Page:Bali-lontar-gaguritan-cokoratu-02-250ppi.pdf/15

From Wikisource
Jump to navigation Jump to search
This page has been proofread.

[᭑᭔ 14 B]
᭑᭔
ᬦ᭄ᬢᬶᬓ᭄᭟ᬧᬋᬓᬦᬾᬚᬦᬶᬳᬗ᭄ᬕᭀᬦ᭄ᬧᬗᭂᬫ᭄ᬧᬳᬦ᭄᭞ᬕ᭄ᬥᭂᬕ᭄ᬫᬗᬸᬭᬶᬂᬋᬗᬸᬗ᭄ᬕᬳᬾᬫ᭄ᬮᬄ᭞ᬩᬩᬭᭀᬲᬸᬲ᭄ᬬᬄᬩᬸᬬᬃᬜᭀᬗ᭄ᬓᬶᬓ᭄ᬤᬶᬢᬸᬦ᭄ᬤᬕᬾᬦᭀᬮᬶᬄᬦᬸᬦ᭄ᬤᬾᬦ᭄ᬧᬋᬓᬦ᭄‌ᬗ᭄ᬜᬶᬢ᭄ᬭᭀᬓᭀᬮᬸᬢ᭄ᬚᭂᬗᬶᬲ᭄᭟ᬢᬸᬤᬾᬅ᭄ᬳᭀᬓᬵᬢ᭄ᬓᬾᬦ᭄ᬱ᭄ᬩᭂᬂᬘᬾᬱ᭄ᬝᬵᬓᬭᬵ᭞
ᬜᬭᬸᬜᬭᬸᬗ᭄ᬮᬶᬬᬢᬶᬦ᭄‌ᬓ᭄ᬥᬶᬲ᭄ᬱᬕᬾᬢ᭄ᬓ᭞ᬳᬶᬕᬕᬃᬜᭀᬗ᭄ᬓᭀᬓ᭄ᬜᬸᬫ᭄ᬩᬄᬩᬋᬂᬓᬾᬦᬵᬳᬶᬲᬋᬧᬢᬶ᭞ᬲᬸᬩᬫᬧᬬᬲ᭄‌ᬳᬶᬘᬧᬗᬦ᭄ᬤᬶᬓᬵᬭᬶᬲ᭄᭟ᬕᬕᬫᬬᬂᬓ᭄ᬫᬳᬶᬩᬫᬦᬸᬳᬸᬦᬂ᭞ᬫᬫᬲ᭄ᬓᬮᬯᬦ᭄ᬩᭂᬤᬶᬮ᭄‌ᬳᬶᬗᬦ᭄ᬧ᭄ᬝᬂᬤᬰᬵᬩᬦᬾᬳᭀᬜᬗᬂ᭞ᬚᬭ
ᬦ᭄ᬤᬤ᭄ᬯᬧᬓᬓᬲᬶᬦ᭄‌ᬳᬶᬓ᭄ᬧᭂᬢ᭄ᬘᬶᬡ᭄ᬦ᭞ᬢ᭄ᬓᬾᬦ᭄ᬳᬶᬮᬾᬕᭀᬂᬚᬯᬶ᭟ᬕᬕᬃᬫᬬᬂᬜᬸᬫ᭄ᬩᬄᬮᬯᬸᬢ᭄ᬗᬚᬩᬬᬂ᭞ᬗᬯᬸᬓᬶᬦ᭄ᬢᬶᬫ᭄ᬧᬮ᭄ᬱᬫᬶᬗᬶᬗᭂᬢᬶᬦ᭄ᬳᬫᭀᬗᬦ᭄᭞ᬲᬂᬓᬮᬶᬄᬲᬫ᭄ᬧᬸᬦ᭄ᬫᬬ᭄ᬬᬲ᭄ᬫᬓᬫ᭄ᬩᭂᬦ᭄ᬕᬕᬸᬮᬸᬂᬢᬗᬶ᭞ᬧᬢᬸᬄᬗᬸᬮᬾᬮᬫ᭄‌ᬢ᭄ᬧᬶᬘᬦ᭄ᬤᬦᬵᬓᬯᬶ᭟ᬫᬩᬩᬲᬅ᭄ᬩᬢᬶ
ᬓ᭄ᬧᬸᬢᬶᬄᬓᭂᬫ᭄ᬩᬂᬘᬶᬦᬵ᭞ᬕᬾᬫ᭄ᬧᬾᬮ᭄ᬫᬧ᭄ᬭᬤᬵᬳᬮᬶᬫ᭄᭞ᬫᬓᬸᬮᬫ᭄ᬩᬶᬳᬤᬂᬫᬲᬸᬮᬫ᭄ᬤᬶᬧᬕ᭄ᬮᬗᬦ᭄‌ᬫᬫᭀᬤ᭄ᬭᬾᬳᬶᬦ᭄ᬢᭂᬦ᭄ᬧᬓ᭄ᬭᬶᬦᬶᬂ᭞ᬫᬩᬶᬦ᭄ᬢᬂᬩ᭄ᬲᬃᬫᬲᭀᬘᬵᬫᬸᬭᬸᬩ᭄‌ᬗᭂᬦ᭄ᬤᬶᬄ᭟ᬜ᭄ᬭᬓ᭄ᬳᬸᬤᭂᬂᬕᬕᬸᬮᬸᬂᬤᬤᬸᬫᬧ᭄ᬭᬤ᭞ᬫᬧᬶᬮᬧᬶᬮᬦᬾᬘ᭄ᬧᬶᬂᬧᬳᬸᬢ᭄ᬫᬓᭂᬤᬤ᭄ᬯ᭞ᬘᬘᬸ
