[᭑᭒᭗ 127 B]
᭑᭒᭗
ᬢ᭄ᬬᬂᬩ᭄ᬬᬦᬗᬫᬄᬳᬶᬓᬘᬶᬬᬮ᭄ᬳᭂᬗ᭄ᬓᭂᬮ᭄ᬗᭂᬤᬾᬓᬶᬦ᭄᭟ᬮᬳᬸᬢ᭄ᬲᬫ᭄ᬩᬶᬮᬂᬗᬋᬧᬂᬳᬭᬄᬫᬃᬕᬶᬄᬫ᭄ᬩᭀᬓ᭄ᬳᬾᬗ᭄ᬕᬮ᭄ᬳᬾᬗ᭄ᬕᬮ᭄ᬕᬢᬶᬫᬚᬮᬦ᭄ᬧᬤᬫ᭄ᬩ᭄ᬭᬶᬬᬸᬓ᭄ᬦᬗᬶᬂᬦᬸᬓᬧᬸᬧᬸᬗᬦ᭄ᬢ᭄ᬓᬤᬶᬩᬮᬾᬫᬲ᭄ᬜᬍᬗ᭄ᬓᭂᬂᬧᬚᬸᬚᬸ
ᬓ᭄ᬳᬶᬓᬘᬶᬬᬮ᭄ᬫᬢᬸᬃᬜᬸᬫ᭄ᬩᬄᬧᬸᬦᬶᬓᬶᬲᬫᬶᬳᬸᬲ᭄ᬧ᭄ᬭᬧ᭄ᬢᬶ᭟ᬳᬶᬤ᭄ᬯᬕᬸᬂᬧᬸᬢ᭄ᬭᬗᬦ᭄ᬤᬶᬓᬵᬦᬄᬢᬸᬦ᭄ᬤᬾᬦᬂᬬᬧᬤᬗ᭄ᬮᬳᬸᬢ᭄ᬫᬳᬶᬳᬶᬘᬶᬬᬮ᭄ᬫᬫᬸᬜᬶᬳᬮᬸᬲ᭄ᬗ᭄ᬕᬶᬄᬧᬤᬵᬫ᭄ᬦᬾᬓᬦ᭄ᬦᬾᬮᬮᬶᬫᬵᬫᭂᬦ᭄ᬤᭂᬧ᭄ᬦᬕᬶᬄᬦᬸᬫᬚᬸᬚᬸᬓ᭄
ᬢ᭄ᬯᬭᬦᬯᬂᬧᬯᬶᬮᬂᬗᬦ᭄ᬳᬶᬓᬘ᭄ᬬᬮ᭄ᬫᬢᬸᬃᬕ᭄ᬮᬶᬲ᭄᭟ᬓᬳᬸᬮᬜ᭄ᬘᭀᬓᭀᬃᬳᬶᬤᬾᬯᬵᬧᬸᬧᬸᬗᭂᬦ᭄ᬩᬗᭂᬢ᭄ᬧᬶᬲᬦ᭄ᬧᬸᬦᬶᬓᬶᬳᬶᬤ᭄ᬯᬕᬸᬂᬫᬗ᭄ᬭᬭᬶᬲ᭄ᬢᭂᬤᬸᬦ᭄ᬓ᭄ᬜᭂᬫ᭄ᬜᭂᬜᭂᬃᬗᬦ᭄ᬤᬶᬓᬵᬫᬳᬶᬫᬮᬸᬫᬓ᭄ᬚᬂᬧᬤᬫᬕ᭄ᬮᬸᬢ᭄ᬫ
ᬢᬶᬫ᭄ᬩᬮ᭄ᬫᬳᬭᬲ᭄ᬳᬭᬲᬦ᭄ᬮᬸᬢ᭄ᬣᬳᬶᬗᭂᬢ᭄ᬜᭀᬗ᭄ᬓᭀᬓ᭄ᬲᬫᬶ᭟ᬳᬶᬤ᭄ᬯᬕᬸᬂᬓ᭄ᬜᭂᬫ᭄ᬗᬦ᭄ᬤᬶᬓᬵᬫᬳᬶᬫ᭄ᬦᬾᬓ᭄ᬢᭀᬗᭀᬲᬶᬦ᭄ᬓᬳᬶᬤᬶᬦᬶᬦᬾ ᬮᬮᬶᬫᬵᬚᭂᬚᭂᬄᬳᬾᬫᬸᬧᬸᬢ᭄ᬫᬲᬶᬄᬧᬤᬦᬸᬂᬓᬲᬂᬲᬸᬩᬫ᭄ᬦᬾᬓ᭄ᬫᬚ
[᭑᭒᭘ 128 A]
