ᱥᱤᱭᱩᱜ ᱤᱧ ᱡᱚᱲᱟᱣ ᱟᱠᱟᱫᱟ ᱾ ᱞᱮᱴᱠᱟᱭ ᱮᱱᱮᱡ ᱡᱚᱝ ᱠᱟᱱᱟ ᱾
᱒.ᱜᱟᱯᱟᱛᱮ ᱟᱹᱭᱟᱹᱛ-ᱵᱟᱨ ᱵᱟᱝᱠᱷᱟᱱ ᱚᱱᱟᱠᱷᱚᱱ ᱵᱤᱥᱛᱤ ᱱᱤᱨᱚᱱ ᱟᱹᱭᱟᱹᱛ ᱢᱤᱫᱴᱷᱮᱱ ᱠᱟᱛᱮ ᱟᱹᱭᱟᱹᱛ ᱦᱩᱭ ᱞᱮᱱ ᱠᱷᱟᱱ ᱜᱟᱯᱟᱛᱮ ᱟᱹᱭᱟᱹᱛ ᱦᱩᱭᱩᱜᱼᱟ –
ᱥᱮᱛᱟᱜ ᱮᱱᱟ, ᱰᱟᱸᱜᱽᱨᱟ ᱵᱩᱥᱩᱵ ᱮ ᱮᱢᱟᱫ ᱠᱤᱱᱟ ᱟᱨ ᱥᱤᱭᱩᱜ ᱮ ᱡᱚᱲᱟᱣ ᱠᱮᱫᱟ ᱾
᱓. ᱛᱚᱯᱚᱞ ᱟᱹᱭᱟᱹᱛ–ᱢᱩᱬ ᱟᱹᱭᱟᱹᱛ ᱨᱮ ᱟᱨ ᱛᱤᱱᱟᱹᱜ ᱜᱟᱱ ᱛᱟᱺᱜᱤ ᱟᱹᱭᱟᱹᱛ ᱛᱟᱦᱮᱸᱱ ᱠᱷᱟᱱ ᱚᱱᱟᱫᱚ ᱛᱚᱯᱚᱞ ᱟᱹᱭᱟᱹᱛ ᱦᱩᱭᱩᱜᱼᱟ –
ᱯᱮᱯᱮᱭᱟ ᱱᱤᱨᱚᱱ ᱟᱹᱭᱟᱹᱛ ᱛᱮ ᱵᱮᱱᱟᱣ ᱟᱠᱟᱱ ᱟᱹᱭᱟᱹᱛ ᱨᱮ ᱛᱟᱺᱜᱤ ᱵᱟᱹᱱᱩᱜᱼᱟ, ᱵᱮᱣᱨᱟ ᱦᱟᱱᱟ ᱟᱨ ᱫᱚᱲᱚᱢ ᱦᱚᱸᱠᱚ ᱱᱟᱯᱟᱭ ᱜᱮᱭᱟ ᱾ ᱱᱚᱝᱠᱟᱱ ᱜᱟᱯᱟᱛᱮ ᱟᱹᱭᱟᱹᱛ ᱠᱚᱫᱚ ᱟᱨ, ᱤᱠᱷᱟᱹᱱ, ᱢᱮᱱᱠᱷᱟᱱ, ᱟᱨᱵᱟᱝᱠᱷᱟᱱ, ᱮᱢᱟᱱ ᱜᱟᱺᱱᱟᱹᱴ (Preposition) ᱟᱹᱲᱟᱹ ᱠᱚᱛᱮᱠᱚ ᱛᱚᱞᱚᱜᱼᱟ ᱾ ᱛᱚᱯᱚᱞ ᱟᱹᱭᱟᱹᱛ ᱨᱮᱫᱚ ᱢᱤᱫᱴᱟᱹᱝ ᱛᱟᱦᱮᱸᱱᱟ ᱢᱩᱬ ᱟᱹᱭᱟᱹᱛ ᱟᱨ ᱚᱱᱟᱨᱮ ᱛᱚᱸᱜᱮ ᱠᱚᱜᱼᱟ ᱛᱟᱺᱜᱤ ᱟᱹᱭᱟᱹᱛ ᱾ ᱡᱟᱦᱟᱸ ᱟᱹᱭᱟᱹᱛ ᱨᱮ ᱢᱩᱬ ᱟᱹᱭᱟᱹᱛ (Principal Clause) ᱵᱟᱨᱟᱵᱟᱹᱨᱤ ᱟᱹᱭᱟᱹᱛ (Equivalent Clause) ᱟᱨ ᱥᱩᱛᱩᱜ ᱟᱹᱭᱟᱹᱛ (sub-ordinate Clause) ᱡᱚᱲᱟᱣ ᱛᱟᱦᱮᱸᱱᱟ ᱚᱱᱟᱫᱚ ᱛᱚᱯᱚᱞ ᱟᱹᱭᱟᱹᱛ (Complex Sentence) ᱾
ᱡᱚᱵᱟ ᱵᱷᱚᱨᱟ ᱡᱩᱣᱟᱹᱱ ᱨᱮ, ᱱᱚᱝᱠᱟᱭ ᱦᱟᱹᱴᱤᱧ ᱜᱚᱫᱚᱜᱼᱟ ᱢᱮᱱᱛᱮ ᱚᱠᱚᱭ ᱦᱚᱸ ᱵᱟᱠᱚ ᱩᱭᱦᱟᱹᱨ ᱞᱮᱜᱼᱟ ᱾
ᱟᱥᱲᱟ ᱥᱮᱱᱚᱜ ᱩᱢᱮᱨ ᱨᱮ, ᱤᱧ ᱡᱚᱠᱷᱚᱱ ᱤᱧ ᱚᱞᱚᱜ ᱠᱟᱱ ᱛᱟᱦᱮᱸᱫ, ᱩᱱᱤᱫᱚ ᱟᱢᱮᱢ ᱜᱩᱛᱤ ᱞᱮᱱᱟ ᱾
