[᭒᭑ 21 B]
᭒᭑
ᬯᬸᬗᬯᬸᬮᬗᬶᬢ᭄᭞ᬧᭂᬢᬦ᭄ᬦᬶᬧᬭᬂᬕᬸᬫᬶᬯᬂ᭞ᬢᬺᬗ᭄ᬕᬦᬫᬮᬓᬗ᭄ᬭᬶᬬᭀ᭞ᬓᬸᬫ᭄ᬧᬸᬮ᭄ᬲᬫ᭄ᬬᬧᬸᬢ᭄ᬭᬷᬲᬩ᭄ᬭ᭞ᬧᬶᬦᬢᬄᬧᬺᬦ᭄ᬦᬄᬳᬶᬭ᭞ᬮᬧᬸᬢ᭄ᬭᬷᬚᬯᬢᬦ᭄ᬘᬭᬸᬩ᭄᭞ᬓᬶᬦᬃᬬ᭄ᬬᬲᬶᬲᬶᬄᬲᬶᬲᬶᬄᬳᬦ᭄᭛ᬧᬸᬢ᭄ᬭᬷᬚᬯᬢᬸᬜ᭄ᬚᬸᬂᬧᬸᬭᬷ᭞ᬯᬶᬤᬃᬪᬯᬶᬮᬲᬚᭂᬦ᭄ᬦᬃ᭞᭠
ᬘᬦ᭄ᬥᬶᬧᬸᬭᬦᬸᬱᬩᬭᬾᬂ᭞ᬕᬢᬋᬓ᭄ᬢᬗ᭄ᬮᬾᬲᬓ᭄ᬧᬸᬭ᭞ᬫᬦ᭄ᬥᬸᬭᬮᬦ᭄ᬓᬸᬫ᭄ᬪᬶᬦ᭄ᬦ᭞ᬢ᭄ᬭᬚᬸᬢᬶᬱ᭄ᬦᬲᭀᬓᬯᬶᬦ᭄ᬥᬸ᭞ᬫᭀᬦ᭄ᬤ᭄ᬭᬓᬗᬯᭀᬗ᭄ᬕᬧᬸᬭ᭛ᬯᬶᬭᬝᬩᬜ᭄ᬚᬃᬫᬮᬝᬶ᭞ᬘᬫ᭄ᬧᬓᬮᬶᬦ᭄ᬢᬶᬂᬧᬫᭂᬦ᭄ᬦᬂ᭞ᬧᬹᬃᬯᭀᬮᬳᭀᬯᬦ᭄ᬦᬢᬃᬭᬦ᭄ᬦᬾ᭞ᬓᬩᬾᬄᬧᬥᬧᬸ᭠
ᬢ᭄ᬭᬷᬚᬯ᭞ᬗᬦ᭄ᬥᬶᬓᬳᬪᬸᬱᬡ᭄ᬦ᭞ᬳᬫᬦ᭄ᬥᬭᬢᬘᭂᬘᭂᬦ᭄ᬥᬸᬂ᭞ᬳᬢᬦ᭄ᬦᬧᬶᬳᬲᭀᬲᭀᬩ᭄ᬭᬄ᭛ᬓᬢᬄᬯᬃᬡ᭄ᬦᬦᭂᬦ᭄ᬳᬶᬂᬢᬸᬮᬶᬲ᭄᭞ᬪᬸᬱᬡᬦ᭄ᬦᬶᬂᬫᬭᬂᬓᭂᬦ᭄ᬦ᭄ᬬ᭞ᬲᬧᬦ᭄ᬢᭂᬲ᭄ᬲᬾᬤᬾᬯᬾᬤᬾᬯᬾ᭞ᬳᬲᬮᬸᬫ᭄ᬧ᭄ᬭᬶᬂᬗᬫᬗ᭄ᬕᬮ᭞ᬚᬚᬫᬂᬕᭂᬮᬂᬓᬦ
᭞ᬓᭂᬩᭀᬫᭂᬗ᭄ᬕᬄᬳᬓᬓᬮᬸᬂ᭞ᬳᬘᬘᬭᬂᬳᬧᬤᬓᬂ᭛ᬳᬃᬚ᭄ᬚᬲᬶᬲᬶᬫ᭄ᬧᬶᬂᬳᬾᬃᬢᬝᬵᬶᬢ᭄᭞ᬓ᭄ᬭᬯᬶᬱ᭄ᬝᬭᬶᬦ᭄ᬭᬚᬧᬸᬢ᭄ᬭ᭞ᬓᬶᬮᬦ᭄ᬩᬳᬸᬩᬶᬩᬶᬗ᭄ᬕᭂᬮ᭄ᬮᬾ᭞ᬲᭂᬓᬃᬲᬸᬳᬸᬦ᭄ᬧᬶᬦ᭄ᬦᬓᬚ᭞ᬳᬲᬸᬦ᭄ᬥᬸᬓ᭄ᬦᬯᬧᬹᬢ᭄ᬦ᭞ᬢᬶᬂᬧᬮᬶᬜ᭄ᬘᬃᬢᬶᬂᬧᬮᬸᬜ᭄ᬘᬸᬃ᭞ᬳᬲᬸᬲᬸᬫ᭄ᬧᬶᬂ
[᭒᭒ 22 A]
