This page has been proofread.
थ वेलस मुदु मालान कोखायाओ, माहाकालि धायाम्ह छम्ह उत्पर्त्ति जुलं, गथि नम्ह धालसा, माहा भयांकल मुति, धओ ताहाक च्वथ धालसा आकास चोन थ्य चोन गथि म्हगं भिल मुलर्त्ति, माहाका लि छम्ह हनं मेचुलु २ न फेयाओ, आज्ञा छु धक हालाओ चोनं ।। थ्वनंलि श्री माहादेवन जुलसां ध ज्ञा दयकलं, भो विल भद्र माहाकालि छपनि निम्ह ओनाओ पापि थ दछेप्रजापतिया अस्वमेध जज्ञेस चोनापिं सुयस्व कोटि देवता जछे गंधर्व्व किर्न्न दैत्य दानव नाग राछेस थ्वपनि सकल्यं चुर्न्न भुर्क्त थनाओ पापि थ दछे प्रजापति नास यानाओ तथि हुनि, जि मन सन्तोख यानाओ विओ, हनं छपनि जुलसां चतुखथि जोग्नि गननं नन्दि भिदि प्रमथ गन विखं जोल, पुरुर्त्ति सकल्यं ओनाओ
