55
XIV.
Leon nga nahimong Liyon
Sa dakung kahinangup gidawat si Leon sa mga Pulahan. Mga tawong buróng, sanglit ang kadag. hanan kanila mga mamomu-o ug mag-u-umá la mang, ang pagtipon ni Leon maoy, alang kanila, usá sa dakung pagdaug. Kutub niadto ila na gayud nabatunan ang kanila nakulang: usá ka tawong mangi-alamon.
Si Leon gihimo dayon sa mga Pulahan nga magsasambag nila, ang "ulo" nga nagatudló sa ilang pagabuhaton.
Apan kay dili pagmandó maoy iyang tuyo, kung dili dugó ug kinabuhi sa mga Kostables nga matítí ug malaglag sa iyang mga kamot, siyá, bisan ginahinugon sa mga Pulahan nga mangu. nay pag-uban sa gubat, mao kanunay ang maga-uná sa pagsulong. Ug hilabihan ang iyang kaisug ng kapintas, nga sa wala madugay nabantug sa tanang dapit. Tibuok Sugbo, nagayamyam sa dakung kahadlok sa iyang ngalan. Liyong tinuod, nahimo gayad si Leon. Walay pakigsangka sa mga Pulahan ug kostables nga ang iyang barong dill matumog sa dugó ug maka angkat ug kinabuhi!
Ning panahona, ang pundok sa mga Pulahan nahimong mauswagon. Nikaylap sa tibuok Sugbo,
