Jump to content

Page:1934 Pamagconserva at Pamaglutung Filipino.pdf/101

From Wikisource
This page has been validated.



dali; acbacan ya qñg cuwayan atsaca ya inangnang babo baya o ilub ye qñg ornu nung atin; patie lutu ne dinan yang camatis a saguiwa a pengili at dinan casantingan a asin. (E. M. de K.)

PATOLANG ATING ABE MISWA

2 patatas at 2 baguius manuc
2 patola
1 tasang miswa a pemutut 2 dali
1 sibuyas
2 binutil bawang
2 cucharang taba
2 basung danum

Ilaga ya qñg caserola ing manuc. Patie malambut ne isaca ya qñg api. Qñg metung a cuwali pabanglu cong bawang qñg taba, ituqui ing sibuyas, manuc at patola atsaca yabe ing sabo pilagan manục. Pamamucal nang apulung minuto ibulug ing miswa at calabasa na ning apulung minuto mallari yu nang yapag. (E. M. de K.)

TORTILLANG PATOLA

1 patola
2 ebun manue
2 camatis a malulut at pengili
2 binutil bawang
3 cucharang taba.

Pabanglu cong bawang qñg metung cucharang taba, ituqui ing camatis at patola ban iguisa. Qng metung a pingan sabulan lang mayap ding 2 ebun at queti yabe ing guisang patola. Qng metung a malinis a cuali ipiritu ing tortilla qñg mitagan aduang


97