[᭑᭕ 15 B]
᭑᭕
ᬲᬓᬶᬂᬯᬳᬦᬮᬸᬫᬫ᭄ᬧᬄ᭞ᬧᬶᬦ᭄ᬦᭂᬝᬵᬸᬓ᭄ᬳᬶᬂᬯ᭄ᬭᬂᬗᬶᬦ᭄ᬓᬮᬶᬄ᭛ᬫ᭄ᬭᬶᬂᬲᬂᬭᬵᬚᬳᬗ᭄ᬮᬶᬂᬥᬃᬫ᭄ᬫ᭞ᬲᬸᬦ᭄ᬥᬸᬓ᭄ᬱᭂᬓ᭄ᬢᬶᬰᬹᬭᬓᬗᭂᬦ᭄ᬦᬶᬗ᭄ᬕᬮ᭄ᬮᬶ᭞ᬳᬶᬂᬧᭂᬓᬶᬓ᭄ᬓᬶᬭᬲᬂᬧ᭄ᬭᬪᬸ᭞ᬳᬗ᭄ᬮᬶᬂᬥᬃᬫ᭄ᬫᬮᬶᬃᬧᬃᬣ᭞ᬤ᭄ᬬᬦ᭄ᬓᬶᬦᬦ᭄ᬢᬶᬳᬱ᭄ᬝᬦ᭄ᬦᬶᬭᬲᬂᬗᬧ᭄ᬭᬪᬸ᭞ᬧᬶᬦᬭᬔᬶᬂᬧᬕᭂᬮᬭᬦ᭄᭞ᬲᬫ᭄ᬬᬧ᭄ᬭᬢᬱ᭄ᬝᬳᬶᬂᬓᬸᬃ
ᬲᬶ᭛ᬳᬚᬚᬃᬦᬵᬣᬲᬓᬯᬦ᭄᭞ᬧᬢᬶᬄᬯᬶᬚᬦᬃᬓ᭄ᬓᬲᬫ᭄ᬧᬸᬦ᭄ᬦᬳᭀᬲ᭄ᬲᬶ᭞ᬧᬓᬸᬯᭀᬦ᭄ᬦᬶᬭᬲᬂᬧ᭄ᬭᬪᬸ᭞ᬲᭂᬓ᭄ᬢᬶᬰᬹᬭᬓᬮᬯᬦ᭄᭞ᬳᬶᬂᬗᬢᬸᬃᬭᬩᭀᬚᬦᬓᬢ᭄ᬭᬶᬲᬂᬧ᭄ᬭᬪᬸ᭞ᬲ᭄ᬭᬶᬫᬗᬦ᭄ᬢᬶᬩᬶᬦᬸᬱᬡ᭄ᬦᬦ᭄᭞ᬧ᭄ᬭᬕᬃᬯ᭄ᬯᬗᬦ᭄ᬥᬶᬓᬦ᭄ᬫᬶᬚᬶᬮ᭄᭛ᬧ᭄ᬭᬫᬾᬰ᭄ᬯᬭᬷᬓᬢ᭄ᬭᬶ
ᬧ᭄ᬭᬧ᭄ᬢ᭞ᬗᬃᬱᬦᬵᬣᬫᬬᬂᬲᬭᬷᬦᬶᬗ᭄ᬳᬮ᭄ᬮᬶ᭞ᬳᬶᬂᬭᬵᬫᬳᬲ᭄ᬭᬸᬳᬫᬸᬯᬸᬲ᭄᭞ᬤᬗᬸᬦᬸᬗ᭄ᬓᭂᬫᬶᬧᬤ᭞ᬮᬶᬃᬦ᭄ᬬᬵᬸᬧᭂᬦ᭄ᬦᬗ᭄ᬳᬸᬮᬸᬦ᭄ᬧᬗ᭄ᬕᬶᬄ᭠ᬮᬦ᭄ᬧᬸᬓᬸᬮᬸᬦ᭄᭞ᬲᬂᬦᬵᬣᬳᬫᭂᬓᬸᬮ᭄ᬳᭀᬗ᭄ᬕ᭞ᬳᬤᬸᬄᬧᬸᬢᬸᬦ᭄ᬦᬶᬗ᭄ᬲᬸᬦ᭄ᬦᬶᬓᬶ᭛ᬢᬦ᭄ᬩᬾᬤᬓᬲᬯᬦ᭄ᬦᬶᬂᬗ᭄ᬯᬂ᭞ᬓᬬᬗᬶᬧᬶᬢᭂᬫᬸᬮ
