭄ᬱᬫᬶ᭞ᬲᭀᬭᭀᬄᬦᬾᬗᬩᭂᬫᬫᬲ᭄ᬓᬮᬯᬦ᭄ᬩᭂᬤᬶᬮ᭄᭟ᬢᬸᬤᬾᬅ᭄ᬭᬳᬶᬓ᭄ᬜᭂᬫ᭄ᬮᬳᬸᬢ᭄ᬫᬗᬦ᭄ᬤᬶᬓᬵ᭞ᬕ᭄ᬢᬃᬢᬩᬸᬄᬓᬮᬶᬲ᭄‌ᬚᬭᬦᬾᬧᬳᭂᬓᬂ᭞ᬫᬳ᭄ᬬᬓ᭄ᬓᬾᬦ᭄ᬳᬶᬘᬧᬩᬲ᭄ᬓᬍᬩᬶᬄᬗ᭄ᬭᬩ᭄ᬭᬕ᭄ᬕᬢᬶᬗ᭄ᬕᬳᬾᬲᬭᬦ᭄ᬢᭂ
ᬚᬭᬦ᭄‌ᬫ᭄ᬮᬄᬧᬩᬮᬶᬄ᭟ᬢᬸᬤᬾᬅ᭄ᬳᭀᬓᬵᬦᬶᬫ᭄ᬩᬮ᭄‌ᬤ᭄ᬧᬶᬦ᭄ᬚᭂᬘᬭᬦ᭄ᬢᭂ᭞ᬳᬧᬓᬸᬭᬶᬂᬚᬕ᭄ᬚᬕᬶᬦ᭄‌ᬢ᭄ᬯᬭᬦᬯᬂᬧᬬᬃ᭞ᬩ᭄ᬯᬶᬦ᭄ᬓᬲᬸᬩ᭄ᬓᬮᬸᬫ᭄ᬩ᭄ᬭᬄ᭞ᬳᬦᬓ᭄‌ᬘ᭄ᬝᭂᬯ᭄ᬭᬸᬳᬶᬂᬕᬢᬶᬬᬦ᭄ᬓᭂᬦᭂᬄᬢ᭄ᬬᬂᬧ᭄ᬝᭂᬂᬚᬮᬦ᭄ᬢᭂᬓᬳᬶᬦ᭄᭟ᬦᬄᬳᬓᬾᬢᭀᬭᬯᭀᬲᬾᬲᬸᬩᬫᬗ᭄ᬮᬜ᭄ᬘᬢ᭄ᬚᬭᬦ᭄ᬮ
ᬯᬸᬢ᭄ᬫᬫᬃᬕ᭄ᬕᬶ᭞ᬫᬩ᭄ᬭᬶᬬᬸᬓ᭄ᬫᬓ᭄ᬚᬂᬧᬺᬫᬾᬦᬓ᭄ᬮᬦ᭄ᬧᬋᬓᬦ᭄‌ᬫᬳᬾᬮᬦ᭄ᬳᬾᬮᬦᬦ᭄ᬤᬶᬫᬃᬕᬶ᭞ᬗ᭄ᬮᬶᬯᬢ᭄ᬦᬕᬭᬗᬫ᭄ᬩᬳᬶᬦ᭄‌ᬓᬧᬲᬶᬲᬶ᭟ᬩᬶᬮᬂᬤᬾᬱᬵᬫᬭᬾᬭᬾᬦ᭄ᬫᬳᬶᬫ᭄ᬬᬦ᭄ᬳᬶᬫ᭄ᬬᬦ᭄‌ᬢ᭄ᬯᬭᬳᬤᬵᬧᬗ᭄ᬮᬶᬂᬗ᭄ᬲᬶᬃᬲᭀᬓ᭄ᬫᬦ᭄ᬢ᭄ᬭᬶᬩᬚᬂ᭞ᬧᬤᬵᬩᬶᬦᬮ᭄ᬲᬳᬾᬓᭀᬳᬦᬸᬢ᭄ᬱ
[᭑᭖ 16 A]
ᬓᬋᬧᬶᬂᬕᬸᬲ᭄ᬢᬶ᭞ᬢᬦ᭄ᬓᬘᬭᬶᬢ᭄ᬣᬫᬓᬫ᭄ᬩᬗᬦ᭄ᬤᬶᬫᬃᬕ᭄ᬕᬶ᭟ᬓᬸ᭟ᬢᬓᭀᬘᬧᬓᭀᬭᬢᬸᬤᬶᬢᬫᬦ᭄ᬲᬭᬶ᭞ᬗ᭄ᬕᬳᬾᬧᬤᬸᬦᬸᬗᬦ᭄‌ᬳ᭄ᬚᬶᬫᬾᬓᬮᬵᬗ᭄ᬭᬯᬸᬳᬶᬦ᭄᭞ᬤᬾᬦᬶᬂᬢ᭄ᬯᬭᬤᬤᬶᬢ᭄ᬗᬩ᭄᭟ᬳᬤᬵᬢ᭄ᬮᬕᬵᬤᬶᬢ᭄ᬗᬄᬫᬳᬶᬲᬶᬕᬶᬮᬶ᭞ᬢ᭄ᬕᭂᬄᬫᬕᬸᬦᬸᬗᬦ᭄᭞ᬫᬳᬶ
ᬲᬶᬮᭀᬚᬶᬓᬓᬮᬶᬄ᭞ᬍᬃᬳᬮᬸᬲ᭄ᬫᬢᬾᬫ᭄ᬩᭀᬓ᭄ᬕᬫ᭄ᬩᬃ᭟ᬧᬸᬜᬦ᭄ᬩᬸᬗᬵᬫᬚᬫ᭄ᬩᬗᬦ᭄‌ᬕ᭄ᬥᬄᬲᬫᬶ᭞ᬮᬗᬵᬚᬚᬃᬚᬚᬃᬳᬦᬸᬢ᭄ᬫᬗᬶᬍᬳᬶᬦ᭄ᬮᭀᬚᬶ᭞ᬫᬮᬶᬄᬲᭀᬭᬶᬂᬩᬩᬢᬸᬭᬦ᭄᭟ᬩᬸᬗᬵᬫᬶᬳᬶᬓ᭄ᬫᬢᭀᬮᬾᬃᬫᬓᬦ᭄ᬤᭂᬲᬫᬶ᭞ᬳᬧᬦ᭄ᬢᭀᬤᭀᬤᭀᬬ᭠
ᬦ᭄᭞ᬳ᭄ᬚᬶᬫᬾᬓᬮᬦᬶᬂᬯ᭄ᬗᬶ᭞ᬧᬤᬵᬗᬶᬲᭂᬧ᭄ᬲᬭᬶᬦ᭄ᬱ᭄ᬓᬃ᭟ᬳᬧᬦ᭄ᬮᬶᬗ᭄ᬕᬄᬤᬶᬲᬶᬲᬶᬫᬢᬾᬫ᭄ᬩᭀᬓ᭄‌ᬧᬸᬢᬶᬄ᭞ᬢ᭄ᬕᭂᬄᬗᬯᬂᬗᬯᬂᬓᭀᬭᬶᬫᬩᬾᬮᬸᬫᬓᬜ᭄ᬘᬶᬂ᭞ᬳᬸᬫᬄᬤᬶᬧᬸᬗ᭄ᬓᬸᬭᬶᬂᬢᬫᬦ᭄᭟ᬧᬂ᭟ᬤᬶᬚᬩᬦ᭄ᬢᬫᬦᬾᬮᬗᬵᬫᬶᬲᬶᬢᬗ᭄ᬲᬶᬢᭀᬗᭀᬲ᭄ᬳᬦᬓ᭄ᬫᬓ᭄ᬫᬶᬢ᭄᭞ᬫ
ᬳᬶᬍᬳᬦ᭄ᬓᬗᬶᬦ᭄ᬓᬯᬸᬄᬢᬸᬓᬤ᭄ᬮᬶᬗ᭄ᬕᬄᬳᬗ᭄ᬮᬸᬦᬂ᭞ᬓᬓᬬᭀᬦᬦ᭄ᬫᬚᬚᬃᬚᬚᬃᬫᬗᬺᬫ᭄ᬩᬸᬦ᭄᭞ᬢᬗ᭄ᬕᬸᬮᬶᬕᭂᬦ᭄ᬤᬶᬂᬳᬗ᭄ᬲᬡ᭄ᬦ᭞ᬓ᭄ᬦᬭᬶᬮᬦ᭄ᬓᬬᬸᬢᬗᬶ᭟ᬮᬾᬦ᭄ᬩ᭄ᬯᬶᬦ᭄ᬤᬶᬧᬲᬗ᭄ᬕ᭄ᬭᬳᬦ᭄᭞ᬳᬤᬓᬦ᭄ᬢᭀᬃᬗᬸᬗᬂᬲᬤᬵᬤᬶᬲᬶᬲᬶ᭞ᬕᬦ᭄ᬳ᭄ᬳᬶᬤᬘᭀᬓᭀᬃᬭᬢᬸᬫᬜᬶᬗᬓ᭄ᬧᬢᬶᬄᬭᬢ᭄ᬣ᭞ᬗᬸᬭᬸ