Page:Bali-lontar-gaguritan-cokoratu-02-250ppi.pdf/13

From Wikisource
Jump to navigation Jump to search
This page has been proofread.

[᭑᭒ 12 B]
᭑᭒
ᬦ᭄ᬫᬦᬸᬱᬵᬩᬬᬲᬂᬳ᭄ᬬᬂᬲᬸᬭᬦᬢ᭄ᬣᬫᬳᬶᬢ᭄ᬥᬸᬦ᭄᭞ᬩᬋᬂᬓᬾᬦ᭄ᬳᬲ᭄ᬯᬶᬦᭀᬤᬾᬯ᭄ᬯ᭞ᬲᬗ᭄ᬓᬦ᭄ᬩᬕᬸᬲᬾᬢᬦ᭄ᬱᬶᬧᬶ᭟ᬓᭀᬭᬢᬸᬳᬾᬗ᭄ᬕᬮᬦ᭄ᬜᬧ᭞ᬳᬶᬗ᭄ᬕᬶᬄᬧ᭄ᬭᬦ᭄ᬤᬵᬚᬕᭂᬓ᭄ᬚᭂᬦᬾᬫᬗ᭄ᬓᬶᬦ᭄᭞ᬳᬯᬦᬦ᭄ᬫᬗᬤᭂᬕ᭄ᬫᬗᬸᬧᬤᬦ᭄ᬤᬭᬭᬶᬲ᭄ᬩᬩᬂ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬭᬢᬸ
ᬜᬤ᭄ᬬᬚᬕᬶᬦᬸᬳᬸᬃ᭞ᬲ᭄ᬓᬮᬶᬄᬢᬶᬢ᭄ᬬᬂᬦᬸᬦᬲᬂᬧᬸᬦᬧᬶᬮᬶᬗ᭄ᬕᬶᬄ᭟ᬕᬸᬲ᭄ᬢᬶᬧᬢᬶᬄᬫᬦ᭄ᬤᬸᬯᬕᭂᬦᬸᬢᬸᬃᬳᬢᬸᬭᬾᬗᬲᬶᬳᬰᬶᬄ᭞ᬭᬢᬸᬢ᭄ᬬᬂᬦᬯᭂᬕ᭄ᬦᬸᬢᬸᬃᬦᬸᬦᬲ᭄‌ᬗ᭄ᬭᬭᬶᬲ᭄ᬫᬦ᭄ᬢᬸᬓᬦ᭄᭞ᬘᭀᬓᭀᬃᬭᬢᬸᬜᬳᬸᬭᬶᬦ᭄ᬫᬢ᭄ᬭᬸᬄᬚᬸᬭᬸᬄ᭞ᬳᭀᬗᬸᬤ᭄ᬬᬂᬢ᭄ᬬᬂᬫᬸᬮ᭄ᬬ
