Jump to content

Page:1934 Pamagconserva at Pamaglutung Filipino.pdf/162

From Wikisource
This page has been validated.


Mibiling metung cucharang maragul caniti qñg danum a metung basu at iti ya ing ipagmulmul.

PANULU QNG BULUC NING PANGISNAWA

Cuma cong acido fenico puro, 3 gramong 3 gramong ecencia de lemon 5 gramo ning esencia de menta ot 1 litro ning alcohol a de 60 grado. Piabe abayan iti. Mibili cong mapilan capatac caniti qñg metung basung danum at ya ing pagmulmul yu.

TINTANG PANIULAT QNG CRISTAL Piabayan ing atlung daque ning sulfato de Barita, metung floruro de amoniaco at casantiñgan dacal a acido sulforico. Ing tintang iti carin ibili, qñg boteng maquipagquit o caya parafina ban e mica sira ing bote. Ing tintang iti mañirang cristal. Iti ya ing paniulat qñg cristal a buring sulatanan.

PAMAGLINIS CARING CUBIERTONG PILAC

Ding cucharang gagamitan aldo aldo mallari lang aiñgatan malinis nung ibabad la qñg linaso matapang a borax quilub ning metung a oras. Nung wasan la qñg danum ding, cubiertong deti cailangan ing mapali o caya bubucal.

PAMIPALINO QNG CRISTAL O SALAMIN

Wasan mayap qñg danum a maquisabun atsaca cuscusan qñg imalan a mapino at palañgian, caibat nita cuscusan naman qñg basan a besa qñg gliceria.

PAMACAMATE QNG DICUT CARING ARDIN

Ban mate ing dicut qñg quecong ardin bulusanan yung gas o petroleo qñg anti caniti mate ing dicut caibat ning limang aldo.


158