[᭒᭒ 22B]
᭒᭒
ᬫᬓᬤᬶ᭞ᬭᬾᬄᬢᬢᬲ᭄ᬭᬶᬂᬧᬭᬶᬕ᭄ᬭᬳ᭞ᬫᬢᬶᬢᬶᬲ᭄ᬢᬸᬯᬄᬳᬩᭂᬲᬶᬓ᭄᭞ᬓ᭄ᬭᬡᬫᬗ᭄ᬕᬶᬄᬤᬾᬯᬬᬡ᭞ᬓᬢᬸᬳᬸᬣᬶᬫᬃᬕ᭄ᬕᬍᬯᬶᬄ ᭛ ᬬᬦ᭄ᬧᬶᬢ᭄ᬭᬬᬡᬓ᭠
ᬢᬸᬳᬸᬢ᭄᭞ᬫᬜᬮᬦᬂᬢᬧᬗᬸᬦᬶ᭞ᬢᬧᬦᬶᬂᬬᬡᬶᬬᬫ᭞ᬲᬶᬲ᭄ᬢᬘᬵᬭᬩ᭄ᬭᬢᬍᬯᬶᬄ᭞ᬳᭂᬦ᭄ᬢᭀᬓ᭄ᬭᬡᬫᬗ᭄ᬕᬶᬄᬲ᭄ᬯᬃᬕ᭄ᬕ᭞ᬦᬗ᭄ᬳᬶᬂᬫᬦᬸᬫᬶᬢᬶᬲ᭄ᬩᬸᬯᬶᬦ᭄ ᭛
ᬬᬦ᭄ᬓᬫᭀᬓ᭄ᬱᬦᬾᬭᬸᬭᬸᬄ᭞ᬢ᭄ᬯᬭᬩᬸᬯᬶᬦ᭄ᬫᬦᬸᬫᬶᬢᬶᬲ᭄᭞ᬢᬦ᭄ᬓᬢᬫᬵᬦ᭄ᬲᬸᬓᬤᬸᬳ᭄ᬓ᭞ᬢᬦ᭄ᬓ᭄ᬦᬭᬶᬂᬢᬸᬳᬧᬢᬶ᭞ᬓᬾᬢᭀᬧᬫ᭄ᬭᬶᬳᬾᬲᬂᬧ᭄ᬭᬚ᭄ᬜᬦ᭄᭞᭠
ᬦᬗ᭄ᬳᬶᬂᬲᭂᬗ᭄ᬓᬵᬲᬂᬫᬫᬗ᭄ᬕᬶᬄ ᭛ ᬓᬾᬦᬾᬤᬸᬳ᭄ᬓᬶᬢᬦᬾᬢᭂᬧᬸᬓ᭄᭞ᬬᬦ᭄ᬢᬶᬩᬭᬶᬂᬲ᭄ᬯᬃᬕ᭄ᬕᬕᬸᬫᬶ᭞ᬬᬦᬶᬂᬲᬸᬩᬓᬦ᭄ᬢᬶᬢᭂᬮᬄ᭞ᬧᬮᬓᬃᬫ᭄ᬫᬦᬾᬓᬪᬸᬓ᭄ᬢᬶ᭞ᬤᬶᬢᬸᬤᬶ
[᭒᭓ 23A]
ᬲ᭄ᬯᬃᬕ᭄ᬕᬪᬸᬯᬡ᭞ᬲᬶᬦᬄᬫᬩᬮᬶᬓ᭄ᬦᬸᬫᬶᬢᬶᬲ᭄ ᭛᭜᭛ ᬧᬸᬧᬸᬄᬤ᭄ᬫᬂ ᭛᭜᭛ ᬤᬳᬢ᭄ᬮ᭄ᬬᬸᬉᬢ᭄ᬢᬫᬦᬾᬤᬶᬦᬶ᭞ᬦᬾᬭᬶᬂᬚᬕᬢ᭄᭞ᬮᬶᬯᬢ᭄ᬓᬾᬯᭂᬳᬾ
ᬫᬗᬶᬢᬸᬂ᭞ᬦᬾᬦᬾᬳᬗ᭄ᬕᭀᬦ᭄ᬥᬦᬧᬢᬸᬢ᭄᭞ᬳᬶᬫᬦᬸᬧᬧᬥᬲᬸᬕᬶᬄ᭞᭠ᬮᬶᬯᬢᬂ᭞ᬳᬤᬦᬧᬹᬡ᭄ᬬ᭞ᬤᬲᬭᬶᬦ᭄ᬳᬶᬥᭂᬧ᭄ᬭᬳᬬᬸ᭞ᬳᭂᬥᬵᬗᬤᬾᬦ᭄ᬳᬯᬓ᭄ᬢᬶᬯᬲ᭄᭞
ᬳᭂᬦ᭄ᬢᭀᬳᬧᬓᬸᬭᬂᬤᬶᬦᬶ᭞ᬬᬦᬶᬂᬳᭂᬥᭂᬧ᭄ᬲᭀᬮᬄᬲᬲᬃ᭞ᬳᭂᬦ᭄ᬢᭀᬫᬤᬦ᭄ᬢᬶᬯᬲ᭄ᬢᬸᬳᬸ ᭛ ᬧᬢᬸᬢ᭄ᬫᬤᬦᬧᬶᬮᬶᬳᬶᬦ᭄᭞ᬢᬸᬃᬦᬶᬫ᭄ᬩᬗᬂ᭞ᬳᬧᬂᬳᭂᬥᬵᬲ
ᬮᬄᬳᬗ᭄ᬓᬸᬄ᭞ᬢᬶᬗ᭄ᬓᬳᬾᬜᬮᬦᬂᬧᬢᬸᬢ᭄᭞ᬳᭂᬗ᭄ᬓᬾᬦ᭄ᬜᬦ᭄ᬤᬂᬫᬜᬸᬓᬦᬶᬦ᭄᭞ᬳᭂᬦ᭄ᬢᭀᬳᬸᬕᬶᬚ᭄ᬯᬢᬶᬯᬓᬂ᭞ᬫᬗ᭄ᬤᬾᬦᬾᬫᬗ᭄ᬕᬸᬄᬭᬳᬬᬸ᭞ᬲᬂᬫᬦᬫ᭄ᬧᬶ
