Page:ᱨᱚᱲ ᱥᱟᱬᱮᱥ.pdf/13

ᱨᱤᱯᱤᱫ ᱡᱟᱹᱯᱤᱫ ᱠᱟᱛᱮᱦᱚᱸ ᱟᱹᱰᱤᱜᱟᱱ ᱢᱚᱱᱮ ᱩᱭᱦᱟᱹᱨ ᱦᱚᱲ ᱮ ᱛᱩᱱᱩᱢ ᱧᱟᱢ ᱜᱚᱫ ᱫᱟᱲᱮᱭᱟᱜ ᱜᱮᱭᱟ ᱾ ᱤᱠᱷᱟᱹᱱ ᱱᱚᱶᱟ ᱩᱭᱦᱟᱹᱨ ᱪᱮ ᱥᱚᱫᱚᱨ ᱠᱚᱫᱚ ᱥᱟᱬᱮᱥ ᱪᱮᱠᱟᱛᱮ ᱵᱤᱥᱲᱤ ᱵᱟᱭ ᱜᱟᱱᱚᱜ ᱟ ᱾ ᱚᱱᱟᱛᱮ ᱱᱚᱝᱠᱟᱱᱟᱜ ᱫᱚ ᱨᱚᱲ ᱢᱮᱱᱛᱮ ᱵᱟᱭ ᱢᱮᱱᱚᱜᱚᱜ ᱟ᱾ ᱚᱱᱟ ᱵᱟᱝ ᱯᱮᱨᱮᱡ ᱦᱚᱨᱟ ᱫᱚ ᱯᱮ ᱥᱮᱫ ᱛᱮ ᱦᱟᱹᱴᱤᱧ ᱦᱩᱭ ᱫᱟᱲᱮᱭᱟᱜ ᱟ-

(᱑) ᱟᱸᱡᱚᱢ ᱠᱟᱛᱮ - ᱥᱟᱢᱟᱝ ᱨᱮᱢ ᱛᱟᱦᱮᱸᱱ ᱠᱷᱟᱱ ᱠᱟᱹᱴᱩᱵ ᱛᱮ ᱪᱟᱹᱯᱩ ᱡᱚᱛᱮᱫ ᱠᱟᱛᱮ, ᱫᱟᱱᱟᱝ ᱨᱮ ᱛᱟᱦᱮᱱ ᱠᱷᱟᱱ ᱛᱷᱟᱭᱚ ᱠᱟᱛᱮ ᱡᱟᱦᱟᱸ ᱛᱤᱱ ᱟᱹᱣᱲᱤᱡ ᱢᱚᱱ ᱨᱮᱱᱟᱜ ᱟᱹᱣᱠᱟᱹᱣᱟᱜ ᱩᱭᱦᱟᱹᱨᱚᱜ ᱥᱚᱫᱚᱨ ᱫᱟᱲᱮᱭᱟᱜᱻᱟᱢ ᱾ ᱰᱟᱠ ᱚᱲᱟᱜ ᱨᱮ ᱛᱟᱨ ᱨᱮ ᱴᱤᱠ ᱴᱤᱠ ᱥᱟᱰᱮ ᱚᱰᱚᱠ ᱠᱟᱛᱮ, ᱚᱯᱷᱤᱥ ᱚᱲᱟᱜ ᱨᱮ ᱛᱟᱦᱮᱸ ᱠᱟᱛᱮ ᱦᱚᱦᱚ ᱜᱷᱟᱱᱴᱤ ᱼ (Calling Bell) ᱥᱟᱰᱮ ᱚᱪᱚ ᱠᱟᱛᱮ, ᱪᱤ ᱡᱟᱦᱟᱸᱱᱟᱜ ᱵᱟᱹᱲᱤᱡ ᱜᱷᱚᱴᱚᱱ ᱨᱮ ᱜᱷᱟᱱᱴᱟ ᱨᱩ ᱠᱟᱛᱮ, ᱛᱤᱨᱣᱟᱹᱣ ᱟᱨ ᱵᱟᱱᱟᱢ ᱨᱮ ᱵᱷᱤᱱᱟᱹ ᱵᱷᱤᱱᱟᱹ ᱨᱟᱦᱟ ᱨᱮᱛᱟ ᱠᱟᱛᱮ ᱢᱚᱱ ᱨᱮᱭᱟᱜ ᱵᱷᱟᱵᱽ ᱮᱢ ᱵᱟᱰᱟᱭ ᱚᱪᱚ ᱫᱟᱲᱮᱣᱟᱠᱚᱣᱟ ᱾ ᱵᱚᱦᱚᱜ ᱛᱤᱨᱩᱵ ᱠᱟᱛᱮ ᱢᱤᱫᱴᱟᱹᱝ ᱯᱟᱦᱨᱟᱫᱟᱨ ᱵᱟᱝᱠᱷᱟᱱ ᱥᱤᱯᱟᱹᱦᱤ ᱟᱡᱤᱡ ᱥᱮᱬᱟ ᱚᱯᱷᱤᱥᱚᱨ ᱞᱟᱹᱜᱤᱫ ᱥᱟᱵᱽᱫᱷᱟᱱ ᱠᱟᱛᱮ ᱛᱤᱸᱜᱩ ᱟᱨ ᱡᱟᱦᱟᱸ ᱥᱟᱞᱭᱩᱴ ᱮ ᱮᱢᱟ, ᱚᱱᱟ ᱫᱚ ᱟᱡᱟᱜ ᱢᱚᱱ ᱨᱮᱭᱟᱜ ᱢᱟᱹᱱ ᱵᱷᱟᱵᱽ ᱜᱮ ᱾

(᱒) ᱪᱟᱹᱯᱩ ᱡᱚᱴᱮᱛ ᱠᱟᱛᱮ ᱼ

ᱢᱤᱫᱴᱟᱹᱝ ᱠᱟᱬᱟ ᱠᱟᱴ ᱵᱟᱝᱠᱷᱟᱱ ᱫᱷᱟᱛᱩ ᱛᱮ ᱯᱟᱹᱛᱤ ᱠᱚᱜ ᱟᱠᱷᱚᱨ ᱡᱚᱴᱮᱛ ᱠᱟᱛᱮ ᱚᱱᱟᱭ ᱪᱮᱫᱟ ᱟᱨ ᱚᱱᱟ ᱦᱚᱛᱮᱛᱮ ᱯᱮᱨᱮᱡ ᱟᱹᱭᱟᱹᱛ ᱨᱮᱱᱟᱜ ᱥᱟᱸᱫᱮᱥ ᱦᱚᱸᱭ ᱦᱟᱛᱟᱣ ᱫᱟᱲᱮᱭᱟᱜ ᱠᱟᱱᱟ ᱾ ᱠᱩᱸᱵᱽᱲᱩ ᱰᱟᱠᱟᱛ ᱠᱚᱦᱚᱸ ᱧᱩᱛ ᱧᱤᱸᱫᱟ ᱨᱮ ᱛᱤᱛᱤ ᱪᱟᱹᱯᱩ ᱠᱟᱛᱮ ᱟᱹᱰᱤ ᱜᱟᱱ ᱵᱷᱟᱵᱽ ᱠᱚ ᱥᱚᱫᱚᱨᱟ ᱾