ᬮᬦ᭄ᬳᬶᬧᬸᬦ᭄ᬫᬩ᭄ᬭᬶᬬᬸᬓ᭄ᬜᭀᬗ᭄ᬓᭀᬓ᭄ᬤᬶᬳᬋᬧᬦ᭄ᬳᬸᬦ᭄ᬤᬕ᭄ᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬳᬭᬶᬲ᭄᭟ᬩᬶᬄᬫᬳᬶᬧᬤᬧᬳᭂᬓᬂᬤ᭄ᬱᭂᬓᬳᬶᬦᬾᬮᬮᬶᬫᬵᬲᭂᬫᬸᬚ᭄ᬭᬶᬄᬫ᭄ᬧᭂᬲ᭄ᬬᬧᬤᬫᬗᬸᬦ᭄ᬢᬸᬓ᭄ᬩᬬᬸᬦ᭄ᬜᬦᬾᬗᬢᬸᬕ᭄ᬢᬕ᭄ᬳᬶᬤᬾᬯᬕᬸᬂᬲ᭄ᬋᬂ
ᬗᬦ᭄ᬤᬶᬓᬬᬂᬳᬶᬧᬸᬦ᭄ᬓᬶᬲᭂᬮ᭄ᬧᬤᬵᬫᬓ᭄ᬭᬶᬯᭂᬤᬦ᭄ᬳᬶᬤ᭄ᬯᬕᬸᬂᬗᭂᬤᭂᬂᬫᬗ᭄ᬭᬭᬶᬲ᭄᭟ᬫ᭄ᬤᭂᬫᬂᬫᬓᬮᬮᬶᬫᬵᬯᬶᬭᬾᬄᬚᬤ᭄ᬫᬵᬦᬸᬫᬓᭂᬦᭂᬄᬘ᭄ᬦᬶᬓ᭄ᬧᬶᬂᬓᬮᬶᬄᬓᭂᬜᭂᬓᬦ᭄ᬩᬮᬸᬜᬸᬄᬮᬸᬤᬶᬦᬸᬓᬧᬸᬧᬸᬗᬦ᭄ᬳᬶᬤᬾᬯᬕᬸᬂᬲᬶᬋᬧ᭄ᬳᬤᬤ
ᬯᬸᬄᬧᬶᬢᬸᬦᬾᬮᬮᬶᬫᬵᬳᭂᬦ᭄ᬢᭂᬦ᭄ᬫᬓᭂᬲ᭄ᬬᬩ᭄ᬫᬗᬸᬤ᭄ᬥᬶᬩᬗᬸᬦ᭄ᬢᭀᬂᬩᬦᬶ᭟ᬤᬾᬦᬶᬂᬫᬢᭂᬢᭂᬄᬫᬓ᭄ᬚᬂᬳᬤᬲᭂᬗ᭄ᬓᬸᬳᬸᬩ᭄ᬳᬤᬩᭀᬓ᭄ᬫᬢᭂᬢᭂᬳᬶᬦ᭄ᬮᬾᬦ᭄ᬳᬤᬵᬢᬸᬦ᭄ᬤᬸᬦ᭄ᬫᬕ᭄ᬮᬸᬢ᭄ᬢᭀᬓ᭄ᬭᬡ᭄ᬦᬢᬓᬸᬢ᭄ᬧᬶᬲᬦ᭄ᬫᬓᬶᬲᭂᬮᬦ᭄ᬳᬶᬤ᭄ᬯᬕᬸᬂᬳᬾᬦ
ᬓ᭄ᬫᬢᬸᬭᬸᬦᬾᬮᬮᬶᬫᬵᬳᬶᬩᬸᬓ᭄ᬚᭂᬗᬄᬢᬦ᭄ᬓᭀᬘᬧᬶᬦᬄᬢ᭄ᬗᬳᬶ᭟ᬭᬚᬧᬸᬢ᭄ᬭᬘᬭᬶᬢᬬᬂᬲᬸᬩᬫᬸᬗᬸᬳᬶᬤᭀᬤᭀᬗᬦ᭄ᬤᬶᬓᬵᬳᬭᬶᬲ᭄ᬬᬾᬓᬶᬚᬲᬾᬳᬶᬤ᭄ᬯᬕᬸᬂᬓᬮᬶᬳᬧᬵᬫᬓᬳᬤ᭄ᬳᬦᬓᬕᬸᬂᬩᬕᬸᬲ᭄ᬭᬳᬶᬦᬶ
Page:Bali-lontar-gaguritan-cokoratu-02-250ppi.pdf/128
Jump to navigation
Jump to search
This page has been proofread.
