[᭑᭕ 15B]
᭑᭕
ᬚᬮᬦ᭄ᬤᬩ᭄ᬤᬩᬂᬚᬦᬶ᭟᭜᭟ᬧᬸᬧᬸᬄᬤᬗ᭄ᬤᬂ᭟᭜᭟ᬓᬯᬃᬡ᭄ᬦᬳᬶᬤᬭᬳᬤᬾᬦ᭄ᬤᬾᬯᬷ᭞ᬦᬾᬭᬶᬂᬤᬳ᭞ᬓᬮᬶᬄᬧ᭄ᬭᬫᬷᬰ᭄ᬯᬭ᭞ᬗᬕᬄᬓᬧᬸᬢᬦ᭄ᬢᭀᬕᭀᬕᬾ᭞ᬳᬶᬩᬬᬦ᭄ᬲᬗ᭄ᬳᬶᬢ᭄ᬕᭂᬮᬸ᭞ᬫᬗᭂᬦᭀ
ᬢᬂᬢᭀᬕᭀᬕᬾᬩᭂᬘᬶᬓ᭄᭞ᬳᬦ᭄ᬢᬸᬓᬦᬾᬫᬵᬲ᭄ᬥᬸᬫᬶᬮᬄ᭞ᬫᬢᬯᬶᬦ᭄ᬢᭂᬦ᭄ᬫᬸᬭᬸᬩ᭄᭞ᬘᬬᬦᬾᬫᭂᬗᬬᬂᬗᬬᬂ᭞ᬫᬓᬮᬗᬦ᭄᭞ᬭᬭᬶᬲ᭄ᬳᬶᬤᬫᬧᬲᬶᬳᬶᬦ᭄᭞ᬓᬤᬶᬢᬶᬗ᭄ᬓᬳᬾᬫᬳᭀᬓ᭟
ᬯᬶᬘᬓ᭄ᬱᬦᬳᬚᬶᬦ᭄ᬳᬶᬕᬸᬲ᭄ᬢᬶ᭞ᬗᬯᬾᬳᬓᬮ᭄᭞ᬫᬗ᭄ᬤᬾᬦᬾᬓᬲᬶᬤᬦ᭄᭞ᬓᬢᭂᬧᬸᬓ᭄ᬢ᭄ᬓᬾᬦ᭄ᬳᬶᬪᬸᬦᬾ᭞ᬤᬤᬶᬧᬜ᭄ᬮᬶᬫᬸᬃᬇᬩᬸᬓ᭄᭞ᬧᭂᬘᬓ᭄ᬢᬶᬢ᭄ᬬᬂᬲᬳᬶᬲ᭄ᬥᬶᬄ᭞ᬚᬦᬶᬳᬶᬤᬾᬯᬦᬸᬗ᭄ᬓᬸᬮᬂ᭞ᬗᭂᬦ᭄ᬢᬶᬦᬶᬦ᭄ᬩ᭄ᬬᬂ
ᬇᬪᬸ᭞ᬓᬾᬢᭀᬧᬧᬰᬶᬄᬲᬂᬭᬢ᭄ᬡᬵ᭞ᬫᬜᬂᬓ᭄ᬭᬶᬫᬂ᭞ᬓᬾᬦᬓᬬᬸᬦᬾᬢᬦ᭄ᬱᬶᬧᬶ᭞ᬢᬦ᭄ᬫᬭᬶᬫᭂᬗᬭᬲ᭄ᬳᬭᬲ᭄᭟ᬚᬬᬲ᭄ᬫᬭᬓᬺᬢᬧᬥᬢᬸᬯᬶ᭞ᬭᬶᬂᬓᭀᬭᬶᬧᬦ᭄᭞ᬢᭀᬳᬚᬶᬦ᭄ᬳᬶᬤᬾᬯ᭞ᬓᬲᬸ
[᭑᭖ 16A]
᭑᭖
ᬪᬕᬸᬲ᭄ᬤᬶᬕᬸᬫᬶᬦᬾ᭞ᬮ᭄ᬯᬶᬃᬪᬝᬭᬲ᭄ᬫᬭᬦᬸᬭᬸᬦ᭄᭞ᬢ᭄ᬯᬭᬳᬤᬫᭂᬦᬦ᭄ᬤᬶᬗᬶᬦ᭄᭞ᬚᬦᬶᬳᬶᬘᬡ᭄ᬥᬺᬓᬶᬭᬡ᭞ᬳᬗ᭄ᬕᬾᬦ᭄ᬳᬶᬤᬇᬪᬸ᭞ᬤᬶᬦᬶᬫᬗᭂᬫ᭄ᬧᬸᬳᬶᬤᬾᬯ᭞ᬧᭂᬢᭂᬂᬍᬫᬄ᭞ᬳᬶᬩᬬᬦ᭄ᬲᬗ᭄ᬳᬶ
ᬢ᭄ᬗᭂᬤᬾᬓᬶᬦ᭄᭞ᬯᬶᬓᬦ᭄ᬳᬶᬤᬾᬯᬜᬂᬓ᭄ᬭᬶᬫᬂ᭟ᬲᬓᬶᬂᬫᬗ᭄ᬓᬶᬦ᭄ᬭᬢᬸᬧᭂᬮᬚᬳᬶᬦ᭄᭞ᬗᭂᬫ᭄ᬩᬦ᭄ᬳᭀᬓ᭞ᬧᬸᬗ᭄ᬓᬸᬃᬱᬶᬜᭂᬲᬤ᭄ᬬ᭞ᬓᬢᭂᬫᬸᬢᭂᬓᬾᬦ᭄ᬭᬓᬦᬾ᭞ᬫᬗ᭄ᬤᬾᬲᬵᬫ᭄ᬧᬸᬦᬂᬓᬶ
ᬫᬸᬤ᭄᭞ᬭᬳᬤᬾᬦ᭄ᬤᬯᬷᬫᭂᬜᬯᬸᬭᬶᬦ᭄᭞ᬳᬭᬄᬤᬢᭂᬲᬵᬫ᭄ᬩᬢ᭄ᬳᬶᬩ᭞ᬧ᭄ᬭᬫᬷᬰ᭄ᬯᬭᬷᬓᭂᬜᬸᬂ᭞ᬫᬳᬶᬫᬮᬸᬬᭂᬧᬳᬓᬂ᭞ᬫᬳᬶᬚᬸᬯᬂ᭞ᬭᬤᬾᬦ᭄ᬤᬾᬯᬶᬫᭂᬜᬯᬸᬭᬶᬦ᭄᭞ᬤᬢᭂᬳᬦᬓᬾ
ᬤᬩ᭄ᬤᬩᬂ᭟ᬓᬯᬃᬡ᭄ᬦᬳᬶᬕᬮᬸᬄᬳᬚᭂᬂᬗᬶᬦ᭄ᬢᬶᬧ᭄᭞ᬲᬓᬶᬂᬮᬯᬂ᭞ᬯᬲ᭄ᬧᬥᬓᬘᬶᬗᬓ᭄᭞ᬮᬶᬦ᭄ᬢᬂᬍᬯᬶᬄᬭᬸᬧᬦ᭄ᬢᭀᬕᭀᬕᬾ᭞ᬓᭂᬘᬂᬓ᭄ᬭᬶᬫᬂᬩᬶᬲᭂᬓᭂᬜᬸᬂ᭞ᬤᬤᬶᬫᭂᬢᬸᬓᬬᬸᬦᬾᬧᬶᬭᬶ
