ang atong pinulungan dakú gayúd úg kalainan sa ilahah.
Dunah kitáy ato ra gayúd nga mga lagda nga lahí ug
dili mohaúm sa ilahah. Lain kitág paagih sa pagpangtagik sa atong mga pulung. Maóh kiníy usáh ka hinungdan nganoh nga ang mga langyaw, ug hangtud gani kitáh, abutón usahayg kalibog kun kalubúg dinhá sa ilah
ug ato nga pagpanabút.
Ang Dila tang Bisayá
Sumala sa masabút na sa magbabasáh, ang atong pinulungan sakup sa ikaduháng matang, ang Madinugtongdugtongon, ug sa sangáh niinih nga gitawág "Dravidian" matúd pa ni anhing Norberto Romualdez.
Busah ang matuud ug masangputon nga pagtoón sa atong pinulungan, kinahanglang anhá ipasukád sa hingpit nga kasayuran sa mga puhng nga iglalanggikit. Sa ubús ko nga pagsabút, ang maayoh nga pagtoón ning mga puhng iglalanggikit makatabang paghatag katin-awan sa pípiláh ka butáng sa atong pinulungan, nga gikalisdan sa mga Oropanhon.
Apán una kitáh magpadayon sa atong pagsusih sa mga hiyas sa Binisayá, ipahinumdum ko sa mga magbabasah nga walay pinulungan nga naah ra gayúd suhd sa usáh ka matang; nga siyah Matinagsatagsahon ra lamang, kun lunsay ra nga Madinugtongdugtongon, o lubus ba nga Malinubay-lubayon. Dili kaná maóh ang matuud. Ang matuud maóh nga samtang ang usáh ka pinulungan sa kinaiyah sakup ning matangah kun niadtoh, nakaambit gihapon siyah sa pipiláh ka hiyas sa ubáng mga matang. Matúd pa ni Dr. Schmidt, ang bantugang Antropologó ug Pilologó sa Biyena: "Ang mga tawoh hinoon nang-iláh nga kiníng pagbahin sa mga kapulungnan waláy hugút nga kahulugan ug busah dili makahatag úg tumang kasayuran bahin sa kagulangón sa kapu- lungnan. Hinonoah ang pinulungan naglakát kanunay sa paaging maliyokliyokon kun bawudnon; ang tagsatagsah ka dila nagaagih ning tanáng mga ang-ang sa paaging kapin kun kulang sa pagkamakanunayon." (Primitive Revelation, p. 164.)
