Jump to content

Page:1934 Pamagconserva at Pamaglutung Filipino.pdf/152

From Wikisource
This page has been validated.


PAMANGAWANG LIMONADA

Metung a salicap a calamunding; paslan qñg walung basung danum at 10 tasang asucar. Pabucal 15 minuto. Ibili qñg bote at nung mangailangan cong limonada mibili cong metung basu caniti qñg 3 basung danum.

PAMANGAWANG TINTA

Daldac cong metung a librang agallo qñg asung. Ibabad qñg aduang tabung cervesa o danum a caugalian, e yu ipabucal, yabe yu ing anam a onzang dildac a guma arabiga at patie melaso na ating luntu babo pulvus vitriolo verde at nung ibili qñg danum iti tambing tuling. Salacan iti at mica mayap cong tinta.

PAMANGILALA QNG TUA NING EBUN

Aquilala mu ing tua na ning ebun nung ipalbug ya qñg danum. Nung saguiwa ya talindiquing ya lalam. Nung atlu neng domingo tua ing matilus nang maragul paitas yang baguia babo. Nung atlung bulan nanaman, talacad yang matulid qñg danum, ing matilus nang malati gumato ya.

PAMANIPUN EBUN

Ing ebun mallari yang isinup 8 o apulung bulan, ditac mu ing gastus, qñg capamilatan ning pamangamit silicato de soda. Nung biasa co caniti, macapagsamantala cayu qñg panaun a mura la ding ebun. Anti queni ing daptan: ing ebun cailangan yang saguiwa. Lumaso cong silicato (1 balang 9 a danum) qñg malinis a danum. Queti ya


148