[᭙ 9 B]
᭙
ᬦ᭄ᬥᬧ᭄ᬭᬪᬸ᭞ᬚᬚᬃᬦᬭᬾᬦ᭄ᬤ᭄ᬭᬢᬶᬢᬶᬕ᭞ᬧ᭄ᬭᬧᬸᬗ᭄ᬕᬯᬓᬂᬬ᭄ᬬᬧᬓᬸᬯᭀᬦ᭄ᬫᬸᬲ᭄ᬭᬸᬓ᭄ᬫᬶ᭞ᬰ᭄ᬭᬷᬓᬮᬶᬄᬳᬶᬗᬢᬸᬭᬦ᭄᭛ᬧᬲᬗ᭄ᬕ᭄ᬭᬳᬦ᭄ᬩᬸᬩᬸᬃᬓᬂᬢᬶᬦᬗ᭄ᬓᬶᬮ᭄᭞ᬰ᭄ᬭᬷᬗ᭄ᬮᬶᬂᬥᬃᬫ᭄ᬫᬓᭀᬦ᭄ᬤᬸᬃᬫᬭᬶᬂᬧᬸᬭᬶᬧᬸᬭ᭞ᬕᬶᬦ᭄ᬦᬋᬩᭂᬤ᭄ᬩᬶᬬᬦᬵᬓᬾᬄᬓᬂᬓᬶᬦᬦ᭄ᬝᬶᬤᬾᬧ᭄ᬭᬪᬸ᭞ᬲᬶᬭᬤᬾ᭠
ᬯᬶᬳᬫᬬᬂᬲᬭᬷ᭞ᬧᬸᬢ᭄ᬭᬶᬓᬃᬣᬦᬵᬕᬭ᭞ᬓᬶᬦᬦ᭄ᬢᬶᬳᬶᬂᬫᬭᬸ᭞ᬓᬮᬗ᭄ᬓᬸᬂᬲᬳᬾᬓᬂᬧ᭄ᬭᬶᬬ᭞ᬓᬾᬦ᭄ᬳᬫ᭄ᬩᬸᬭᬓᬮᬯᬦ᭄ᬤ᭄ᬭᬸᬰᬶᬮ᭠ᬯᬢᬶ᭞ᬓᬤ᭄ᬬᬢᬸᬗ᭄ᬕᬮ᭄ᬲᬬᬬᬄ᭛ᬧ᭄ᬭᬧ᭄ᬢᬾᬧᬸᬭᬧᬶᬦᬭᬓᬦ᭄ᬲᬫᬶ᭞ᬰ᭄ᬭᬷᬦᬭᬾᬦ᭄ᬤ᭄ᬭᬮᬯ᭄ᬳᬶᬓᬂᬕᬃᬯ᭄ᬯ᭞ᬳᬗᬧᬶᬢ᭄ᬓᬦᬓ᭄ᬓᬶᬭᬶᬦ᭄ᬦᬾ᭞᭠
ᬯ᭄ᬯᭀᬂᬚ᭄ᬭᭀᬧᬸᬭᬲᬸᬲᬸᬕᬸᬦ᭄᭞ᬧᬭᬫᬦ᭄ᬦᬶᬲ᭄ᬓᬤ᭄ᬬᬧᬸᬦ᭄ᬦᬕᬶ᭞ᬫᬶᬯᬄᬓᬂᬲᬓᬶᬂᬚᬩ᭞ᬫᬜ᭄ᬚᬶᬂᬧᬸᬭᬵᬲᭂᬮᬸᬃ᭞ᬧᬭᬕᬃᬯ᭄ᬯᬦ᭄ᬦᬶᬂᬧᬸᬗ᭄ᬕᬯ᭞ᬧ᭄ᬭᬲᬦ᭄ᬢᬦᬲᬢ᭄ᬭᬶᬬᬧᬸᬗ᭄ᬕᬯᬫᬦ᭄ᬢ᭄ᬭᬶ᭞ᬲᭂᬮᬸᬃᬫᬍᬩ᭄ᬯᬾᬂᬧᬸᬭ᭛ᬤᬾᬲᬸᬕᬢᬓᬂᬫ᭄ᬭᬶᬂᬦᬵᬣᬓᬮᬶᬄ᭞ᬳᬶᬂᬩᭀᬚ᭠
ᬦᬵᬕ᭄ᬭᬷᬓᬃᬣᬦᬵᬕᬭ᭞ᬫᭂᬦ᭄ᬢᬄᬫᬢᭂᬂᬫᬯᬃᬡ᭄ᬦᬵᬓᬾᬄ᭞ᬲᬯᬤ᭄ᬬᬯᬤ᭄ᬬᬧᭂᬦᬸᬄ᭞ᬬᬢᬳᬶᬓᬂᬲᬸᬓᬵᬦᬾᬂᬧᬸᬭᬶ᭞ᬧᬸᬢ᭄ᬭᬶᬩᭀᬚᬦᬵᬕᬭ᭞ᬢᬸᬮᬸᬲ᭄ᬤᬤ᭄ᬬᬲᭂᬧᬸᬄ᭞ᬧᬦ᭄ᬦᭂᬗᬄᬓᬃᬣᬦᬵᬕᬭ᭞ᬧᬫᭂᬓᬲ᭄ᬲᬾᬲᬂᬤᬾᬯᬶᬳᬫᬬᬂᬲᬭᬷ᭞ᬧ᭄ᬭᬫᬾᬰ᭄ᬯᬭᬷᬢᬶ
[᭑᭐ 10 A]
