This page has not been proofread.
ᱧᱮᱪᱮᱞ– ᱡᱟᱦᱟᱸᱭ ᱦᱚᱲᱟᱜ ᱡᱟᱦᱮᱨ ᱵᱚᱸᱜᱟ ᱨᱮ ᱯᱟᱹᱛᱭᱟᱹᱣ ᱵᱟᱹᱱᱩᱜᱼᱟ, ᱩᱱᱤ ᱫᱚ ᱥᱟᱱᱛᱟᱲ ᱫᱚ ᱵᱟᱝ ᱠᱟᱱᱟ ᱾
ᱡᱟᱦᱟᱸᱭ ᱦᱚᱲ ᱜᱩᱡᱩᱜ ᱵᱟᱭ ᱵᱚᱛᱚᱨᱟᱜᱼᱟ, ᱚᱠᱚᱭᱮ ᱵᱚᱛᱚᱨ ᱚᱪᱚ ᱫᱟᱲᱮᱭᱟᱜᱼᱟ ᱾
ᱛᱚᱱᱚᱲ ᱛᱚᱝᱜᱮ ᱟᱹᱭᱟᱹᱛ (Adverb sub-Sentance)
ᱢᱤᱫᱴᱟᱹᱝ ᱟᱹᱭᱟᱹᱛ ᱛᱚᱱᱚᱲ ᱛᱚᱝᱜᱮᱭᱟᱜ ᱦᱩᱭ ᱠᱚᱜ ᱠᱷᱟᱱ, ᱢᱮᱱᱫᱚ ᱠᱟᱱᱣᱟ ᱨᱮᱭᱟᱜ ᱚᱠᱛᱚ, ᱴᱷᱟᱶ, ᱚᱡᱮ, ᱞᱟᱜᱟᱫ, ᱚᱨᱡᱚ, ᱩᱫᱤᱥ ᱛᱩᱞᱟᱹᱡᱚᱠᱷᱟ ᱮᱢᱟᱱ ᱞᱟᱹᱭ ᱠᱷᱟᱱᱮ ᱩᱱᱤ ᱟᱹᱭᱟᱹᱛ ᱫᱚ ᱛᱚᱱᱚᱲ ᱟᱹᱭᱟᱹᱛ ᱢᱮᱱᱛᱮ ᱢᱮᱱᱚᱜᱚᱜᱼᱟ ᱾
ᱚᱠᱛᱚ-ᱩᱱᱩᱢᱚᱜ ᱚᱠᱛᱚ ᱨᱮ, ᱪᱮᱫ ᱦᱚᱸ ᱵᱟᱢ ᱦᱟᱛᱣᱟ ᱧᱟᱢᱟ ᱾
ᱴᱷᱟᱶ-ᱡᱟᱦᱟᱸ ᱨᱮᱜᱮ ᱞᱟᱝᱜᱟᱢ ᱵᱩᱡᱷᱟᱹᱣ, ᱚᱸᱰᱮᱜᱮ ᱡᱤᱨᱟᱹᱣᱜ ᱢᱮ ᱾
ᱚᱡᱮ-ᱟᱢᱮᱢ ᱠᱟᱹᱭ ᱟᱠᱟᱜᱼᱟ, ᱰᱟᱸᱰᱚᱢ ᱮᱢ ᱛᱮᱜᱮ ᱦᱩᱭ ᱟᱢᱟ ᱾
ᱞᱟᱜᱟᱫ-ᱟᱢᱮᱢ ᱚᱞᱚᱜ ᱠᱷᱟᱱ, ᱠᱷᱚᱨᱚᱪ ᱫᱚᱧ ᱮᱢᱟᱢ ᱜᱮᱭᱟ ᱾
ᱚᱨᱡᱚ-ᱜᱤᱫᱟᱹᱨᱮᱢ ᱥᱮᱪᱮᱫ ᱥᱮᱭᱟᱱ ᱠᱟᱭ ᱠᱷᱟᱱ, ᱢᱤᱫ ᱫᱤᱱ ᱫᱚ ᱵᱮᱥ ᱦᱚᱲᱟᱜ ᱟᱭ ᱾
ᱩᱫᱤᱥ-ᱪᱟᱛᱚᱢ ᱥᱟᱵ ᱛᱟᱨᱟᱠᱟᱜ ᱢᱮ, ᱯᱟᱪᱷᱮᱭᱮ ᱫᱟᱜᱽ ᱾
ᱛᱩᱞᱟᱹᱡᱚᱠᱷᱟ-ᱟᱡ ᱢᱟ ᱱᱤᱱᱟᱹᱜ ᱮ ᱡᱚᱢ ᱠᱮᱜᱼᱟ, ᱟᱡ ᱫᱟᱫᱟ ᱫᱚ ᱟᱨᱦᱚᱸ ᱰᱷᱮᱨᱮ ᱡᱚᱢ ᱟ ᱾
