lang apulung tasang mangga, dinan anam a tasang mayumu o asucar. Ilutu anggang dayuput at cabang bubucal ibili caring mayap a panga bangling garapun at tacpan majigpit.
HALAYANG PAPAYA—Talipan ya ing malulut a capaya atsaca ya wasan; pirasuan ya at ilaco la ding anggang butul; amasan ya. Qñg balang 10 tasang laman capaya dinan 7 1/2 tasang asucar. Pabucal anggang dayuput. Mapilan a dalayap ing idagdag samantalang ilulutu at iti macabie niyaman qñg cayang lasa. Ibili qñg bingling garapun samantalang mapali at tacpan mayap, ban e mallaring luban ning angin.
HALAYANG PIÑA—Talipan ya at ilaco ding mata. Pamimirasuan at ipabucal anggang lambut qñg ditac a danum. Caibat nita idalan qñg maquinang paglaso carne at balang 10 tasang piña dinan 7 1/2 tasang mayumu o asucar. Ilutu anggang dayuput at samantalang mapali pa ibili qñg garapun a bingling mayap at tacpan yang majigpit.
HALAYANG LANSONES—Talipan at picawacawanian la ding balila. Ilaco la ding butul at pangilian yang mangalating pirasu. Qñg balang 1 tasang lansones dinan 3/4 tasang asucar. Ilutu anggang dayuput. Ibili qñg garapun a bingli samantalang mapali at tacpan majigpit ban e lungub ing angin.
HALAYANG GUABANA—Talipan ya ing bungang maluluat at ilaco la ding butul. Paralan qñg guilingan carne. Qñg balang 1 parteng laman guabana dinan 1 parteng mayumu at pabucal anggang dayuput. Ibili qñg bote o garapun cabang mapali at
132