tunga, sa panahón natong perpekto. ¿Dili ha kiníh
usáh ka katarungan nga nagpasabút nga "ni...." gayúd
ang matuud niyang dagway?
Sa katapusan, ang mga tawoh naanad na ning duhá ka porma; pasagdan ta lang siláh dihá sa mga butáng nga ato lamang giduhaduhaan, sayúp ba kun dili.—- Tapus palandongah kiníng mga katarunganah, ¿dili ba hinoon kitáh makaingón nga ang "mi...." korupsyón sa "ni...."? ¿nga ang "ni...." tungúd sa "m" dihá sa "mo...." nabutad ngadtoh sa "mi...."?
Didtoh sa mga Uluhan X ug XI, nakita na ang gigikanan ning maóng kalainan. Maayong usbon siláh pagbasah, ug sabton pag-ayoh kadtóng nakapalain sa kabahinan sa atong mga panahón. Aniay laing mga panig-ingnan nga nakapalibog sa daghang mga langyaw ug hangtud gani sa maóng mga Sugbuanoh. Apán maoráh gihapon ang ilang katin-awan: ang panan-aw o panghuna-huna sa tawong nagahisgut.
"Wala akóh makalabáng sa pasulit kaniadtoh sa tuig miagih. Walá dayon si Tomás motooh sa nanagmantala sa pagkabanhaw ni Hesús."—Gigamit ang mga iglalanggikit alang sa umaabut, kay ang paglabáng umaabut o gipaabut man niadtong tinun-an; ug ingón man usáb ang pagtooh dihá kang Tomás. Maoráh usáb ang ikasultih ta bahin ning mosunúd: "Dili ka magpatáy; dili ka mamakák".
"¿Kanus-ah matawoh si Kristo? ¿Diín siyáh ilobóng?" —Gigamit ang "ma...., i...." nga alang sa umaabut, kay ang nangutanah buút magpasabút nga siyáh walá pa masayud, ug busah kiníng maóng kasayuran sa pagkatawoh ug sa dapít nga gilubngan, mga umaabut kun giisip nga umaabut alang niadtong nangutanah. Apán aniay lain: "¿Nganong mihilak ka man? ¿Piláh gud ka liboh ang gikawat?"—Dinhíh gigamit ang mga iglalanggikit alang sa nangagih na; ug makatarunganon nga
