Ilaga la ding balatung qñg aduang basung danum anggang lambut lang mayap at dunutan yung mayap angga qñg dayuput ing sabo. Timplan asin o asucar, masqui isanung buri yu qñg aduang iti, anggang limang minuto bayu yu idayu qñg baya at yabe canita ing piga ning ungut. (P. V. de K.)
BALATUNG A ATING PUSUNG SAGUIN
- 1 tasang balatung
- 1 ungut
- 2 pusung saguin (ing laman yang pangilian mangalati)
Ilaga la ding balatung qñg metung basung danum at capitna anggang lambut la at layun yabe ing pusung saguin, dapot amasan pamu qñg asin atsaca luglugan mayap qñg danum. Pagsicapan malinis yang malinis ing pusung saguin uling nung ali maroc a lasa ing quecong ilutu. Limang minutu caibat niti ilaco na qñg pangatangab na at yabe canita ing pigang ungut. (P. V. de K.)
TAUGUENG BALATUNG
- 2 tasang taugue balatung
- 1 caputut, a gawan apat a opu at iti pangilian pang mangalati
- 1 tasang paro
- 2 cucharang taba
- 2 camatis
- 2 cabutilan a bawang /
- 1 sibuyas
- Casantingan a asin
Ibabad qñg danum ding balatung lub ning atlung aldo angga qñg milaco la balat at tumubu la;
88