[᭙ 9 B]
᭙
ᬦᬸᬧᬤᬵᬘ᭄ᬦᬶᬓ᭄ᬘᭂᬦᬶᬓ᭄ᬲᬯᬢ᭄ᬣᬭᬧᬶᬢᬸᬂᬗᬢᬸᬲ᭄᭞ᬳᬶᬓ᭄ᬘᬧ᭄ᬭᬫᬸᬓ᭞ᬳᬶᬕᬗ᭄ᬲᬶᬂᬳᬶᬭᬗ᭄ᬲᬂᬢᬭᬶᬂ᭞ᬧᬤᬵᬢ᭄ᬓᬤᬶᬦᬢᬳᬾᬦ᭄ᬕᬓ᭄ᬳᬢᬧ᭄᭟ᬭᬢᬸᬘᬶᬗᬓᬶᬦ᭄ᬧᬸᬦᬶᬓᬧᬋᬓᬦ᭄ᬤᬸᬯᬾᬦᬾᬲᬫᬶ᭞ᬢᬶᬢ᭄ᬬᬂᬯᬦ᭄ᬢᬄᬫᬗᬢᬸᬭᬂ᭞ᬫᬗ᭄ᬤᬾᬫᬋᬓᬦ᭄ᬫᬗᬶᬭᬶᬂ᭞ᬘᭀᬓᭀᬃᬭᬢᬸᬳᬶᬭᬶᬓᬶᬫᬫᭂᬂᬳᬫᭂᬂᬭᬢᬸᬤ᭄ᬯ
ᬕᬸᬂ᭞ᬳᬶᬓ᭄ᬘᬧᬺᬦᬸᬦᬲᬂᬳᬚᬶᬅ᭄᭞ᬲᬧᬲᬶᬭᬦᬶᬓᬶ᭞ᬢᬸᬫ᭄ᬩᬾᬦ᭄ᬭᬯᬸᬄᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂᬧᬸᬗ᭄ᬓᬸᬭᬦ᭄᭟ᬧᬂ᭟ᬦᬄᬚᬦᬶᬳᬶᬭᬦᬸᬢᬸᬭᬂᬢ᭄ᬓᬾᬦ᭄ᬘᬳᬶᬤᬶᬗᭂᬳᬂᬧᬤᬵᬤᬶᬦᬶ᭞ᬳᬧᬂᬘᬳᬶᬧᬤᬵᬢᬳᬸᬢ᭄ᬓᬾᬦ᭄ᬧᬸᬃᬯ᭄ᬯᬓᬦ᭄ᬤᬜ᭞ᬳᬤᬵᬋᬓᭀᬓᬮᬵᬲᬸᬤᬸᬢ᭄ᬣᬦᬾᬓᬲᬸᬩ᭄᭞ᬳᭂᬦ᭄ᬢᭀᬬ᭄ᬬᬫᬗ᭄ᬩᬸᬭᬂᬭᬚᬧᬸ
ᬢᬺᬭᬚᬧᬸᬢ᭄ᬭᬶ᭟ᬳᬶᬭᬜᬗ᭄ᬓᬮᬾᬦ᭄ᬤᬶᬚᬮᬦ᭄᭞ᬫᬜᬶᬬᬢᬶᬦ᭄ᬕᬮᬓ᭄ᬜᬦᬾᬢᬦ᭄ᬲᬶᬧᬶᬩᬩᬦ᭄ᬤᬭᬦ᭄ᬜᬦᬾᬮᬩᬸᬄᬫᬸᬮᬶᬄᬫᬫᬸᬭᬂᬫᬸᬭᬂ᭞ᬓ᭄ᬭᬡᬩᬓᬢ᭄ᬳᬶᬤᬾᬯᬕᬸᬂᬧᬸᬢᬺᬳᬕᬸᬂ᭞ᬳᬭᬶᬦ᭄ᬤᭂᬘᭀᬓᭀᬃᬥᬵᬗᬸᬭᬄᬕᬕ᭄ᬮᬂᬫᬮᬶᬗ᭄ᬕᬶᬄᬤᬶᬦᬶ᭟ᬳᬶᬲᬮᬶᬦ᭄ᬓ᭄ᬫᭂᬤᬩ᭄ᬤᬩᬂᬧᬗ᭄ᬯᬾᬤᬗᬦ᭄ᬳᬾᬗ᭄ᬕᬮᬂᬳᬩᭂᬫ
