Jump to content

Page:1934 Pamagconserva at Pamaglutung Filipino.pdf/159

From Wikisource
This page has been validated.


tie abau ra ding daguis ing bau ning lual la at canan da piju namang mangamate la.

ING DALAYAP MAYAP YANG PAGLINIS

Mibili cong ditac a bulac qñg metung a palitu at italbug ye qñg sabo ning dalayap atsaca ye icuscus qñg batung pomez atsaca icuscus qñg ipan.

NUNG MACAINUM CONG LASUN

Samantalang alayu pa ing minaus medico mibili cong pareu caracal a asin ampon mostasa qñg metung basung danum. Ipainum iti qñg mecainum lasun. Sumuca yang agad at milaco ing lasun. Nung luat ya pa ing medico painuman ye pang clarong ebun uling iti mayap pangontra qñg lasun.

NUNG MESUCSUC CONG PACUNG ATING CALAWANG

Nung e binang malalam wasan yu niamung mapaling danum a ating cayabe asin. Ibili yu qñg mapaling danum a ating mapilan patac ning acido carbolico. Mayap lubanan ya naman ing sugat '5 por ciento solucion ning acido carbolico.

NUNG MABABALANGINGI CAYU

E co durucu, nung e pagpilitan yung ing quecong panyu ya ing itapal yu qñg busbus yung arung ban tucnang ing daya. E co sisingap uling malaus murin ing daya. Nung e pa tucnang. Itas yo ding adua yung gamat at basan yeng marimlang da- num ing quecong tundun. Nung misan sulpitan yang agua de alumbre ing arung tucnang na ing balañgiñgi.


155