ᬢᬶᬕ᭛ᬳᬢᬹᬢ᭄ᬭᬸᬦ᭄ᬥᬸᬢ᭄ᬳᬦ᭄ᬦᬦᬩᬋᬜ᭄ᬚᬶᬂ᭞ᬳᬫᭀᬂᬯᬶᬦ᭄ᬦᭀᬂᬓᬂᬢᬸᬯᬯ᭄ᬭᬸᬄᬳ᭞ᬓᬂᬗᬦ᭄ᬦᭀᬫ᭄ᬯ᭄ᬭᬸᬄᬦᬾᬂᬳᬦ᭄ᬦᬾᬫ᭄ᬫᬾ᭞ᬫᬗ᭄ᬓᬦᬲᬂᬗᬧ᭄ᬭᬪᬸ᭞ᬮᬤ᭄ᬬᬫᬗᬸᬦ᭄ᬓᬮᬗᭂᬦ᭄ᬦᬶᬂᬲᬶᬄ᭞ᬮᬯᬦ᭄ᬕᬃᬯ᭄ᬯᬧᬫᭂᬓᬲ᭄᭞ᬮᬸᬯᬃᬭᬶᬂᬲᬮᬸᬮᬸᬢ᭄᭞ᬳᬾᬜ᭄ᬚᬶᬂᬳᬍᬗ᭄ᬕᬄᬓᬮᬶᬄᬳᬦ᭄᭞
ᬧ᭄ᬭᬫᬾᬰ᭄ᬯᬭᬷᬦ᭄ᬦᬶᬭᬓᬮᬶᬄᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬮᬶᬃᬭᬢᬶᬄᬮᬦ᭄ᬲᬸᬧ᭄ᬭᬪᬵ᭛ᬫᬬᬂᬲᬭᬷᬮᬸᬫᬸᬗ᭄ᬲᬸᬃᬗᬩᭂᬓ᭄ᬢᬶ᭞ᬫᬭᬂᬫᬭᬸᬦ᭄ᬦᬸᬭᬓᬵᬮᬶᬄᬧᬶᬲᬦ᭄᭞ᬰᬷᬖ᭄ᬭᬘᬶᬦᬦ᭄ᬥᬓ᭄ᬳᬲ᭄ᬢᬦ᭄ᬦᬾ᭞ᬳᬶᬂᬗᬚᬓ᭄ᬚᬚᬂᬮᬸᬗ᭄ᬕᬸᬄ᭞ᬳᬦᭀᬭᬕᬓᬾᬦ᭄ᬫᬬᬂᬲᬭᬷ᭞ᬍᬗ᭄ᬕᬦᬲ᭄ᬭᬸᬧᬶᬦ᭄ᬦᭂᬓ᭄ᬱ᭞ᬯᬸᬲ᭄ᬢᬢ᭠
ᬳᬮᬸᬗ᭄ᬕᬸᬄ᭞ᬓᬢᬶᬕᬦ᭄ᬦᬾᬗᬃᬗᬱᬦᬵᬣ᭞ᬲᬫ᭄ᬬᬾᬦ᭄ᬥᬄᬳᭀᬲᬂᬦᬵᬣᬗᬦ᭄ᬥᬶᬓᬳᬭᬶᬲ᭄᭞ᬬᬬᬶᬲᬸᬦ᭄ᬧᬳᬾᬲ᭄ᬲᬦ᭄ᬦ᭛ᬳᬶᬗ᭄ᬲᬸᬦ᭄ᬦᬃᬧᬫᬶᬬᭀᬲ᭄ᬢᬶᬦ᭄ᬦᬗ᭄ᬓᬶᬮ᭄᭞ᬧᬸᬢ᭄ᬭᬷᬩᭀᬚᬦᬵᬕᬭᬳᬗᬢᬕ᭄᭞ᬫ᭄ᬭᬶᬂᬧᬸᬢ᭄ᬭᬷᬓᬃᬣᬦᬵᬕ᭄ᬭᬶᬦ᭄ᬦᬾ᭞ᬓᬾᬦ᭄ᬢ᭄ᬭᬸᬰᬶᬮᬢᬸᬫᬸᬤᬸᬄ᭞ᬫᬭᬶᬂ
ᬤᬾᬯᬶᬳᬫᬬᬂᬲᬭᬷ᭞ᬮᬄᬬᬬᬶᬰ᭄ᬭᬶᬬᬲ᭄ᬲᬦ᭄ᬦ᭞ᬫᬬᬂᬲᬭᬷᬫᬢᬸᬃ᭞ᬦᬸᬳᬸᬦ᭄ᬓᬳᬸᬮᬢᬦ᭄ᬩᬶᬲ᭞ᬫᬦ᭄ᬥᬦ᭄ᬦᬶᬂᬳᬓᬸᬤᭀᬦ᭄ᬲᬂᬦᬵᬣᬳᬗ᭄ᬮᬶᬂ᭞ᬳᬶᬗ᭄ᬲᬸᬦ᭄ᬦᬶᬓᬶᬓᬧᬶᬭᬦ᭄᭛ᬓᬾᬄᬯᬸᬯᬸᬲᭂᬦ᭄ᬮᬗᭂᬦ᭄ᬦᬶᬂᬳᬓ᭄ᬭᬶᬫᬶ᭞ᬯᬸᬲ᭄ᬦ᭄ᬬᬧᬳᬾᬲ᭄ᬲᬦ᭄ᬢ᭄ᬭᬷᬦᬭᬭᬵᬣ᭞ᬮᬶᬂᬲᬂ᭠
Page:Bali-lontar-gaguritan-anging-kusuma-250ppi.pdf/10
Jump to navigation
Jump to search
This page has been proofread.