[᭑᭕ 15 A]
ᬦ᭄ᬤᬸᬓ᭄ᬳᬾᬃᬫ᭄ᬩᬯᬳ᭄ᬫᬲ᭄‌ᬓᬢᬸᬢ᭄ᬤᭀᬦ᭄‌ᬢ᭄ᬓᬫᬦ᭄ᬢᭂᬲᬶ᭞ᬗᬶᬮᭀᬫᬫ᭄ᬓᭂᬧᬤᬲᬮᬶᬂᬧᬭᬲᬶᬦ᭄᭟ᬢᬸᬤᬾᬓ᭄ᬳᭀᬓᬵᬓ᭄ᬜᭂᬫᬦᭀᬮᬶᬄᬧᬋᬓᬦ᭄᭞ᬩᬶᬄᬩ᭄ᬘᬢ᭄ᬜᭂᬫᬓ᭄ᬍᬗᬶᬲ᭄‌ᬳᬶᬰᬃᬫᬦ᭄ᬗᬢᬸᬭᬂ᭞ᬲ᭄ᬢᬫ᭄ᬩᬸᬮ᭄ᬫᬯᬄᬳᬫ᭄ᬩᬃᬫᬭᬢᬸᬲ᭄‌ᬚ᭄ᬩᬤ᭄ᬓᬲ᭄ᬢᬸᬭᬶ᭞ᬲᬸᬩᬫᬳᬸᬲᬧ᭄ᬧᬤᬲᬮᬶᬂ
ᬳᬸᬲᬶᬧᬶᬦ᭄᭟ᬢᬸᬤᬾᬅ᭄ᬳᭀᬓᬵᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓᬵ᭞ᬢᬸᬤᬾᬅ᭄ᬫᬵᬦᬕᬶᬄᬫᬧᬫᬶᬢ᭄‌ᬳᬶᬧᬱᬫᬗ᭄ᬕᬸᬢᬦ᭄᭞ᬫᬫᬃᬕᬶᬫᬩᬭᬗᬦ᭄‌ᬩᬸᬓᬓᭂᬫ᭄ᬩᬭᬾᬤᬶᬢᬸᬮᬶᬲ᭄᭞ᬚᬚᬼᬕ᭄ᬳᬲᬄᬢᬾᬓᭀᬃᬤ᭄ᬯᬤᬲᬗᬶᬭᬶᬂ᭟ᬳᬶᬯᭀᬂᬚ᭄ᬭᭀᬧᬤᬩᬶᬦ᭄ᬤᭂᬕᬶᬭᬬᬲᬦ᭄᭞ᬳ
ᬤᬵᬫᬦᬕᬶᬄᬗᬶᬭᬶᬂᬮ᭄ᬯᬲ᭄ᬓᬫᬥᬸᬭᬵ᭞ᬲ᭄ᬩᭂᬗᬾᬦᬕᬶᬄᬳᬚᬓ᭄᭞ᬳᬢᬧ᭄ᬤᬶᬭᬸᬭᬸᬗᬾᬗᬦ᭄ᬢᬶᬫᬗᬗ᭄ᬕᬶᬢ᭄ᬩᬸᬗᬵ᭞ᬳᬤᬫᬲ᭄ᬩᭂᬂᬲ᭄ᬥᬶᬄ᭟ᬳᬦᬓᬕᬸᬂᬕ᭄ᬥᬾᬭᬳᬶᬕ᭄ᬥᬾᬳᭀᬓᬵ᭞ᬢ᭄ᬯᬭᬲ᭄ᬳᭂᬫ᭄ᬜᬶᬗᬓᬶᬦ᭄‌ᬲᭀᬭᭀᬄᬦᬾᬓᬲ᭄ᬫᬭᬦ᭄᭞ᬲᭀᬓ᭄ᬳᬶᬧᬓ᭄ᬱᬶᬳᬶᬧᬓ᭄ᬱᭂᬗᬩᭂᬧᬘ
ᬦᬗᬦ᭄ᬳᬰ᭄ᬭᬶ᭞ᬫᬩᬸᬘᬸᬳ᭄ᬫᬲ᭄‌ᬧᭀᬮᬾᬂᬧᬶᬤᬤᬳᬮᬶᬫ᭄᭟ᬲᬶᬭᬳᭂᬚᬶᬂᬬᬲ᭄ᬫᬭᬧᬸᬭᬳᬓᬮ᭄ᬬᬦ᭄᭞ᬧ᭄ᬭᬧ᭄ᬝᬲᬂᬯᬶᬭᬓᬮᬶᬄᬫᭂᬦ᭄ᬤᭂᬓ᭄ᬳᬯᭀᬢ᭄ᬱ᭄ᬓᬃ᭞ᬓᬶᬦᬾᬦ᭄ᬲᬫᬮᬶᬗ᭄ᬕᬶᬳᭂ᭞ᬯᬶᬦ᭄ᬓᬲ᭄ᬯᭂᬓᬲᬦ᭄ᬓᬮᬶᬄᬢ᭄ᬣᬫᬗ᭄ᬓᬢ᭄ᬣ᭞ᬳᬫᬶᬢ᭄ᬱᬂᬯᬶᬭᬓᬮᬶᬄ᭟ᬲᬭᬯᬸᬳᬾᬤᬶ