Jump to content

Page:1934 Pamagconserva at Pamaglutung Filipino.pdf/155

From Wikisource
This page has been validated.


lam, asucar asin at paminta. Patie bubucal na ibulug ing pepino, labanos at capaya. Anggang 3 minuto ibili ing bawang at sibuyas. Picpican yung mayap samantalang piabayan yu at gogogo. Apat a minutu pa isaca yu na.

PULVUS A PAGLINIS PILAC

Cremor .................................................. 60 gramo
Tawas a dinunut .................................... 30 "
Carbonato de Cal. (blanco de España) . 60 "

Piabayan mayap ing atlung iti ban mijalung mayap. Ing paralan ning pamañgamit caniti masa cong basan caniti atsaca yu icuscus caring cubiertong pilac. Gamitan mú ing pinung imalan. Caibat nita cuscusan yu qñg imalan a mabasa at palañgian

''PAGLINIS CARING CASANGCAPAN A NIKEL

Ing nikel maquintab ya nung ing ipaglinis pasta ning ammonia, at bicarbonato de sosa. Ing panguscus imalan a lana. Ing paglaco calawang cuscusanan yeng taba carnero qñg mapilan aldo. Caibat nita isisan yang batung malambut atsaca wasan qñg matapang a ammonia, banion qñg malino danum at cuscusan qñg malanging yeso. Ing masias a calawang milaco qñg anti caniti.

''PAGLINIS ALUMINIO

Nung ingatan la ding aluminio malut la. Ing metal a iti masisira ya qñg alcali at acido. Caibat sabunan banion ya qñg danum a malinis. E na capad niti ing linisan ya qñg magaspan, Ing mapinung paglinis yang gamitan.


151