ᬦ᭄ᬕᬸᬲ᭄ᬢᬶᬧᬢᬶᬄᬫᬢᬸᬃᬳᬭᬶᬲ᭄᭟ᬭᬢᬸᬯᬾᬦ᭄ᬢᭂᬦ᭄ᬕᬸᬲ᭄ᬢᬶᬦ᭄ᬢᬶᬢ᭄ᬬᬂᬤ᭄ᬥᬓᬦ᭄ᬢᬓ᭄ᬓᭂᬭᬢᬸᬲᬓᬶᬂᬳᬶᬦᬸᬦᬶ᭞ᬓᬮᬶᬄᬯᬾᬦ᭄ᬢᭂᬦ᭄ᬱᬩ᭄ᬥᬦ᭄‌ᬢ᭄ᬦᬸᬘᭀᬓᭀᬃᬭᬢᬸᬜᬶᬤᬲᬂ᭞ᬘᭀᬓᭀᬃᬭᬢᬸᬜᬳᬸᬭᬶᬦ᭄ᬳᬲ᭄ᬫᬸᬕᬸᬬᬸ᭞ᬳᬄᬢ᭄ᬬᬂᬦᬾᬦ᭄ᬢᭂᬦ᭄ᬚᭂᬩᬮ᭄ᬬᬦ᭄᭞ᬧᬤᬦ᭄ᬤᬫᬶᬲ᭄ᬋᬂᬕᬢᬶ᭟ᬮᬸᬢ᭄ᬫᬫᬃ
ᬕᬶᬗᬧᬸᬭᬶᬬᬂᬳᬲᬓ᭄ᬱᬡᬭᬯᬸᬄᬭᬶᬂᬢᬫᬦ᭄‌ᬕ᭄ᬮᬶᬲ᭄᭞ᬳ᭄ᬮᬶᬗᬾᬩ᭄ᬯᬶᬦ᭄ᬫᬢᬸᬯᬸᬲᬂᬧ᭄ᬭᬪᬸᬓᬳᬦ᭄ᬢᬓᬵ᭞ᬫᬩ᭄ᬬᬢᬸᬯᬦ᭄ᬲᬕᬾᬢᬦ᭄ᬧᬤᬦ᭄ᬤᬭᬯᬸᬄᬗᬶᬭᬶᬂᬓᭀᬭᬢᬸᬢᬸᬗᬸᬭᬄ᭞ᬫᬗ᭄ᬭᬭᬶᬲ᭄ᬭᬶᬂᬲᬗ᭄ᬓᬧᬢᬶ᭟ᬓᭀᬭᬢᬸᬳ᭄ᬤᬾᬂᬗᬦ᭄ᬤᬶᬓᬵ᭞ᬚᬸᬳᬸᬓᬾᬳᬶᬤᭀᬓ᭄ᬗᬢᬸ
[᭑᭓ 13 A]
ᬭᬂᬕ᭄ᬮᬶᬲ᭄᭞ᬓᭀᬭᬢᬸᬗᬲ᭄ᬢ᭄ᬭᬾᬦᬶᬦ᭄ᬱᬫ᭄ᬧᬸᬦ᭄ᬓᬮᬶᬲ᭄ᬢᬗ᭄ᬓᬧᬾᬢᬫᬵ᭞ᬮᬸᬢ᭄ᬗᬦ᭄ᬤᬶᬓᬵᬦᬶᬓᬶᬚᬵᬳᬶᬦ᭄ᬤᬬᬂᬤᬸᬫᬸᬦ᭄᭞ᬳᬗ᭄ᬕᬾᬦ᭄ᬫᭂᬘᭂᬮ᭄ᬫᬓᬭᬕ᭄ᬕᬵ᭞ᬭᬭᬶᬲᬂᬘᬗ᭄ᬓᭂᬫ᭄ᬧᭂᬲᭂᬗᬶᬦ᭄᭟ᬕ᭄ᬮᬶᬲᬫ᭄ᬧᬸᬦ᭄ᬓᬢ᭄ᬭᬯᬂ᭞ᬳᬲᬓ᭄ᬱᬡ᭄ᬦᬲᬕᬾᬢ᭄ᬱᬸᬩᭂᬫᬯᬮᬶ᭞ᬧᬺᬫᬡ᭄ᬦᬦ᭄ᬳᬶᬤᬲᬂᬗ᭄ᬓᬦ᭄ᬢᬸᬳᬗᬮ᭄ᬬ
