Jump to content

Page:1934 Pamagconserva at Pamaglutung Filipino.pdf/111

From Wikisource
This page has been validated.



cat pacat. Qñg metung a curan mibili cong atlung basung danum at pigang ungut. Pamamucal ning danum at piga ibili yu la ding bolita (pengili) at ing tapung a pidulangan paburen qñg api anggang malutu ing balita. (E. M. de K.)

22. PEPALTO TAPUNG ABIAS LACATAN

2 tasang tapung lacatan
1 ungut a inadyad mapino
1 tasang asucar repinado.

Amasan qñg danum ing tapung lacatan, palapaían a anti mong mamesos ing tapung a inamas at ing capal nung mallari maimpis la pa qñg mamesos, dapot ing forma anti ya naman caniti. Pabucal danum qñg metung a caserola o cuwaling malinis at alang taba at istung panga bucal na ibulug yong miliwas liwas ding tapung a anti mong mamesus. Ding anggang gumato qñg danum a bubucal, lutu na la mallari nong yapag. Qñg capamilatan na ning tenenor tungal tungal lang ilera qñg bandeja. Qñg babo na niti ibucud ing ungut a quinayud at babo na nita ing repenado a parejo ing pangabubud na. (E. M. de K.)

23. SINUDSUD

2 tasang tapung abias lacatan
2 ebun manuc
1/2 tasang asucar
1/2 tasang taba

Batian lang mayap ding aduang ebun; yabe ing asucar, ituqui ing tapung o arina, dapot tungal ditac ique at ditac mu namang danum, ban mipareu ing panga masa na at mailaring acua qñg pama-


107