This page has not been proofread.
- LŪ-GÁ, 2. 141
- cì bǒng huăi à lâ̤ gâ̤, Huă-nō-lì gâ̤ á-niông-gṳ̌ing, iŏ̤ng-cì-sî nîng-gǐ cèng sē lò̤, gṳ̀ ca̿ séng-niông kǐ iáu sé̤ng-é̤ng câi diū chǐ nîng.
- 37 Hē-mṳě siǔ-guǎ băi-sī-si̿ nîng, mâng-nì hū-sū Ciōng-Di̿, ge̿ng-diū ēng iè gǐ-dǎu; iŏ̤ng-cì-sî dú ēng chṳ̆ dāing.
- 38 Ka̿ing-ka̿ing iŏ̤ng-cì-dēng gṳ̀ giǎng-ce̿ng lâ̤ iǎ do̿-ciā Ciōng-Di̿, ǐ nà iŏ̤ng gṳ̌ing-ciě gâ̤ dī iáu ŭ duói dǎing Iǎ-lū-să-lǎing gâ̤ sêng nă Cṳ̌ chiǔ da̿u-tê gâ̤ nêng uā.
- 39 Iǒ̤-să̤, Mǎ-lī-ngā cia̿u-diū Cṳ̌ gâ̤ lṳ̆-huă ěng sū-mū dī dú ca̿ làu, ciū da̿u-tê ko̤̿ Gá-lī-lī gâ̤ Nà-sǎ-là̤, cù-cī gâ̤ hióng-lǐ-di̿ ko̤̿.
- 40 Iŏ̤ng gṳ̌ing-ciě māing-māing-di̿ duōi kǐ lâ̤, séng-tǐ ngāing-că dă̤-diō̤ sí̤-cṳ̆ gâ̤ chóng-měng, Ciōng-Di̿ gâ̤ áing-hṳ̄ cia̿u-gu̿ gṳ̀.
- 41 Da̿u gua̤̿-mô̤ng-tê căi gâ̤ sî-hē, gṳ̀ gâ̤ dá-nǎi nîng-nîng dú iòng Iǎ-lū-să-lǎing-di̿ ko̤̿.
- 42 Iǎ-Sú sí-nī hṳe̿ gâ̤ sî-hē, cia̿u-diū căi-ki̿ gâ̤ lī-gṳ́ iáu gṳ̀-huōi-nêng câi iòng Iǎ-lū-să-lǎing.
- 43 Gua̿-căi làu, ciū kǐ-séng chio̤̿ ko̤̿, ŭ gṳ̌ing-ciě Iǎ-Sú gu̿ da̿u Iǎ-lū-să-lǎing; gṳ̀ gâ̤ dá-nǎi dú ēng hiǎu-dǎ̤.
- 44 SIǒng gṳ̀ sī iáu gōng bó̤ng gâ̤ nêng câi giǎng, giǎng cì góng gâ̤ diō̤ làu, ciū da̿u chéng-cia̿ng bǎing-iǔ dǐ-bíng ko̤̿ lāu gṳ̀.
- 45 Lāu ēng diō̤, ǐ da̿u-tê Iǎ-lū-să-lǎing ko̤̿ lāu gṳ̀.
- 46 Gua̿-tiāu sáng góng, ciū da̿u dāing-di̿ lāu-diō̤ gṳ̀ iáu síng-sáing ca̿i cì-dó cò, cì-bíng tia̿ng-nī, cì-bíng mōng gṳ̀ gâ̤ dī.
- 47 Tia̿ng-nī-gi̿ng gâ̤ nêng dú hí-gǐ, éng-ṳē gṳ̀ gâ̤ chóng-měng iáu gṳ̀ gă-a̿ing gâ̤ dī dú ngò̤-ngò̤-di̿.
- 48 Iǎ-Sú gâ̤ dá-nǎi chū-gi̿ng gṳ̀ gâ̤ sî-hē cèng gǐ-guo̿i: gṳ̀ nǎi ciū iáu gṳ̀ uā, Uòi gâ̤ gṳ̌ing, nì ca̿-sū-dī iáu uôi-huōi-nêng iŏ̤ng-gă̤-sĭ ca̿? nì dá iáu uòi sióng-séng-séng-di̿ lâ̤ lāu nì.
- 49. Iǎ-Sú iáu gṳ̀ uā, Nì ṳe-sū-dī lâ̤ lāu uòi? nì gu̿ ēng dă̤-dí uòi cǒng niōng da̿u uòi Dá chio̤̿-di̿?