ᬤ᭄ᬲᬶᬭᬫᬗ᭄ᬓᬶᬦ᭄᭞ᬫᬹᬃᬘ᭄ᬘᬦ᭄ᬦᬶᬭᬢᭂᬗᬄᬤᬮᬸ᭞ᬢᬦ᭄ᬓᬭᬸᬯᬦ᭄ᬓᬂᬫᬯ᭞ᬳᬶᬓᬂᬧᬸᬢ᭄ᬭᬫᬗ᭄ᬲᭂᬕ᭄ᬳᬮᭀᬦ᭄ᬫᬢᬸᬃ᭞ᬳᬶᬂᬧᬹᬃᬯ᭄ᬯᬫᬤ᭄ᬬᬯᬲ᭄ᬦᬳ᭞ᬳᬗᬸᬗᬸᬦ᭄ᬰ᭄ᬭᬷᬦᬭᬧᬢᬶ᭛ᬳᬧᬬᬓᬂᬲᬸᬦ᭄ᬯᬍᬲ᭄ᬲ᭞ᬫᬭᬂᬳᬦᬓ᭄ᬧ᭄ᬭᬪᬸᬳᬶᬂᬫ᭄ᬮᬯᬧᬢᬶ᭞ᬢᬦ᭄ᬦᬮ᭄ᬬᬦ᭄ᬫᬸᬂᬲᭂᬢ᭄ᬬᬢᬸᬢᬸ
[᭑᭖ 16 A]
ᬬᬾᬦ᭄ᬲᬸᬤᬶᬗᬓᬸᬩᬧ᭞ᬳᬗ᭄ᬮᬶᬂᬥᬃᬫ᭄ᬫᬢᬸᬫᬸᬗ᭄ᬓᬶᬮ᭄ᬫᬢᬸᬃᬳᬦᬸᬧᬸᬦ᭄᭞ᬧᬸᬢ᭄ᬭᬶᬳᬶᬂᬩᭀᬚᬦᬵᬕᬭ᭞ᬳᬦᬸᬮᬶᬲᬲ᭄ᬫᬢᬫᬶᬚᬶᬮ᭄᭛᭜᭛ᬲᬲᬳᭀᬲᬦ᭄ᬲᭂᬮᬸᬃᬲᬓᬶᬂᬧᬸᬭᬷ᭞ᬢᬶᬦ᭄ᬦᬫ᭄ᬧᬾᬂᬧ᭄ᬭᬲᬶᬦᭀᬫ᭄᭞ᬳᬳ᭄ᬭᬶᬓᬯᬸᬃᬬ᭄ᬬᬦ᭄ᬳᬦ᭄ᬦᬾᬓᬯᬃᬡ᭄ᬦᬦ᭄ᬦᬾ᭞ᬳᬪᬸᬚᬦᬳᬦᬾᬦᬂᬰ᭄ᬭᬶ
ᬫᬗᬦ᭄ᬢᬶ᭞ᬲᬸᬓᬗᭂᬦ᭄ᬢᬶᬂ᭞ᬳᬶᬂᬚᬯᬶᬕᬸᬫᬸᬭᬸᬄ᭛ᬳᬸᬫ᭄ᬬᬂᬗᬶᬓᬂᬫ᭄ᬭᬤᭀᬗ᭄ᬕᬗ᭄ᬭᬭᬗᬶᬦ᭄᭞ᬳᬶᬂᬲᬳᭂᬗ᭄ᬕᭀᬦ᭄ᬳᭂᬗ᭄ᬕᭀᬦ᭄᭞ᬯᬦ᭄ᬬᬩᬮᬓᬂᬦᬾᬦᬵᬕ᭄ᬚᬯᬶᬓᬩᬾᬄ᭞ᬩᬶᬦ᭄ᬦᭀᬚᬦᬦ᭄ᬳᬶᬂᬧᬢᬶᬄᬓᬓᬮᬶᬄ᭞ᬢᬦ᭄ᬧᬳᬾᬮᬦ᭄ᬕᬸᬲ᭄ᬢᬶ᭞ᬲᬫ᭄ᬬᬲᬸᬓᬸᬦ᭄ᬦᬶᬧᬸᬦ᭄᭛ᬳᬮᬸᬯᬃ᭠
ᬭᬦ᭄ᬧᬭᬦᬵᬣᬓᬢ᭄ᬭᬶ᭞ᬓᭀᬦ᭄ᬥᬸᬃᬳᬫᬓᬸᬯᭀᬦ᭄᭞ᬳᬗ᭄ᬮᬶᬂᬥᬃᬫ᭄ᬫᬓᭀᬦ᭄ᬥᬸᬃᬫ᭄ᬭᬶᬂᬧᬸᬭᬦ᭄ᬦᬾ᭞ᬢᬦ᭄ᬲᬄᬳᬶᬓᬂᬧ᭄ᬭᬫᬾᬰ᭄ᬯᬭᬷᬓᬢ᭄ᬭᬶ᭞ᬢᬦ᭄ᬓᬯᬃᬡ᭄ᬦᬮᬫᬶ᭞ᬦᬶᬭᬲᬗᬧ᭄ᬭᬪᬸ᭛ᬲᭂᬓ᭄ᬢᬶᬰᬹᬭᬦᬾᬦᬵᬕ᭄ᬫᬮᬯᬧᬢᬶ᭞ᬲᬫᬦ᭄ᬦᬲᬂᬓᬢᭀᬂ᭞ᬓᬢ᭄ᬭᬶᬳᬃᬱᬫᬮᬸᬬ᭄ᬬᬾᬂᬧ᭄ᬭᬚ
ᬦ᭄ᬦᬾ᭞ᬫᬢᬸᬃᬧᬫᬶᬢ᭄ᬧᬋᬂᬫᬜ᭄ᬚᬶᬂᬧᬸᬭᬷ᭞ᬲᬂᬳᬗ᭄ᬮᬶᬂᬥᬃᬫ᭄ᬫᬵᬚᬶ᭞ᬓᬮᬗ᭄ᬓᬸᬂᬳᬦᬸᬯᬸᬦ᭄᭛ᬧ᭄ᬭᬫᬾᬰ᭄ᬯᬭᬶᬓᬢᬶᬕᬢᬸᬃᬩᭂᬓ᭄ᬢᬶ᭞ᬭᬶᬂᬭᬵ᭠ᬫᬲᬂᬓᬢᭀᬂ᭞ᬲᬫ᭄ᬬᬵᬢᬶᬮᬃᬯᭂᬮᬶᬂᬥᬾᬯᬾᬥᬾᬯᬾ᭞ᬫ᭄ᬭᬶᬂᬓᬂᬧᬸᬢ᭄ᬭᬤᬾᬦ᭄ᬩᬶᬲᬳᬮᬓᬶ᭞ᬦᬶᬦᬶᬳᬶᬗ᭄ᬲᬸᬦ᭄ᬫᬸᬮᬶᬄ᭞ᬤᬾᬦ᭄ᬳᬬᬸᬢ᭄ᬫᬫ
Page:Bali-lontar-gaguritan-anging-kusuma-250ppi.pdf/16
Jump to navigation
Jump to search
This page has been proofread.