ᬳᬶ᭞ᬳᬬᬳᬶᬦ᭄ᬳᬶᬤᬵᬓᭀᬭᬢᬸᬓᬍᬲᭀᬦ᭄ᬳᬭᬶᬧ᭄ᬲᬶᬜ᭞ᬢᬶᬢ᭄ᬬᬂᬧᬫᬶᬢ᭄ᬚᬕᭂᬫ᭄ᬥᭂᬫ᭄ᬭᬢᬸᬤᬸᬫᬸᬦ᭄᭞ᬧᬸᬦᬶᬓᬶᬳᬶᬧᬸᬦ᭄ᬳᬶᬓ᭄ᬘᬧ᭄ᬗᬶᬭᬶᬂᬘᭀᬓᭀᬭᬢᬸᬳᬶᬭᬶᬓᬶ᭟ᬳᬶᬕᬗ᭄ᬲᬶᬃᬦᬸᬦ᭄ᬤᬾᬦ᭄ᬳᬶᬓ᭄ᬘᬧ᭄ᬳᬢᬸᬩᬕᬸᬲ᭄ᬳᬢᬸᬭᬂᬫᬮᬸᬦᬶᬓᬶ᭞ᬧᬲᬮᬶᬦᬾᬭᬶᬂᬓᭀᬭᬢᬸᬳᬶᬓ᭄ᬘᬧ᭄ᬮᬯᬸᬢ᭄ᬜᭂᬫᬓ᭄ᬲᬃᬯ᭄ᬯᬲᬸᬢ᭄ᬭᬢᬸᬃᬫᬯ
[᭑᭐ 10 A]
ᬤᬄᬓᬺᬤᬧ᭄ᬮᬸᬳᬸᬂ᭞ᬲᬸᬩᬧᬳᭂᬓ᭄ᬫᬗᬢᬸᬭᬂᬓᭀᬭᬢᬸᬓ᭄ᬜᭂᬫ᭄ᬜᬯᬸᬭᬶᬦ᭄᭟ᬤ᭄ᬧᬶᬦ᭄ᬚᭂᬦᬾᬳ᭄ᬦᬸᬫ᭄ᬮᬄᬫᬦᬶᬳᬧᬵᬳᬶᬓ᭄ᬘᬧ᭄ᬲ᭄ᬋᬂᬕᬢᬶ᭞ᬩᬳᬦᬾᬬᬍᬩᬶᬄᬘᬸᬫ᭄ᬧᬸᬜᬸᬲᬸᬧ᭄ᬓ᭄ᬢᭂᬤ᭄ᬓᬢ᭄ᬗᬄ᭞ᬭᬢᬸᬗᬸᬭᬄᬳᬶᬗ᭄ᬕᬶᬄᬫᬲᬮᬶᬦ᭄ᬤᬸᬫᬸᬦ᭄᭞ᬮᬫᬸᬦ᭄ᬢᭂᬦ᭄ᬢ᭄ᬬᬂᬘᬗ᭄ᬮᬸᬯᬲ᭄ᬳᬧᬗᭂᬲᬸᬳᬸᬂᬳᬶᬭᬶᬓᬶ᭟ᬫᬶᬲ᭄ᬋᬳᬂᬳᬚ
ᬓ᭄ᬫᬓ᭄ᬚᬂᬤᬤᬶᬢᬸᬢᬸᬢ᭄ᬳᬶᬤᬵᬲᬂᬯᬶᬭᬓᬮᬶᬄᬫᬮᬶᬄᬧᬤᬢᬼᬩ᭄ᬜᬸᬫ᭄ᬧᬸᬮᬳᬸᬢ᭄ᬳᬶᬤᬵᬲᬳ᭄ᬬᬲ᭄ᬲᬕᬾᬢ᭄ᬓᬧᬗ᭄ᬯᬾᬤᬗᬦ᭄ᬳᬰ᭄ᬭᬶᬮᬗᬸᬩᭀᬓᭀᬃᬳ᭄ᬫᬲ᭄ᬫᬵᬲᬲᭀᬘᬦ᭄᭞ᬋᬦ᭄ᬤᬂᬲᬓᬯᬦ᭄ᬫᬲ᭄ᬳᬤᬶ᭟ᬳᭂᬦ᭄ᬤᬶᬄᬫᬸᬭᬸᬩ᭄ᬫᬲᬲᭀᬘᬦ᭄ᬫᬢ᭄ᬭᬯᬂᬢᬸᬯᬶᬧᬕᬯᬾᬦ᭄ᬳᭂᬚᬶᬫ᭄᭞ᬓᭂᬫ᭄ᬧᬸᬦᬾᬗᬸᬮᬾᬮᬫ᭄ᬳᬮᬸᬲ᭄ᬧᬤᬓᬸᬦᬶᬂ
