Page:ADH 0007 A. Damhoeri - Palsafah Pakaian Penghulu jo Pidato Aluo Pasambahan Adat Minangkabau.pdf/6

From Wikisource
Jump to navigation Jump to search
This page has been proofread.
7
" S A L U A K"

Badeta saluak palangai jantan, bayangan isi dalam kulik. Panjang tak dapek di ukuo, leba tak dapek di bidau. Salilik lingkaran kaniang, ikek satuangan jo kapalo. Tiokk katuak baundang-undang, tiok liku aka manjala, dalam karuik budi marangkak, tambuok dek paham tiok lipek.
Lebanyo pandindiang korong dengan kampuang, panjang pandukuang anak kamanakan. Hamparan di rumah gadang paraok gonjong nan ampek.
Di halaman manjadi payuang panji kabasaran, tampek bataduah kahujanan, tampek balinduang kapanasan dek nan sapayuang sapatagak sarato dek nan salingkuang cupak adat, sapakat waris mandirikan sabuah kaum manjala masuak Nagari.

_______________________________________________________________

" B A J U  H I T A M"

Babaju hitam gadang langan, langan tasenseang tak pambangi bukan karano dek pamberang. pangipeh angek nan nyo dingin, pa- ampe miang-miang di kampuang, pangiki nan bungkuak saruweh, kan pambuang sipaik nan buruak.

Siba batanti timba baliak, mangilek mangalimantang, tatutuik jahitan pangkalan. Mambayangkan maule tak mangasan, mambuhuo tak mambuku.

Batang awauo ba-atok tungku


pangkanyo sarang limpasan


padi basasok jo hilalang


sariakk nan indak paguno lai.


Mambuhuo kok mambuku


maule kok mangasan


budi kok tampak dek urang


hiduik nan tidak paguno lai.

Lawik ditampuo tak barombak, padang ditampuo tak barangin. Budinyo halui bak lawik dalam, sipaiknyo bapantang ka-ajuakan, mangampuangan pasie nan jadi pantangannyo.
Langan bamiliek kiri jo kanan, bamisiek makau kaamasan, gadang barapik jo nan ketek, tando rang gadang bapangiriang. Tagak ba-