This page has been proofread.
᱑᱒. ᱮᱴᱟᱜ ᱟᱲᱟᱝ ᱟᱯᱱᱟᱨ ᱨᱚᱲᱨᱮ
ᱱᱚᱶᱟ ᱵᱟᱭ ᱛᱟᱦᱮᱸᱱ ᱠᱷᱟᱱ ᱟᱹᱰᱤᱜᱟᱱ ᱚᱱᱠᱟᱱ ᱟᱲᱟᱝ ᱢᱤᱢᱤᱫᱴᱟᱝ ᱨᱚᱲᱨᱮ ᱢᱮᱱᱟᱜ ᱟ, ᱚᱱᱟᱫᱚ ᱮᱴᱟᱜ ᱠᱚᱣᱟᱜ ᱨᱮ ᱵᱟᱢ ᱧᱟᱢᱟ ᱾ ᱚᱱᱠᱟᱛᱮ ᱚᱱᱟᱴᱟᱝ ᱮᱢ ᱨᱚᱲ ᱠᱷᱟᱱ ᱟᱲᱟᱝ ᱵᱚᱫᱚᱞᱚᱜ ᱟ ᱾ ᱡᱮᱢᱚᱱ ᱟᱵᱚᱣᱟᱜ ᱜᱟᱹᱦᱞᱟ ᱦᱟᱱᱟᱝ ᱟᱲᱟᱝ ᱟᱹᱰᱤᱜᱟᱱ ᱡᱟᱹᱛᱤᱨᱤᱱ ᱦᱚᱲᱟᱜ ᱨᱚᱲᱨᱮ ᱵᱟᱹᱱᱩᱜ ᱟ ᱾ ᱚᱱᱠᱟᱨᱮ ᱩᱱᱠᱩ ᱟᱵᱚᱣᱟᱜ ᱠᱚ ᱪᱮᱫ ᱠᱟᱛᱮ ᱠᱚ ᱨᱚᱲᱠᱷᱟᱱ ᱟᱲᱟᱝ ᱢᱟ ᱮ ᱮᱴᱟᱜᱚᱜ ᱜᱮᱭᱟ ᱾ ᱫᱤᱠᱩ ᱠᱚ ᱚᱱᱟᱛᱮ ᱟᱵᱚᱣᱟᱜ ᱪᱮᱫᱚᱜ ᱫᱚ ᱾ ᱵᱟᱭ ᱟᱞᱜᱟ ᱦᱟᱠᱚᱣᱟ ᱾ ᱵᱮᱸᱜᱚᱞ ᱥᱮᱫᱦᱚᱸ ᱱᱚᱶᱟ ᱜᱟᱹᱦᱞᱟᱹ ᱨᱮᱭᱟᱜ ᱪᱚᱞᱚᱛ ᱵᱟᱹᱱᱩᱜᱛᱮ ᱫᱟᱹᱞ ᱫᱚᱠᱚ ᱢᱮᱱᱟ ᱫᱟᱞ, ᱦᱟᱹᱠᱩ ᱫᱚᱠᱚ ᱢᱮᱛᱟ ᱠᱚᱣᱟ ᱦᱟᱠᱩ, ᱟᱹᱵᱤᱱ ᱫᱚ ᱠᱚ ᱢᱮᱱᱟ ᱟᱵᱤᱱ ᱾