ᬲᬸᬭᬾᬂᬧᬢ᭄ᬬ᭞᭛ᬲᬤᬬᬳᬫᬯᬶᬲᬶᬫ᭄ᬲᬶᬫ᭄᭞ᬳᬶᬦ᭄ᬢᭂᬦ᭄ᬦᬶᬂᬮᬮᬧᬓᬚ᭞ᬚᬸᬫᬦ᭄ᬢᭂᬦ᭄ᬯᬶᬥᬸᬭᬶᬳᬶᬚᭀ᭞ᬫᬶᬭᬄᬳᬶᬦ᭄ᬢᭂᬦ᭄ᬲᬾᬮᬯᬸᬮ᭄ᬬ᭞ᬮᬶᬃᬮᬶᬦ᭄ᬢᬂᬓᬂᬳᬸᬚ᭄ᬯᬮ᭞ᬳᬾᬃᬝᬶᬝᬶᬢ᭄ᬫᬶᬭᬄᬚᬸᬫᭂᬭᬸᬢ᭄᭞ᬲᭂᬗ᭄ᬓᬗᬾᬳᬯᬃᬡ᭄ᬦᬯᬃᬡ᭄ᬦ᭛ᬦᬢᬩ᭄ᬭᭀᬗ᭄ᬓᬓᬂᬘᬶ
ᬦ᭄ᬦᬯᬶ᭞ᬳᬦᬩᬧᬶᬲᬶᬦᬫᭂᬃᬭᬦ᭄᭞ᬳᬦᬲᭂᬗ᭄ᬓᬂᬕᬦ᭄ᬥᭀᬂᬳᬶᬓᭀ᭞ᬢᬸᬢᬸᬧ᭄ᬮᬦ᭄ᬳᬸᬭᬸᬩ᭄ᬩᬶᬂᬤᬫᬃ᭞ᬲᬾᬢᬮᬯᬦ᭄ᬲᬸᬫ᭄ᬩᬸᬮ᭄ᬮᬦ᭄᭞ᬳᬦᬲᭂᬗ᭄ᬕᬂᬩᬜ᭄ᬚᬶᬮᬸᬳᬸᬃ᭞ᬫᬗᬸᬦ᭄ᬓᬸᬂᬩᬬᬂᬭᬶᬦᭂᬗ᭄ᬕ᭛ᬲᬸᬋᬫ᭄ᬳᬸᬚ᭄ᬯᬮᬦ᭄ᬦᬶᬂᬭᬯᬶ᭞ᬓᬲᭀᬗᬦ᭄ᬳᬶᬂᬪᬸᬱᬡᬵᬪ᭄ᬭ᭞ᬢᬦ᭄ᬭᬸ
ᬲ᭄ᬳᬸᬘᬧᭂᬦ᭄ᬭᬭᬲᬾ᭞ᬪᬸᬱᬡᬫᬶᬯᬄᬲᭀᬲᭀᬢ᭄ᬬ᭞ᬢᬸᬮ᭄ᬬᬾᬦ᭄ᬤᬄᬳᬫ᭄ᬭᬤᬶᬧ᭄ᬢ᭞ᬲᬶᬦᬯᬂᬧᬢᬶᬂᬲᬮᬜ᭄ᬚᬸᬂ᭞ᬫᬸᬜ᭄ᬘᬃᬫᬸᬜ᭄ᬘᬃᬢᬶᬂᬧᬍᬜ᭄ᬘᬃ᭛ᬲᬸᬧ᭄ᬬᬕᬦ᭄ᬥᬦ᭄ᬦᬶᬂᬓᬲ᭄ᬢᬸᬭᬶ᭞ᬭᬶᬦ᭄ᬦᬶᬗ᭄ᬓᬄᬪᬹᬱᬡ᭄ᬦᬦ᭄ᬦᬶᬭ᭞ᬲᬧᬦ᭄ᬢᭂᬲ᭄ᬲᬾᬤᬾᬯᬾᬤᬾᬯᬾ᭞ᬳᬦᬳ
ᬲ᭄ᬧᬸᬃᬧᬾᬃᬕᭂᬫᬵᬲ᭄᭞ᬓᬮᭀᬭᬮᬸᬫ᭄ᬩ᭄ᬭᬾᬂᬯᬶᬬᬢ᭄᭞ᬕᭀᬜ᭄ᬚᭀᬳᬶᬚᭀᬮᬯᬦ᭄ᬧᭂᬮᬸᬂ᭞ᬤᬭᬕᭂᬫ᭄ᬮᬯᬫ᭄ᬧᭀᬧᭀᬘᬂ᭛ᬳᬸᬤᬭᬕᬮᬦ᭄ᬓᬸᬫᬶᬢᬶᬃ᭞ᬲᭂᬫᬸᬓᬶᬭᬂᬧᬦᬭᬤ᭞ᬚᭂᬗ᭄ᬕᬫᬭᬸᬭᬫ᭄ᬬᬂᬭᬾᬚᬾᬂ᭞ᬫᬗᬸᬦ᭄ᬢᬸᬮᬓ᭄ᬧᬶᬦᬭᬤ᭞ᬲᬶᬦ᭄ᬥᬸᬂ
Page:Bali-lontar-gaguritan-anging-kusuma-250ppi.pdf/22
Jump to navigation
Jump to search
This page has been proofread.