ᬩ᭄‌ᬫ᭄ᬤᭂᬓᭂᬲᬦ᭄ᬮᬸᬢ᭄ᬫᬢᬗᬶᬲ᭄ᬩᭂᬗᬾᬓᬧᬸᬗᬸᬦ᭄ᬧᬸᬗᬸᬦ᭄᭞ᬗᬦ᭄ᬤᬶᬓᬵᬦᬾᬳᬦᬓ᭄ᬗᬸᬤᬵᬲᬗ᭄ᬓᬅ᭄‌ᬢ᭄ᬩᭂᬂᬕᬢᬶᬕᬢᬶ᭟ᬕ᭄ᬮᬶᬲ᭄ᬫᬳᬢᬸᬃᬧᬤᬦ᭄ᬤᬗᬸᬦᬶᬗᬬᬂᬓᬦ᭄ᬤᬵᬲᬦᬾᬳᬶᬦᬸᬦᬶ᭞ᬭᬚᬾᬂᬫᬥᬸᬭᬵᬓᬯᬸᬯᬸᬲ᭄‌ᬳᬾᬮᬶᬂᬲᬓᬶᬂᬓᬦ᭄ᬢᬓᬵ᭞ᬕᬸᬲ᭄ᬢᬶᬧᬢᬶᬄᬢ᭄ᬓᬗᬸᬦᬶᬗᬬᬂᬫᬢᬸᬃ
᭞ᬤ᭄ᬥᬵᬭᬳᬶᬦ᭄ᬘᭀᬓᭀᬃᬳᬶᬤᬾᬯ᭄ᬯᬵ᭞ᬳᬾᬮᬶᬂᬲᬫ᭄ᬧᬸᬦ᭄ᬤᬤᭀᬲ᭄‌ᬫ᭄ᬮᬶᬗ᭄ᬕᬶᬄ᭟ᬭᬚᬾᬂᬫᬥᬸᬭᬵᬲ᭄ᬫᬸᬓᬕ᭄ᬬᬢ᭄᭞ᬮᬸᬢ᭄ᬫᬢᬗᬶᬕ᭄ᬮᬶᬲ᭄ᬭᬭᬶᬲ᭄‌ᬜ᭄ᬚᬕ᭄ᬚᬕᬶᬦ᭄᭞ᬲᬫ᭄ᬩᬶᬮ᭄ᬫᬗᬦ᭄ᬤᬶᬓᬵᬳᬮᬸᬲ᭄ᬳᭂᬜᬾᬦ᭄ᬱ᭄ᬯᬾᬘ᭄ᬘᭂᬫᬜᬸᬧᬢ᭄᭞ᬲᬸᬩᬭᬯᬸᬄᬭᬶᬂᬮᬶᬗ᭄ᬕᬶᬄᬳᬶᬤᬵᬲᬂᬓᬦ᭄ᬢᬸ᭞ᬳᬤᬵᬳᬦᬓ᭄ᬤᬤ᭄ᬯ
ᬍᬄᬩᬕᬸᬲᬾᬢ᭄ᬯᬭᬵᬤᬦᬦ᭄ᬤᬶᬗᬶᬦ᭄᭟ᬧᬤᬦ᭄ᬤᬮᬸᬢ᭄ᬫᭂᬧᭂᬲᬗ᭄ᬕᬵ᭞ᬫᬢᬸᬃᬭᬭᬶᬲ᭄ᬳᬶᬗ᭄ᬕᬶᬄᬭᬢᬸᬧᬸᬦᬶᬓᬶ᭞ᬗᬢᬸᬭᬂᬢᬫ᭄ᬩᭂᬤᬾᬯᬕᬸᬂᬭᬚᬾᬂᬫᬥᬸᬭᬵᬜ᭄ᬫᬓ᭄ᬫᬓᭂᬤᬤ᭄ᬯ᭞ᬓᬕ᭄ᬮᬸᬢ᭄‌ᬓᬳᬸᬓᬸᬢ᭄ᬳᬸᬓᬸᬢ᭄᭞ᬢ᭄ᬬᬂᬫᬦᬯᬸᬃᬓᬲᬫᬵ᭞ᬳᬶᬤ᭄ᬥᬵᬗᬤᭂᬕ᭄ᬭᬢᬸᬤᬶᬦᬶ᭟ᬚᬮᬦ᭄ᬫᬸᬮᬶᬄᬢ᭄ᬬᬂᬧ