Súmala sa miaging uluhan, ang "maka...." nagpasabút nga ang suheto tunghaan sa butáng ó kahimtang sa butáng (tunga-tunga); kun magpatungha ning maóng kahimtang, kon dawaton ta man ugaling ang huna-huna nga siyáh aktiboh. Ang "pa" lisúd sabtoñ; sa akong bana-bana, siyáh nagpasabút sa usáh ka kahimtang nga nagalungtad suhd sa panahóng gihisgután, apán nga nagalantaw ngadtoh sa umaabut. Sa laing pagkasultih, ang sa karón nga madulungon sa unyá dihá sa usáh ka pagtan-aw.
Busah, ang "gihimoh pa" nagkahulugan nga suhd sa panahóng gihisgután, ang kalihokang gipasabút naah na ug nga molungtad ngadtoh sa umaabut; ang "himoon pa", sa kahimtang sa pagkawalá-pay-buhat karón, apán nga kiníh gilantaw didtoh sa umaabut; "paadtoah", sa pagadtoh nga walá pa karón, apán nga gilantaw didtoh sa umaabut. Walá kinahanglanah nga hisayran ang gidugayón nianang umaabut. Gikinahanglan lamang ang pagpatonóng sa panan-aw ngadtoh sa umaabut, ug kiníh igo na.
Busah, ang "makapa...." nagpasabút nga ang suheto manaah unyá sa kahimtang o "butáng" nga maóy maingnan ngadtoh sa katunghaan sa usáh ka kalihokan o hiyas sa pagkamaóh. Ex. gr.: "Si Pedro makapalagut; makapaulboh; makapahubóg; makapahupay;" - nga nagpasabút nga si Pedro maóy maingnan nga magdaláh ngadtoh sa kalagut; ngadtoh sa pag-ulboh; ngadtoh sa kahubóg; ngadtoh sa kahupayan.
Kiníh siláh gisabút nga aktiboh niadtong nagtooh nga ang "maka...." potensyál; kay alang kanilah, siláh nagkahulugan nga si Pedro maóy magpatungha kun magdaláh ngadtoh sa katunghaan sa maóng mga kahimtang. Apán
