Pedro nahiadtoh sa Latab ka gahapon",-sa ato pa,
natungha didtoh sa Latab ka gahapon. "Si Luís
nahibilanggo", sa ato pa, si Luís gipatungha o
gibutang suhd
sa bilanggoán.
Dinhih tinuud wala kaayoh molutáw kanáng "buút nga mapatunghaon" nga akong gihisgután nga naah sa Ebreyong "hi". Apán naah gayúd siyáh. Hinayah paglitók ug pabug-atíh ang "hi...." sa: "hi kit-an, hi abután, nahi adtoh, nahi bilanggo";-ug daw molutáw na kanáng tinguha sa pagpakakitá, pag-abút, pag-adtoh ug pagbilanggo."
Kon may pagkanahanáp kining "buút nga mapatunghaon", ang hinungdan.maóh ang maagid-agid nga dagway: "naha...., maha....", kay kining dagwayah nagpailáh lamang sa katunghaan sa kalihokang gihisgután. "Nahabunal, nahaadtoh, nahaabút",-nagpasabút lamang sa mga hitabó: bunal, adtoh, abút. ¿Nganoh?-Hinumdumíh nga ang "ha...." naah sa "hayáh" sa mga Ebreyo, kansang kahulugan maóh ang pag-angkol sa mga hitabó lamang. ingón sa giasoy na didtoh sa itaas. Sa laing pagkasultih, ang "hi...." daw nataban sa "ha....."
Kining maóng "buút nga mapatunghaon" tataw gayúd ning mosunúd: "himatid, himisi, himusíl, hinapi, himantay", diín daw nagbuntaóg kining kahiligan ngadtoh sa pagpatungha sa: "patid, pisi, pusíl, sapi, bantay."
Busah gitoohan ko nga may bug-at nga sandiganan kining dyutay, kong katin-awan. Gikan kaniyah masayón nang sabton nga labáwg kusúg ang: "nahigugmah, nahiumpok, nahidugmo, nahiadtoh",--kay sa: "nahagugmah, nahaumpok, nahadugmo, nahaadtoh."
Motubág ka tingalih, magbabasah, maayoh man; apán, ¿unsah na man lay nahitabó sa totolóh ka kagamitan sa atong “i...."? Maorág nahulug siyah intawon sa kamingaw.--- Walá, hinigugmang magbabasáh, walá gayúd. Aniah:
Usáh ka hiyas sa tanáng buhing pinulungan maóh nga samtang nagalakát ang mga katuigan, siláh ang mga
