This page has been proofread.
75
ᱵᱮᱱᱟᱣᱜ ᱠᱟᱱᱟ, ᱚᱱᱟᱫᱚ ᱵᱟᱭ ᱵᱟᱰᱟᱭ ᱫᱟᱲᱮᱭᱟᱜ ᱟ ᱾ᱚᱠᱟ ᱚᱠᱟ ᱟᱲᱟᱝ ᱞᱟᱹᱜᱤᱫ ᱚᱠᱟ ᱚᱠᱟ ᱨᱚᱲᱠᱚᱲ ᱮ ᱠᱟᱹᱢᱤ ᱠᱟᱱᱟ,ᱚᱱᱟ ᱤᱫᱤ ᱠᱟᱛᱮ ᱠᱟᱹᱡ ᱵᱟᱰᱟᱭᱫᱚ ᱞᱟᱹᱠᱛᱤᱜᱮ ᱾ᱚᱱᱟ ᱵᱟᱝᱠᱷᱟᱱ ᱞᱟᱹᱠᱛᱤ ᱡᱟᱹᱱᱤ ᱟᱭᱚ ᱟᱲᱟᱝ ᱵᱷᱮᱜᱮᱫ ᱮᱴᱟᱜᱟᱜ ᱵᱟᱭ ᱨᱚᱲ ᱜᱟᱱᱟ ᱾ ᱯᱷᱚᱯᱥᱟ ᱠᱷᱚᱱ ᱥᱟᱦᱮᱸᱫ ᱢᱚᱪᱟ ᱦᱚᱨᱛᱮ ᱚᱰᱚᱠᱚᱜ ᱡᱚᱦᱚᱜ ᱨᱚᱲᱠᱚᱲ ᱨᱮᱭᱟᱜ ᱟᱹᱰᱤᱜᱟᱱ ᱡᱟᱭᱜᱟᱨᱮ ᱛᱟᱹᱠᱤᱡᱚᱜ ᱟ ᱟᱨ ᱟᱲᱟᱝ ᱚᱪᱚᱭᱨᱮ ᱜᱚᱲᱚᱭ ᱮᱢᱟ ᱾ ᱟᱲᱟᱝ ᱚᱱᱟ ᱨᱚᱲᱠᱚᱲ ᱨᱮ ᱪᱮᱫ ᱞᱮᱠᱟ ᱛᱟᱹᱠᱤᱡᱚᱜ ᱟ, ᱚᱱᱟ ᱵᱟᱰᱟᱭ ᱞᱟᱹᱜᱤᱫ ᱨᱚᱲᱠᱚᱲ ᱨᱮᱭᱟᱜ ᱦᱟᱹᱴᱤᱧ ᱟᱨ ᱠᱟᱹᱢᱤ ᱵᱟᱰᱟᱭ ᱞᱟᱹᱠᱛᱤ ᱾
