This page has been proofread.
81
mǎ-tuo̿i, 28.
- Iŏ̤ng nêng o̤̿ng-bóng-ciě ko̤̿ gi̿ng Bǐ-là-dó̤ giǔ Iǎ-Sú gâ̤ séng-chí. Bǐ-là-dó̤ ciū gáu-dō nêng nà séng-chí nă gṳ̀.
- Iŏ̤-să̤ nà Iǎ-Sú gâ̤ séng-chí, dé ko̤̿, nà lâi-lī gâ̤ nō̤ng iáu-gí báu kǐ lâ̤,
- Bo̿ng hā cù-cī gâ̤ séng dě̤ng, iŏ̤ng dě̤ng sī chù da̿u ciō̤-ngâng dǐ-bíng gâ̤; nà duōi ciō̤ chiá da̿u dě̤ng-mô̤ng-chṳ̿ cà̤-diū, ciū ko̤̿-tiāu.
- Iǔ Muŏi-duōi-là gâ̤ Mǎ-lī-ngā, iáu ŭ ciă Mǎ-lī-ngā, câi-câi cō da̿u iŏ̤ng dě̤ng do̤̿ng-mô̤ng.
- ¶ Iŏ̤ng cì góng sī o̿-do̿ gua̿-căi gâ̤ nì-ciĕ. Di̿ nī góng duōi ci̿-sí iáu Huă-lī-so̿ nêng dú cṳ̀ da̿u Bǐ-là-dó̤ ŭ-di̿,
- Uā, Duōi-nêng, uòi-huo̿i-nêng gi̿-dă̤ ŭ ciă pi̿ng bă-sia̿ng gâ̤ nêng sáng dō̤-di̿ gâ̤ sî-hē uā-gua̿, Gua̿ sáng góng uòi ŏ̤ hŭ-sáng kǐ lâ̤.
- Gu̿-chu̿ chiăng nì pa̿i béng nà gṳ̀ gâ̤ dě̤ng ia̿ng-diū sáng góng, giáng gṳ̀ gâ̤ hă-sáing o̤̿ng-mâng lâ̤ nà gṳ̀ gâ̤ séng-chí té ko̤̿, ciū iáu bă-sia̿ng uā, Gṳ̀ giǎng sǐ-nêng dǐ-bíng hŭ-sáng kǐ lâ̤: iŏ̤ng-gă̤-sĭ ŭ hē-mṳě pi̿ng bă-sia̿ng gâ̤ dī, piāng tê-chîng gâ̤ ga̿ing lī-huōi.
- Bĭ-là-dó̤ iáu gṳ̀ uā, Nì cù-cī iǔ béng ŏ̤ ia̿ng: cèng nì gâ̤ lì-liōng ia̿ng-dă̤ gěng-gěng-di̿.
- Ŭ duói nêng ciū ko̤̿, nà dě̤ng-mô̤ng-chṳ̿ gâ̤ ciō̤ cà̤-dă̤ ì-lò̤-lò̤-di̿ ǐ nà hóng-piāu hóng-diū, béng iǎ da̿u ŭ-di̿ ia̿ng.
Di̿ 28 Cióng.
- Úing-sĭ-nì ka̿ing gua̿, chĭ góng gâ̤ tê cì góng, tíng châng-châng-guáng gâ̤ sî-hē, Muŏi-duōi-là gâ̤ Mǎ-lī-ngā iáu ŭ ciă Mǎ-lī-ngā lâ̤ chū dě̤ng.
- Sáng-bŭ-lěng-děng diá à cèng dòng kǐ lâ̤; Cṳ̌ sǎ̤-chṳ̿ gâ̤ giǎng tíng-di̿ à lâ̤, giǎng-ce̿ng nà dě̤ng-mô̤ng-chṳ̿ gâ̤ ciō̤ chiá-kṳé, cō hā ciōng-bíng.
- Gṳ̀ gâ̤ sio̿ng-māu su̿-siōng iāng-dáu, í-ciông bā iáu sṳĕ ĭ-búing:
