This page has not been proofread.
Dy frysiy kwaoł
Fun siejna grusa gybiygia
flaojst a kwaoł fryś an kaołt.
Waor dos woser wyt trynkia,
waor dos woser wyt trynkia,
błajt jung an nymer aołd.
Ych ho fur kwaoł gytrunka,
gywys siun ny an śłung.
Ych bej ny aołd gywiüda,
ych bej ny aołd gywiüda,
ych bej nö ymer jung.
An waor dos ny wył głöen,
zuł gejn cy daom siejna fłüs.
Dy kwaoł flaojst ymer weter,
dy kwaoł flaojst ymer weter,
oły gejn cyr kwaoł cy füs.
