[᭒᭐ 20B]
᭒᭐
᭞ᬢᬦ᭄ᬲᬄᬳᬶᬤ[strike]ᬧᬘᬂᬗᭂᬢᬸᬢ᭄᭞ᬧᬕᭂᬄᬳᬶᬤᬫᬗᬸᬢ᭄ᬱᬳ᭞ᬢᬸᬭᬶᬂᬳᬶᬓ᭄ᬮᬲ᭄᭞ᬫᬤᬦ᭄ᬤᬦᬶᬦ᭄ᬩᬦᬲ᭄ᬢᬶᬲ᭄᭞ᬢᭀᬂᬧᬗᭂᬫᬦ᭄ᬢᬸᬬᬸᬄᬭᬕ ᭛ ᭠
ᬘᬢᬸᬃᬚᬦ᭄ᬫᬦᬾᬢᬸᬢᬸᬭᬂᬩᬸᬯᬶᬦ᭄᭞ᬫᬓᬤᬶᬦ᭄ᬜ᭞ᬳᬶᬤᬲᬂᬩ᭄ᬭᬵᬳ᭄ᬫᬡ᭞ᬧᬶᬂᬓᬮᬶᬄᬲᬂᬓ᭄ᬱ᭄ᬢ᭄ᬭᬶᬬᬦᬾ᭞ᬲᬂᬯᬾᬰ᭄ᬬᬦᬾᬓᬧᬶᬂᬢ᭄ᬮᬸ᭞ᬫᬓᬢᬶᬕᬤ᭄ᬯᬶᬚᬵᬢᬶ᭞᭠
ᬲᬂᬤ᭄ᬯᬶᬚᬢᬶᬕᬳᬸᬘᬧ᭄᭞ᬯ᭄ᬦᬂᬩᬺᬯᬶᬓᬸ᭞ᬓᬳᬶᬘᬾᬦ᭄ᬩ᭄ᬭᬢᬵᬤᬶᬓ᭄ᬱᬶᬢ᭞ᬓᬧᬶᬦ᭄ᬤᭀᬳᬦ᭄᭞ᬧᬸᬜᬤ᭄ᬫᬦᬾᬓᬕᭂᬦ᭄ᬢᭀᬲᬶᬦ᭄᭞ᬫᬧᭀᬤ᭄ᬕᬮᬓ᭠
ᬳᬸᬘᬧᬂ ᭛ ᬬᬦ᭄ᬳᬶᬲᬸᬤ᭄ᬭᬓᬯᬲ᭄ᬢᬦᬶᬦ᭄ᬏᬓᬚᬢᬶ᭞ᬢ᭄ᬯᬄᬳᬧᬶᬲᬦ᭄᭞ᬢᬶᬗ᭄ᬓᬳᬾᬫᬜᬤ᭄ᬫ᭞ᬢᬦ᭄ᬓᬯ᭄ᬦᬂᬓᬲ᭄ᬓᬭᬦᬾ᭞ᬓᬾᬯᬮᬩ᭄ᬭᬢᬓᬧᬘᬸᬮ᭄᭞
[᭒᭑ 21A]
ᬧᬢᬸᬢ᭄ᬫᬗᬫᭀᬗᬶᬦ᭄ᬪᬓ᭄ᬢᬶ᭞ᬭᬶᬂᬳᬶᬤᬲᬂᬢᬶᬕᬯᬃᬡ᭄ᬦ᭞ᬫᬗᭀᬯᬓᬦ᭄ᬢᬦ᭄ᬲᬄᬳᬳᬦᬸᬢ᭄᭞ᬭᬶᬂᬥᬃᬫ᭄ᬫᬦᬶᬂᬘᬭᬓ᭞ᬢ᭄ᬯᬭᬳᭀᬩᬄ᭞ᬢᬶᬦ᭄ᬤᬶᬄᬫᬕᬫᬲᬲᬳᬶ᭞ᬫ
ᬗᬦᬸᬢᬂᬢᬢᬵᬓ᭄ᬭᬫ᭞ ᭛᭜᭛ ᬧᬸᬧᬸᬄᬕᬶᬦᬦ᭄ᬢᬶ ᭛᭜᭛ ᬢᬶᬗ᭄ᬓᬄᬫᬸᬂᬫᬸᬂᬳᬯᬓ᭄ᬳᬶᬥᬸᬧ᭄᭞ᬳᭂᬥᬵᬳᬫ᭄ᬧᬄᬩᬸᬓᬚᬦᬶ᭞ᬳᭂᬥᬵᬗᬦ᭄ᬤᭂᬮ᭄ᬫᬧᬶᬩᬶᬱᬵ᭞ᬳᭂ
ᬥᬵᬍᬕᬗᬸᬮᬄᬦᬫ᭄ᬧᬶ᭞ᬦᬾᬢ᭄ᬯᬭᬜᬦ᭄ᬤᬂᬍᬕᬬᬂ᭞ᬤᬾᬦᬶᬂᬲᬸᬓᬢ᭄ᬯᬭᬚᬢᬶ ᭛ ᬯᬶᬭᬾᬄᬲᬂᬳ᭄ᬬᬂᬓᬮᬦᬸᬢᬸᬕ᭄᭞ᬓᬶᬚᬮᬸᬯᬲ᭄ᬢ᭄ᬯᬄᬓᬳᬶᬦ᭄ᬢᬶᬧ᭄᭞ᬧᬶᬢᬸ
ᬯᬶᬭᬶᬂᬧᬢᬸᬭᭀᬦᬦ᭄᭞ᬬᬤᬶᬦ᭄ᬦᭂᬕᬓ᭄ᬫᬲᬶᬄᬓᬶᬦ᭄ᬢᬶᬧ᭄᭞ᬗᬶᬦᬸᬫ᭄ᬢ᭄ᬓᬦᬶᬂᬫᬤᬳᬃ᭞ᬳᬶᬤᬦᬸᬢᬸᬕ᭄ᬓᭂᬫᭂᬫᬳᬶ ᭛ ᬳᬧᬓ᭄ᬭᬡᬳᬾᬦᬓ᭄ᬳᬸᬭᬸ᭞ᬗᬸᬮᬄ
