labíng maayong sabton nga si Pedro tunghaan lamang sa
kahimtang ngá madulungon ngadtoh sa gihisgután nang
mga kalihokan o hiyas, hawá sa iyang panlimbasug ni
Pedro. Kay mahitabó man nga kitáh usahay maglagut,
malipay o maikag sa lain, daw sa walá lay hinungdan o
naingnan nga naggikán o gituyu sa atong gikalagutan.
Busah labíh gihapong tugbang sa tunga-tunga ang "makapa...."; sa ingón lahí siyág kahulugan sa: "magapa....". Ug arón matataw kiníng kahulugan sa "makapa....", sulatón ko siyáh ning paagihah: "Si Pedro ma ka-palagut;" ⲻnga sa ato pa, "si Pedro manaah sa kahimtang madulungon ngadtoh sa kalagut." Ug dayág na nga tunga-tunga.
Ang mga kalihokang giisip nga umaabut pa, malagmit ipahayag pinaagih sa "mo....", bahin sa dagwayng aktiboh ug tunga-tunga. Samah siyáh sa "ma...."; pulús siláh umaabut, ug pulús usáh sa panahóng perpekto. Apán managlain dihá sa piláh ka butáng. Kay ang "ma...." labíng tukma sa paaging tunga-tunga, samtang ang "mo...." sa aktiboh. Ang "ma...." walá kaayoh magtagád sa kabubut-on o paningkamut sa suheto, samtang ang "mo...." nagpalutáw niinih. Ang "ma...." buút lamang magpailáh sa umaabut nga kahimtang nga mahitungha sa suheto; ug ang "mo....", sa kalihokan nga naggikán sa maóng suheto.
Pananglitan; "Si Esteban molimpyo; si Esteban malimpyo." Sa unang panig-ingnan mailáh nato ang tuyo ug panglihok ni Esteban arón paglinis kaniyah o sa ubáng butáng; ug sa ikaduhá gipailáh lamang nga sa umaabut nga panahón si Esteban makahupút sa kahimtang sa pagkanalimpyo. Ang nahaunáh aktiboh ug ang ikaduhá tungatunga. "Ang tanúm modakú; ang tanúm madakú." - Pulús tunga-tunga; apán dinhá sa nahaunáh gipaibabáw ang kusúg sa pagdakú, ug sa ikaduhá ang kahimtang lamang sa pagkadakú.
Ang "ni...." maóy alang sa miagih na; tugbang si-
