toy pamalangkap a tinalonaan tod sikatayo ran amin a nababalita
tan mabawag a maong a manulat, balet ta say pakaisip ko so nanlapo ya ed Tawen; tan siopaman ya akabasa nian sankaermenan ya nobila akoen ton akoen ya matalonay mapalalo. Singa nanengneng ya say autor ono nansulat, inaral toy pananulat to
ed saray sumusulat na nobila ya kakastila ed onkukurang a panaon, a nadadayew iraya ed pananulat dan yanoyano tan marandanet, a saray gawa ra lawas iran napnoy gracia ya agyan balot
onkukulang, Ontan man, sikato tinalonaan toni ra ed awey
na pananulat ton yanoyano, ya diad pangibaga toy sakey ya
agawa et niparungtal ton malinlinew so sakey a kipapasen
tan sakey a personaji ed tungtong to ya natalusan ya anggapoy duaruwa so labay ton ipatalus ono ibaga, ya anggapo Tay
pakakaukolay pangipaliwawa to. Tutongtongen toy inkagawa
na sakey a tubonbalon pilipino ————— ya mialaalaan ed sikato
————— ya inanak ed pankanawnawa tan binmaleg tan aluka.
say muling to ed mainawan panagbilay a niiter na kayamanan,
tan imbakid España ta pian diman mansumpal a manaral, tan
diad inkasumpal to tan impawil tod dálin ton nianakan et akabatan to ya inatey lay amá to, tan walaray papárin nanmurmuray pannodnunotan ed saya, ya anta ipapasen to rayan kakaaro to. Sinalor nen anak so uges na linawa da ra nia, tan saraya met dineral day ayadyari la ran plano to ya pangasawa tod
sakey a marikita kasipan to lan sipor ed inkaugaw to; diad liputan,
kinalamit dan impakasalanan ed sikatoy konwarin inalsan intongangad, uley ya imparaan da lan lamang, ya diad onia agamoran
day inkapaktak tod kipapasen to tan impatey to. Diad balibálin inkidatak ya anggapoy nankakames may nanbobontonan,
dakdake! ni ray arum iran totoo ono personaji ed nanduraman pasen tonian tungtong lalaki, bibii, ugugaw, tomatálon, taga uma,
taga báley, papári tan totoo ed amin a kipapasen ed bilay, tan nambabangil a poli, manlapod kakastilan puro tan pilipino met iran ag
alaokan. Malinlinew so impangiparungtal ed nanduruma ran nengneng na totoo tan asal, a ginawa yan balibáli tan marandanet, tan
ontan met so abig tan inkatugtuway impangisalaysay na ikukurang na tungtong, ya anta makisir so pankanawnaway manggagawa, ya say too legan ton babasaen singa ompapasen ed kipapasen da, midaramay ed inkaandian day ilalo, nalilikna toy ag natukor a kaermenan da ya nanlaok na sankaermenan met a tepel
a singa to patotoloken ya amin. Walara met ingey pasen a makapalpalek, ta si Rizal no panoy abig ton omaanlong ontan met
a mainomay toy manpalek tan ag onlabas ed sikatoy makapalpalek iran kipapasen. Say isusulat to sakey a tungtong a maermen
so asumpalan to, balet ta naaralan tod bilay ya aliwan amin ni
anggan karaklan ed saray manbabasa odino onnenengneng ed sakey a tungtong ono drama ya mansumpal ed maermen, et mabintay asal da, odino maparapit irad mabinta. Kanian say tungtong
to walaray pasen ton masaysayaksak tan malikeliket, ya no andi
raya et agla nisungdoy manayam ed sayan mundo ya kawalaay
ipapatey. Ontan man, anggano dia lad samay pasen a sankamakapalpalekan, say manbabasa singa siansian napapamelag toy inkasikato ed pakabibilibili toy karakpay kalakal na nanggawa ya
ag napatulok na nangis may elek, odino kaermenan may liket.
x