ᬗᬸᬭᬜᬩ᭄᭞ᬫᬶᬲᬶᬘᬯᬦ᭄ᬧᬢ᭄ᬧᬢ᭄ᬘ᭄ᬦᬶᬓᬸᬦᬶᬂᬮᬸᬫ᭄ᬮᬸᬫ᭄᭞ᬧᬯᬸᬢ᭄ᬓᬾᬦᬶᬂᬲᬶᬤᬸᬜᬓᭀᬃᬭᬢᬸᬕᬳᭀᬓ᭄ᬤᬶᬳᬢᬶ᭟ᬳᬶᬕᬗ᭄ᬱᬶᬃᬳᬚᬓ᭄ᬳᬶᬭ᭠ᬗ᭄ᬲᬂᬫᬗᬬᬳᬶᬦ᭄ᬳᬤᬫᬜ᭄ᬤᬸᬄᬓᭀᬧᬶ᭞ᬓᭀᬭᬢᬸᬫᬲᬯᬂᬫᬗᬸᬩᬸᬓᬵᬧᬸᬗᬸᬦ᭄ᬧᬸᬗᬸᬦ᭄᭞ᬤᬤᬶᬫᬢᬸᬃᬳᬶᬲ᭄ᬩᭂᬂᬫᬸᬜᬶᬦᬾᬳᬮᬸᬲ᭄᭞ᬳᬶᬗ᭄ᬕᬶᬄᬓᭀᬭᬢᬸ
ᬤᬸᬭᬸᬲᬂᬦᬄᬚᬮᬦ᭄ᬩᬋᬂᬫᬗᭀᬧᬶ᭟ᬳᬶᬓ᭄ᬘᬧ᭄ᬓᭀᬮᬶᬄᬦᬸᬦ᭄ᬤᬾᬦᬂᬜ᭄ᬭᬓ᭄ᬘᬯᬦ᭄ᬓᭂᬫ᭄ᬧᬸᬦᬾᬳᬩᭂᬫᬳᬶ᭞ᬗᬦ᭄ᬢ᭄ᬬᬂᬗᬶᬭᬶᬂᬘᭀᬓᭀᬃᬭᬢᬸᬤᬤᬶᬫ᭠ᬫᬸᬜᬶᬗᬫ᭄ᬧᬃ᭞ᬳᬭᬄᬍᬕ᭄ᬕᬢ᭄ᬬᬂᬫ᭄ᬩᬳᬦ᭄ᬳᬶᬤᬾᬯᬕᬸᬂ᭞ᬳᬲᬓ᭄ᬱᬡ᭄ᬦᬵᬲᬸᬩᬳᬸᬲᬦ᭄᭞ᬧᬧᬸᬦ᭄ᬤᬸᬢᬦ᭄ᬱᬸᬩᬗᬦ᭄ᬢᬶ᭟ᬢᬦ᭄ᬓᭀᬘᬧ᭄ᬱᬸᬩᬗᬬᬸᬦᬂᬫᬓᭂᬫ᭄ᬩᬸ
Page:Bali-lontar-gaguritan-cokoratu-02-250ppi.pdf/10
Jump to navigation
Jump to search
This page has been proofread.
