nilah mosukarap kadtong ilang gipasibantug nga potensyál.
Apán ang kahulugan nga “butang" alang sa "ka"
tama kon siyáh maadtoh sa ngalan o nombre (kabuut, kabug-at, kaabtik), sa puligngalan (kaniyah, kanimoh), są nagkalainglaing kagamitan sa berbo;-sa tanan nga kagamitan nianang "ka....". Busah ingóg makasalig kitáh nga siyáy matuud nga kahulugan sa “ka....".
Dili supak nianang kahuluganah ang mga gitawag úg atong "abstract nouns", ingón pananglit sa: "katawhan, katunhayan, kamatuuran". Unah sa tanán, dili siláh tinuud nga "abstract nouns"; ug dili dakúg kalainan, kon lahí man ugaling, sa “katubhan, kabatoán, kakognan”.
Sugdon ta ang "katubhan". Dinhíh igkita ta ang. iglalanggikit "ka_an"; diín ang "ka...." hisayran na nato ang iyang kahulugan, ug ang _an" nagpailáh nga ang kalihokan sa dugukang gilanggikitan anhá mahitabó sa paaging pinaduyás sa suheto nga giisip nga “butáng”. Busah ang "katubhan” nagkahulugag: "butáng diín manaay "tubóh". Kiníh maoy kahulugan niyah kon ang dugukang “tubóh” gigamit ingóg berbo; busah naah siyah sa umaabut nga panahón. Ug kiníh maóy kahulugan hangtud dinhih sa "ka....an".
Apán ang dugukang "tubóh” mahimong gamiton ingóg nombre; ug sa ingón niana mahanaw na ang karón, miagih ug umaabut nga panahón; ug ang kahulugan sa “katubhan", maóh na kiníh: "butáng may❤tubóh". Ug ang kahulugan sa "kabatoán, kakognan”, “butáng nga may batóh, butáng nga may kogon". Sumala lagíh sa gisultih ko na didtoh sa Uluhan II, siláh mga "Collective Nouns" gayúd.
Sa ingón niinih, ang kahulugan usáb sa: “katawhan, katunhayan, kamatuuran" maóh ang: "butáng may tawoh, butang may pagtunhay o butáng mahitaboán sa pagtunhay, ug butáng may matuud." Busah maóh gihapon ang kahulugan sa "ka. " bisan dinhíh.
Sangputanan ning tanán: Ang "ka....an" dili potensyál.
