PAMAGLUTU CARING PUTU O CAPANGAN
MAMUN A ATING ABE MANTIQUILLA
Batian la ding limang ebun, at abayanan atlung tasang asucar a repinado. Batian mayap at layun abayanan apat a tasang arina at caibat na nita masan mayap, qñg metung a tasang danum iyabe yu qñg panagmasang iti at canita dinan pang metung cucharitang bicarbonato de soşa, caibat na nita masan yu nanamang mayap at ibili yu ne qñg urmajan ban ilutu qñg hornu.
14. BENWELOS A SAGUIN
- 4 saguin a malulut, lalung mayap ding saba
- 1 tasang mantiquilla
- 6 cucharang tapung ning abias o arina
- 1 ebun manuc
- 4 cucharang asucar "suchar"
- 1 cucharitang lebadura.
Batian la ding ebun, liguisan lang mayap ding saguin at yabe la canita ding anggang casangcap na, angga qñg mijalung mayap. Ititing tungal cuchara qñg cualing casantingan a tangab; at deting anggang tiniting deti isoso la qñg mayumung repinado, ban sumanting la ichura. (P. V. de K.)
15. BARUYANG SAGUIN
- 8 cucharang asucar
- 8 saguin saba
- 1 tasang tapung abias
103